YOHAAN 3:15 - Uduk New Teatament and OT Portions

¹⁵ ki a’diyin jin midi gam a’di gwo is mo tani midi ta gi mondiki/e ki sule/ sule/ ya ye ’ba/ mo be.

YOHAAN 3:15 Iomraidhean Croise

MAṮṮA 18:10

Hil ki ’bore/ ki um mini ’koki waḵ jan ṯal ’deŋ kamu/ ’peni uni gwansan kun gwa’dan mo haali/ aha/ ṯora /e gwo mo ki e momis mo tani iman’doyu gwom buni isa yempa/ uni hilki bwam/e ma Ababam pem jin di’d e momis mo be.

MAṮṮA 25:46

Dhali uni mini ii mo e mo jin ’konu ki mii ’ba/ ki sule/ mo, hili uni kun miin ka ḵar/e mo tani mini cic̱ mo e moŋ’koki/e ki sule/ sule/ ya ye ’ba/ mo be.

MARKUS 16:16

I/a’di jin midi gam gwo is mo dhali minu mii ki yi’de/ mo tani a’di iminu iwoṯẖ mo be. Hili a’di jin diki gam gwo is mo tani a’di minu waḵ mo be.

LUUKA 19:10

Haali/ Ya/ gi ’Kwani p̱u’dki’d mo mmoŋap̱a ŋap̱ mo dhali mmowoṯẖa woṯẖ mo gom uni gun thiskunu e mo be.

YOHAAN 1:12

Hili aris uni ’baar mo kun bu’thki a’di kun gam gway piti is mo tani a’di c̱iki uni mom’bi’th mo mmowar ki uc̱i ma Arumgimis mo be.

YOHAAN 16:33

Aha/ okina gwo yansan e um mo ki e aha/ mo tani um mini ta gi moŋḵu’th is mo. E mony’cesh yan mo tani um mini gam monṯo’c bwa mo, hili roc̱i shoka ’cesh ’te/ ma, haali/ aha/ p̱ikina mony’cesh yansan e ki mii mo be.

YOHAAN 20:31

Hili mii gwansan uni ’kwarkunu mo ki um mini gam gwo is ka Yesus ta’da Ḵrisṯẖos mo, a’di jin ta Ya/ ma Arumgimis mo, dhali ki um mini ṯikir gwo gam is mo dhali ṯikir moŋ’koki/e gam mo e gway piti mo be.

YOHAAN 3:16

Haali/ Arumgimis enki ’kwaniny’cesh kagahara tani a’di c̱ikina a’di Ya/m piti jin di’d ṯal ’de/ mo, ki a’diyin jin midi gam a’di gwo is mo tani midi ’taki diki this e mo hili midi ta gi mondiki/e ki sule/ sule/ ya ye ’ba/ mo.

YOHAAN 3:36

A’diyin jin gamki gwo is e Ya/m piti mo tani a’di ta’d gi mondiki/e ki sule/ sule/ ya ye ’ba/ mo be. A’diyin jin diki ha gwo gi Ya/ e mo tani a’di midi diki p̱ar mondiki/e e mo, hili anyor ma Arumgimis c̱a’bki’d ap̱o/ a’di mo be.

YOHAAN 5:24

Ka jiŋ gana/, ka jin gana/ aha/ ona um gwo mo ki: A’diyin jin ciḵki gwom pem mo dhali gam a’di is mo a’di jin hashki aha/ mo tani a’di ita’d gi mondiki/e ki sule/ sule/ ya ye ’ba/ mo be. A’di midi diki yayu/ e miiwaḵ gi gwon dwall mo hili a’di ’ciṯẖki’d mo ’peni mowu mo ntagi moŋ’koki/e ki sule/ sule/ ya ye ’ba/ mo be.

YOHAAN 6:27

Dhalku/ ki miiya ṯu’c gom tonṯe/ mo jin midi ’ce’d sho’k mo hili gom tonṯe/ jin midi ’dim ’kup̱ ntagi moŋ’koki/e ki sule/ sule/ ya ye ’ba/ mo, a’di jin mina Ya/ gi ’Kwani ic̱i um mo. Haali/ e a’di mo tani Arumgimis jin ta Com mo a’di ’dap̱ki gwom piti ’twa/ ki a’di mo be.

