YOHAAN 3:10 - Uduk New Teatament and OT Portions

¹⁰ Dhala Yesus ki thoḵ a’di gwo mo ki: /E tana manṯor ’Kwani ma Israyiil gwo mo dhali /e din naskina/ mmodiki mish gwo yansan ’ban mowa?

YOHAAN 3:10 Iomraidhean Croise

GWAY GI IDAWUU’D 51:10

Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

GWAY GI IDAWUU’D 51:6

Hili mo mo ma /e ona bwa ki gwoŋ gana/ e isi bwaman ma dum ’per mo. Dhali gom gwo gi wakan mo tani ṯori aha/ gwo gom moyuḵ mo eya dum pem ki kup̱ mo.

GWAY GI IDAWUU’D 73:1

Ka jiŋ gana/ Arumgimis ta a’di jin ’boro’d gom uni kun dhelel ma du mo, gom uni gwansan kun dhelelkin eya du mo.

MAṮṮA 11:25

Dhali ki mo c̱aan mo tani Yesus ki ṯor gwo mo eya tente/ mo ki: Aha/ ’bora /e bwa i is mo. Ababa jin ta Tap̱a gi momis mo dhali mony’cesh mo, ki /e bagki to gwansan ’peni ’kwani kun yuḵayuḵ mo dhali kun mishi gwo ’ban mo mmoṯor a’di eya tente/ ki uni gun tana ’pereny mo be.

MAṮṮA 15:14

Dhalki uni ’kon, uni ’cena mo ma. Uni ta uni gun tana ja’da/ ka ja’da/ mo kun ṯoshki ta ashu/um bway mo be. Dhali waḵki/ wathiny ja’da/ sus c̱eny ja’da/ mo tani uni su/ mini ṯaki jis mo be.

MAṮṮA 22:29

Hila Yesus ki thoḵ uni gwo mo ki: Um ṯẖuthi mii mo haali/ um ’koki mish Gwo ma Arumgimis kun ’kwarkunu mo walla mom’bi’th ma Arumgimis mo be.

LUUKA 2:46

’Ko’da cim kwara mo tani uni gamki a’di mo e gu’b gi mondheleladhelel mo mmoc̱a’b mo e bwam imanṯor gwo mo mmociḵ gwo ’peni uni mo dhali mmodoṯ uni gwondoṯ mo.

LUUKA 5:17

Dhali ’peni bwam ma cim ’de/ gwansan mo tani me’d jin c̱ikina a’di gwo mo tani ’Kwani P̱arisiyiin ’kokin mo dhali imanṯor gwoŋḵan jin c̱inu mo ’kokin ki ’dishe/ mo, uni gun p̱u’dkin mo ’peni aris bampa/ ’baar mo ka ’deṯe/ ’deṯe/ mo ’peni Pany Jaliil mo dhali ’peni Pa Yahuudiyya mo dhali ’peni Pa Urushaliim mo dhali mom’bi’th gi Tap̱a diki’da p̱o/ a’di mo mmowac̱a wac̱ mo be.

YOHAAN 3:9

Dhala Nikudimus ki thoḵ a’di gwo mo ki: Yan minu mish mii kataye?

MII GUN MIINU MO 5:34

Hili jan ṯal ’de/ doshki’di bwam uni imontul is buni yan jin ta Wathim P̱arisi jin yuḵu ka Ghamala/iil jin ta’da manṯor gwo gom gwoŋḵan jin c̱inu mo dhali a’di jin taḵu ki momaŋ caaca ibwam ma ris ’kwani ’baar mo. Dhali a’di ḵanki gwo ki uni mini thoṯẖki imandhun ma Yesus ki she/ is ’ko’d naskina/ mo.

RUUMIYA 2:28

Haali/ a’di diki ta Wathi/ Yahuudaŋ gana/ jin ta’da p̱or ma pije/ mo be. Dhali mo ma munyjal yis jin ’ciṯẖuŋ gana/ mo diki ta jim p̱or ma pije/ mo dhali jim buŋgwar is mo be.

P̱ILIBBI 3:3

Haali/ ana tana uni gun ’ciṯẖuwa munyjal yis gana/ mo ana gun luŋa Arumgimis ki shi/in mo dhali monyca eya Ḵrisṯẖos jin ta’da Yesus mo dhali mmo’koki dhu buŋgwar is e buŋgwar is mo.

KULUSSI 2:11

Dhali e a’di mo si’da/ um ’kokunu mo mmo’ciṯẖa/ munyjal yis mo ka munyjal yis jin ’ciṯẖu/ ki dar gi me’d mo, ki mii jin dhalu buŋgwar is gi shuman is ’pen mo e mo ma munyjal yis jin ’ciṯẖu/ jin ta ji ma Ḵrisṯẖos mo.