YOHAAN 3:16 - Uduk New Teatament and OT Portions

¹⁶ Haali/ Arumgimis enki ’kwaniny’cesh kagahara tani a’di c̱ikina a’di Ya/m piti jin di’d ṯal ’de/ mo, ki a’diyin jin midi gam a’di gwo is mo tani midi ’taki diki this e mo hili midi ta gi mondiki/e ki sule/ sule/ ya ye ’ba/ mo.

YOHAAN 3:16 Iomraidhean Croise

ṮAKWIIN 22:12

Dhali a’di ki o a’di gwo mo ki: Dhalku/ ki kar me’d pini ap̱owa ’ci mo, walla dhalku/ ki mii toŋ kamu/ gom a’di mo. Haali/ aha/ misha mo shwane/ ki /e ḵo/kina Arumgimis mo mmomishka/ ki /e diki non ya/m pini mo a’di jin ta ya/in gana/ ’peni aha/ mo be.

ṮAKWIIN 22:2

Dhali a’di ki o gwo mo ki: Susi ya/m pini shwane/ a’di jin ta jim piniŋ gana/ mo, a’di jin ena /e, isi a’di jin ta’da Is/hak mo dhali iiyi mo eya ’cesh gi Pa Muriyya dhali /e mini ’ciṯẖ a’di ’kus mmomiiya roroc̱o/ e ’kuwosh mo e mo jin miga/ ṯor /e mo be.

MAṮṮA 9:13

Iiku/ mo ma dhali da/ari a’di yan jin ta ’pemen gwo mo ki: Aha/ ŋap̱a momiimii moyi dhali yisa gom to jin minu ’ciṯẖ ’kus mo. Haali/ aha/ p̱u’dkina mo yisa mmoyuḵ uni gun mii miiŋḵar/e mo yisa hili gom uni gun ta imanmii miinthus mo be.

MARKUS 12:6

A’di ta’d gi jasi jin ṯal ’deŋ gana/ mo jin di’di a’di mo, a’di jin ta ya/m piti jin ena a’di ki en gana/ mo. Ŋ’ko’d a’di ki uṯẖki uni ya/m piti mo mmohashki a’di e uni mo mmo/o gwo mo ki: Uni mini taḵ ya/m pem mo be.

LUUKA 2:14

Monyca ma Arumgimis isi momis mo, dhali moŋḵu’th is e mony’cesh e bwaŋ ’kwani gun ’bora a’di bwa i is mo.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 1:29

Dhali ka cim jiŋ ’ko’d mo tani a’di p̱arki’da Yesus e mo mmoyayu/ ’kup̱ kadhoŋ mo i a’di mo dhali o gwo mo ki: Hili mo mo ma, Ari Ḵa’bal ma Arumgimis a’di jin midi ḵal miinthus gi ’kwaniny’cesh mo be.

YOHAAN 10:28

Dhali aha/ c̱ina uni moŋ’koki/e ki sule/ ya ye ’ba/ mo be. Dhali uni mini ’koki ’ce’d sho’k ki sule/ mo. Dhali wathin ṯal ’deŋ kamu/ midi diki sul uni mo ’peni me’d pem mo be.

YOHAAN 3:15

ki a’diyin jin midi gam a’di gwo is mo tani midi ta gi mondiki/e ki sule/ sule/ ya ye ’ba/ mo be.

YOHAAN 3:18

A’diyin jin gam a’di gwo is mo tani yisa waḵuwa, hili a’diyin jin diki gam gwo is mo tani a’di waḵkunu hila/ mo be haali/ a’di diki gam gway gi Ya/ ma Arumgimis jin di’d ṯal ’de/ is mo.

YOHAAN 3:36

A’diyin jin gamki gwo is e Ya/m piti mo tani a’di ta’d gi mondiki/e ki sule/ sule/ ya ye ’ba/ mo be. A’diyin jin diki ha gwo gi Ya/ e mo tani a’di midi diki p̱ar mondiki/e e mo, hili anyor ma Arumgimis c̱a’bki’d ap̱o/ a’di mo be.

YOHAAN 6:40

Haali/ a’di yansan ita bwa ma Babam pem mo, ki aris ’kwani ’baar mo ka ’deṯe/ ’deṯe/ kun p̱arki Ya/ e mo dhali gam gwo is e a’di mo tani mini ’taki ta gi moŋ’koki/e ki sule/ sule/ ya ye ’ba/ mo. Dhali aha/ mina ’de’k uni ka cim jiŋ ’ko’d mo be.

RUUMIYA 5:10

Haali/ waḵki/ ana gwamkunu ka Arumgimis mo mmota isa ’de/ mo ki mowu gi Ya/m piti mo tani ki ana ’kokina mo mmota ’kup̱ gom a’di mo tani bakata ’te/ beseene/ ana gwamkunu mo mmota isa ’de/ mo shwane/ tani ana minu ta is ki me’d ki mondiki/em piti mo be.

RUUMIYA 5:8

Hili Arumgimis ṯorki mo/en piti gom ana mo haali/ ki ana ’kokina mo mmota imanmii miinthus naskina/ mo tani aḴrisṯẖos wuki’d gom ana mo be.

RUUMIYA 8:32

A’di jin diki non Ya/m pitiŋ gana/ mo hili a’di c̱iki a’di mmowu mo goma ris ana ’baar mo tani mina a’di diki c̱i ana aris to ki nyanye/ ka ’the si’da/ nyaḵki a’di mo ’taa?

EP̱ASUS 2:4

Hili Arumgimis a’di jin ta pa ki pa e momiimii mo, ’peni dhan mo/en jin enkina a’di ana mo tani

TASALUNIIKI SU/ 2:16

Dhali shwane/ dhalki Tap̱a Yesus Ḵrisṯẖos bana ki is piti mo dhali Arumgimis jin ta’da Babam bana mo, a’di jin enki ana mo dhali c̱i ana momalas jin midi di ki sule/ sule/ ya ye ’ba/ mo dhali mo ma ’teŋ kap̱eŋ gana/ ka ’the mo,

TIITHUS 3:4

Hili ki miim ’borga/ mo dhali mii kun miinu ki mo/en ki bwaŋkush mo jin ta ji ma Arumgimis mo, a’di jin ta’da Amanwoṯẖ bana mo, piyin mo tani

IBRANIYIIN 2:9

Hili ana p̱arkina Yesus e mo, a’di jin diki’d ki ari mo mo mmokarkunu a’di ki gwa’d mo ki iman’doyu gwo mo tani a’di shumkunu mo ki monyca mo dhali montaḵ mo gom isa nyor jin wukina a’di mo. Wakan ka ’the ma Arumgimis mo tani a’di midi ’taki nyoḵ wu mo goma ris ’kwani ’baar mo be.

YOHAAN ’DE/ 3:1

Hili mo/en ma Baba jin c̱ikunu ana mo ki ana minu yuḵ ki uc̱i ma Arumgimis mo. Dhali wakan ana tana uni mo be. A’di ta ’kup̱ gwo jin ’kona ’kwaniny’cesh ki mish ana mo haali/ uni ’koki mish a’di mo be.

YOHAAN ’DE/ 4:19

Ana ena en mo haali/ a’di nṯwa/a/ enki ana mo be.

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,