YOHAAN 6:40

Haali/ a’di yansan ita bwa ma Babam pem mo, ki aris ’kwani ’baar mo ka ’deṯe/ ’deṯe/ kun p̱arki Ya/ e mo dhali gam gwo is e a’di mo tani mini ’taki ta gi moŋ’koki/e ki sule/ sule/ ya ye ’ba/ mo. Dhali aha/ mina ’de’k uni ka cim jiŋ ’ko’d mo be.

YOHAAN 6:47

Ka jiŋ gana/, ka jiŋ gana/ aha/ ṯora um gwo mo ki: A’diyin jin gamki gwo is mo tani ta’d gi mondiki/e ki sule/ sule/ ya ye ’ba mo be.

MII GUN MIINU MO 13:41

Hili mo mo ma, um kun ta imanṯẖuny ’twa/ mo tani meri mo ma dhali thisi e mo. Haali/ aha/ miina mii ka cim bum mo, mii jin mina umi ush ki ’tash mo mmogam is mo waḵki/ jan ṯal ’de/ midi ’taki ṯor a’di um mo be.

MII GUN MIINU MO 8:36

Dhali mmo/iina uni ibway mo tani uni p̱u’dkin mo e yi’deŋ kamu/ mo dhali a’di jin ta mantil ki o gwo mo ki: Hili yi’de/ a’dan mo. Ata a’di jin midi non aha/ mmomii ki yi’de/ mo?

RUUMIYA 5:21

Dhali wakan si’da/ me’d jin sekina miinthus ap̱o/ mo gi wunu mo tani a’the si’da/ midi se ap̱o/ mo ma ḵar/e ki mondiki/e ki sule/ ya ye ’ba/ mo eya Yesus Ḵrisṯẖos Tap̱am bana mo be.

KURINṮH̱UUS ’DE/ 1:18

Haali/ gwo gi cwany’ciṯẖan dhul mo tani a’di ta gwom p̱us gom uni gwansan kun ’kon ki jiny ’ce’d sho’k mo, hili gom ana kun ’kokunu mo mmota is ki me’d mo tani a’di ta mom’bi’th ma Arumgimis mo be.

KURINṮH̱UUS SU/ 4:3

Dhali isi kan waḵki/ gwom ’borgam bam kumu ’kup̱ mo tani a’di kumu ’kup̱ jasi gom uni gwansan kun ’koni mothis e mo be.

GALATHIYYA 2:16

dhali ana gun misha mo mo ki wathi/ dinuki kar ki mo ma ḵar/e ki mii gi gwoŋḵan jin c̱inu mo, hili ki moŋgam gwo is eya Yesus Ḵrisṯẖos mo, isi kani ana gamkina gwo is eya Ḵrisṯẖos jin ta’da Yesus mo. Ki mii gi wakan mo mmodhuwa dhu ki mo ma ḵar/e mo ki moŋgam gwo is eya Ḵrisṯẖos mo dhali yisa ki mii gi gwoŋḵan jin c̱inu mo haali/ ki mii gi gwoŋḵan jin c̱inu mo tani jan ṯal ’deŋ kamu/ yisa di’da jin minu kar ki mo ma ḵar/e mo be.

GALATHIYYA 2:20

Aha/ nyaḵkunu ’kosh ki cwany’ciṯẖan dhul nyaḵka Ḵrisṯẖos mo. Dhali a’di yisa ta aha/ jin dina ki eya, hili aḴrisṯẖos a’di jin diki’d ki e e aha/ mo. Dhali mondiki/e jin dika/ ki e e buŋgwar is mo shwane/ tani aha/ dina ki e ki moŋgam gwo is mo e Ya/ ma Arumgimis mo, a’di jin enki aha/ mo dhali c̱i is piti mo gom aha/ mo be.

IBRANIYIIN 10:39

Hili ana ’konaki ta uni gwansan kun mini ’dowa ’kany’cesh ka nyaŋ’ko’d mo dhali kun ’ce’du sho’k mo, hili ana tana uni gwansan kun ta gi moŋgam gwo is mo dhali mmodhuwa ḵashiram bana mo be.

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

YOHAAN ’DE/ 2:25

Dhali a’di ta gwo yansan jin okina a’di ana is mo jin ta mondiki/e ki sule/ sule/ ya ye ’ba/ mo.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.