YOHAAN 3:14 - Uduk New Teatament and OT Portions

¹⁴ Dhali me’d jin ’de’k ma Musa tasha/ e mombwaasho mo tani wakan si’da/ Ya/ gi ’Kwani minu mii ’de’k mo be,

YOHAAN 3:14 Iomraidhean Croise

GWAY GI IDAWUU’D 22:16

Nye, arisa ’ka uni ’kamki aha/ mo. Imanŋali ’pen kun mii tonthus mo tani uni hamki aha/ mo. Uni su’kki me’d pem dhali sho’k pem mo.

MAṮṮA 26:54

Hili bakataye ki Gwo ma Arumgimis minu ’taki thim mo ki a’di minu mii mii wakan mo be.

MAṮṮA 8:20

Dhala Yesus ki o a’di gwo mo ki: Amaḵ uni ta gi jis mo dhali ’dii kun p̱en e momis mo tani uni ta gi gu’b mo. Hili, Ya/ gi ’Kwani mo tani a’di dar gi mo mo mmokar ’kup̱ piti nycine/ mo be.

LUUKA 24:20

Dhali hili igasiis kun can bana mo dhali ’kwaniŋ ’kaŋ’kup̱ pa mo tani uni c̱iki a’di mo ki a’di minu waḵ mo mmowu mo dhali mmo’kosh a’di jwa mo ki cwany’ciṯẖan dhul mo.

YOHAAN 18:32

A’di yansan miikunu mo mmothim gwo moyi jin okin ma Yesus mmoṯor gwo mo gom wu jin mina a’di wu mo be.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

YOHAAN 8:28

Dhali wakan aYesus ki o uni gwo mo ki: Ki um mini ’de’k Ya/ gi ’Kwani mo tani yan’ko’d um mini mish mo mo ki aha/ tana a’di be dhali ki aha/ dinaki mii ton ṯal ’deŋ kamu/ ki moshirr pem ki is pem mo, hili jasi uni kun okika/ kun ṯorkin ma Baba aha/ mo be.

MII GUN MIINU MO 2:23

Yesus yan mmoc̱inu a’di ki bwa ma Arumgimis ka ḵar/eŋ gana/ mo dhali mmomishkin ma Arumgimis nṯwa/a/ mo tani um ’koshki a’di jwa mo ki cwany’ciṯẖan dhul mo dhali a’di ’koshkina um jwa mo ka dun ṯorony ki jwam ’batha’d me’d ’kwani gun ush gwoŋḵan jin c̱inu mii mo.