YOHAAN 3:13 - Uduk New Teatament and OT Portions

¹³ Wathin ṯal ’deŋ kamu/ yisa di’da jin seki momis mo, hili a’di jin thulki’d ’peni momis mo, a’di jin ta Ya/ gi ’Kwani mo, a’di jin diki’d e momis mo be.

YOHAAN 3:13 Iomraidhean Croise

MAṮṮA 28:20

Ṯori uni gwo mo ma, mmodhu aris gwo gwansan uni gun ḵankika/ um mo, dhali hili mo mo ma, aha/ mina nyaḵ di e um isa yempa/ mo ntagi yil gi mony’cesh yan midi di ’kup̱ mo be.

MAṮṮA 8:20

Dhala Yesus ki o a’di gwo mo ki: Amaḵ uni ta gi jis mo dhali ’dii kun p̱en e momis mo tani uni ta gi gu’b mo. Hili, Ya/ gi ’Kwani mo tani a’di dar gi mo mo mmokar ’kup̱ piti nycine/ mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 13:3

Yesus mmomishkina a’di ki Com c̱iki’da ris to ’baar mo e me’d piti mo dhali mmop̱u’dkina a’di ’peni Arumgimis mo dhali mmomina a’di doḵa Arumgimis ka nyaŋ’ko’d mo tani

YOHAAN 17:5

Dhali shwane/ Ababa, kari /e aha/ ki ca e buŋ’kus pini mo ma, a’di jin ta monyca jin nyaḵka/ ki /e nṯwa/a/ ki mony’cesh yansan dinuki uḵ mo be.

YOHAAN 3:12

Waḵki/ aha/ ṯora um gwo gom to ga ’cesh mo dhali um ’koki gam gwo is mo tani ba um mini mish gwo gam is kata mo waḵki/ aha/ ṯora um gwo gom to gi momis mo?

YOHAAN 3:31

A’di jin p̱u’dki’d ’peni momis kan mo tani a’di ta ji gi di’d ap̱o/ ’kwani ’baar mo. A’di jin yayi’d ’peni mony’cesh mo tani ta ji jin cil ma ’cesh mo dhali ki ’twany ’cesh mo tani a’di ki o gwo mo. A’di jin p̱u’dki’d ’peni Momis mo tani a’di ta ji gi di’d ap̱o/ ’kwani ’baar mo be.

YOHAAN 6:33

Haali/ maa ma Arumgimis a’di ta a’di jin p̱u’dki’da ’cesh ’peni momis mo dhali c̱i mondiki/e e ’kwaniny’cesh mo.

YOHAAN 6:38

Haali/ aha/ p̱u’dkina i mony’cesh yansan ’peni momis mo, yisa mmomii ki bwam pem yisa, hili ki bwa gi a’di jin hashki aha/ mo be.

YOHAAN 6:42

Uni o gwo mo ki: Wathi/ yan diki ta aYesus mo? a’di jin ta Ya/ ma Yuusup̱ mo. ’Kona ana ki mish com dhali kum mowa? Ba ata ona a’di gwo mo shwane/ ki: Aha/ thulkina ’peni momis mo?

YOHAAN 6:46

Wathin ṯal ’deŋ kamu/ yisa di’da jin p̱arki’da Baba e mo, hili isi ciki/ jasi a’di jin ta ji ’peni Arumgimis mo, a’di mishki’da Baba mo be.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

YOHAAN 6:62

Waḵki/ wakan mo tani gwo midi wakataye waḵki/ um ki p̱ar Ya/ gi ’Kwani e mmoseku/ e mo jin dina a’di ’thissa/ mo?

YOHAAN 8:42

Yesus ki thoḵ uni gwo mo ki: Waḵki/ Arumgimis midi ’taki ta Ababam bum mo tani um mini ’taki en aha/ mo haali/ aha/ pikina ’peni Arumgimis mo dhali aha/ yayina ’peni a’di mo. Aha/ dinaki yayu/ ki bwam pem mo, hili ki bwa gi a’di jin hashki aha/ mo be.

MII GUN MIINU MO 2:34

Haala Dawuu’d yisa seki momisa. Hili a’di o gwo mo ki is piti mo ki: Tap̱a ki o gwo e Tap̱am pem mo ki: C̱a’bi /e aha/ ki me’da bim poros pem mo

MII GUN MIINU MO 20:28

’Cunycuri miim bum ki is bum mo ma dhala risa ma’diny gwan kun dhuna Shi/in Dheleladhelel um mo mmota icom kun mini hil mo mo dhali mmomiiya ṯu’c mo mmohila ḵaniisa gi Tap̱a jin yolkina a’di ka bas jin ta jim pitiŋ gana/ mo.

RUUMIYA 10:6

Dhali hili, mo ma ḵar/e jin ’dap̱a’d ki gwo jin gamu is mo tani a’di o gwo mo ki: Dhalku/ ki o gwo eya dum pini mo ki: Kaja a’di jin midi se momis mo? (ki a’di midi thula Ḵrisṯẖos ka ’cesh mo)

KURINṮH̱UUS ’DE/ 15:47

Wathi/ jin ta jin ṯwa/a/ mo tani a’di ta jany ’cesh mo, wathi/ jin cila bu’d mo. Dhali wathi/ jin ta jiŋ ’ko’d mo tani a’di ’peni momis mo be.

EP̱ASUS 1:23

a’di jin ta buŋgwar is piti mo, gom mon’tu’d piti jin ’tu’dkina a’di a’tu’di ’baar mo be.