YOHAAN 21:7 - Uduk New Teatament and OT Portions

⁷ Dhali amanciḵ a’di gwo jin en ma Yesus mo o’da Buṯerus gwo mo ki: A’di ta Tap̱a be. Ka Simaan Buṯerus ciḵki gwo ki a’di ta Tap̱a mo tani a’di hi’thki burrinyem bwaman piti i is mo haali/ a’di di’d ki burrinye/ i empa’d ’te/ goma ṯu’c mo dhali a’di poshki’da al mo be.

YOHAAN 21:7 Iomraidhean Croise

GWAY GI IDAWUU’D 118:23

Mii yansan a’di ita mii jin miikina Tap̱a mo, dhali a’di ta mii jin meru em bana mo be.

MARKUS 11:3

Waḵki/ wathin ’deŋ kamu/ midi o um gwo mo ki: Atinta mina um kan mo tani ṯori a’di gwo mo ki: Tap̱a a’di midi mii ta gi a’di mo dhali midi hashu/ a’di ka nyaŋ’ko’d ki jahanne/ mo imahan mo.

LUUKA 12:35

Dhalki empa’d bum minu ’kam ki to mo dhali c̱itha lambam bum mo

LUUKA 2:11

Haali/ ka tee yansan mo tani Amanwoṯẖ jin ta Tap̱a Ḵrisṯẖos a’di dho’thkunu mo gom um e Pan Dawuu’d mo be.

LUUKA 7:47

Wakan aha/ ṯorkina /e gwo mo ki miinthus ma yim kun takina ris mo tani uni dhalkunuwa yim ’pen mo haala yim enki’da en ki nyanye/ mo. Hili a’di jin dhalkunu miinthus ’pen ki gwa’de/ mo tani a’di enki’da en ki gwa’d gwa’d mo be.

YOHAAN 13:23

Jan ṯal ’de/ ’peni imanciḵ a’di gwo mo a’di jin enkin ma Yesus mo mmo/ishkina a’di ki ’dishe/ eya bor ma Yesus mo be.

YOHAAN 19:26

Ka Yesus p̱arki kum e mo dhali amanciḵ a’di gwo jin ena a’di kagahara jin doshki’d ki ’dishe/ mo tani a’di ki o kum gwo mo ki: A’boma, hili ya/m pini mo ma.

YOHAAN 20:2

Wakan ayim guski’d mo dhali ya mo eya Simaan Buṯerus mo dhali amanciḵ a’di gwoŋ kamu/ mo, a’din ’de/ yin jin en ma Yesus mo, dhali o uni gwo mo ki: Uni ḵalki Tap̱a ’peni jis jwa mo dhali aman ’konaki mish mo jin karkina uni a’di nycine/ mo.

YOHAAN 20:20

Ki a’di oki gwo yansan mo tani a’di ki ṯor uni me’d piti i e mo dhali gwar piti mo be. Dhali yan’ko’d imanciḵ a’di gwo ’kunykina bwa mo mmop̱arkina uni Tap̱a e mo be.

YOHAAN 20:28

Ṯuuma thoḵ a’di gwo mo ki: Tap̱am pem dhali Arumgimis pem.

YOHAAN 21:20

Simaan Buṯerus ṯu’kki’d mo dhali p̱ar a’di jin baṯẖki uni e mo a’di jin ta’da manciḵ gwo jin en ma Yesus mo, a’di jin ishki’d eya bor piti mo e tonṯe/ jin shwakina uni mom’pimpili/ yin mo dhali o a’di gwo mo ki: Tap̱a, kaja a’di jin midi ’ciṯẖ /e is ki gwo mo?

YOHAAN 21:24

A’di yansan ta’da manciḵ gwo jin ta’da man/o gwo gom to gwansan mo dhali a’di i’kwarki gwo gwansan mo. Dhali a’di mishki’d ki gwonṯor piti jin ṯora a’di mo tani ta gwoŋ gana/ mo be.

YOHAAN 21:8

Hili imanciḵ a’di gwon tiya uni p̱u’dkin mo e bwaaḵur mo mmodira ’thi/ jin ’tu’da to yi’de/ mo haali/ uni yisa si’dkin ’pena gap̱a, hili uni aṯẖkina ŋaṯgini ’de/ mo be.

MII GUN MIINU MO 10:36

Gwo jin hashkina a’di uc̱i ma Israyiil mo mmoc̱i gwom ’boro’d ki moŋḵu’th is ma Yesus Ḵrisṯẖos mo (a’di jin ta Tap̱a gom ’kwani ’baar mo) –

MII GUN MIINU MO 2:36

Dhalka waḵ ’Kwani ma Israyiil ’baar mo mish mo mo ka jiŋ gana/ ka Arumgimis kar a’di ki Tap̱a mo dhali ka Ḵrisṯẖos si’da/ mo, a’di jin ta’da Yesus yan jin ’koshkina um ki cwany’ciṯẖan dhul mo.

KURINṮH̱UUS ’DE/ 15:47

Wathi/ jin ta jin ṯwa/a/ mo tani a’di ta jany ’cesh mo, wathi/ jin cila bu’d mo. Dhali wathi/ jin ta jiŋ ’ko’d mo tani a’di ’peni momis mo be.

KURINṮH̱UUS SU/ 5:14

Haali/ mo/en ma Ḵrisṯẖos mo tani a’di ’timkina amana du mo haali/ aman su’kkunuwa du mo ki ṯal ’deŋ kamu/ wu’d mo gom ’kwani ’baar mo. Wakan aris ’kwani ’baar mo wukin mo be.

YAKUUB 2:1

Iwaḵ pem, dhalku/ mii ki mii ka gwar ’de/ mo me’d jin bu’thkina um moŋgam gwo is mo e Tap̱a Yesus Ḵrisṯẖos bana mo, a’di jin ta Tap̱a gi monyca mo.