YOHAAN 21:16 - Uduk New Teatament and OT Portions

¹⁶ A’di ki o a’di gwo mo ki: C̱iyi ushi ḵa’bal pem to mmoshwa mo. Doḵ/e me’d jin ’kon ma ap̱o/i su/ mo tani a’di ki o a’di gwo mo ki: Simaan, ya/ ma Yohaan, a/e eni aha/ mo ’taa? A’di ki o a’di gwo mo ki: Nye, Tap̱a. /E mishkin ki aha/ enkina /e mo. A’di ki o a’di gwo mo ki: Hili ḵa’bal pem mo ma.

YOHAAN 21:16 Iomraidhean Croise

GWAY GI IDAWUU’D 100:3

Mishi mo mo ki a’di ta Tap̱a jin ta’da Arumgimis mo. A’di ta a’di jin uḵki ana mo dhali ana tana kum piti mo be. Ana tana ’kwanim piti mo dhali ana tana ḵa’bal ma shon dhii/i’d piti mo.

GWAY GI IDAWUU’D 95:7

Haali/ a’di ta’da Arumgimis bana mo, dhali ana tana ’kwani ma shon dhii/i’d piti mo, dhali ḵa’bal gi me’d piti mo. Ayy ka tee yan shwane/ mo ki um mini ’taki ciḵ ’twam piti moyi.

MAṮṮA 2:6

Dhali /e, ayy Beeṯlaham, e bampa/ Yahuudiyya mo tani /e yisa p̱isina e bwaman ’kwani gi itap̱a gi ’Kwani Yahuudiyya mo, haali/ ’peni /e mo tani amanjiya ji midi p̱u’du/ mo, a’di jin midi hil ’kwanim pem ma Israyiil mo be.

MAṮṮA 25:32

Aris kal gi ’kwaniny’ceshi ’baar mo minu tul isi bwambori a’di mo, dhali a’di midi ḵwa/ uni bwa mo ’peni tiyan tiya mo me’d jin ḵwa/ ma manhil ḵa’bal ḵa’bal bwa mo ’peni mi mo be.

MAṮṮA 26:72

Dhali yan’ko’d doḵ/e a’di waṯki gwo mo ki gwo mmoṯe gwo mo ki: Aha/ dinaki mish wathi/ yan mo be.

LUUKA 19:10

Haali/ Ya/ gi ’Kwani p̱u’dki’d mo mmoŋap̱a ŋap̱ mo dhali mmowoṯẖa woṯẖ mo gom uni gun thiskunu e mo be.

YOHAAN 18:17

Dhali nyarany c̱iŋkina/ jin hili ’twaŋkala goŋ mo tani o’da Buṯerus gwo mo ki: /E si’da/ diki ta amanciḵ wathi/ yansan gwo mo ’taa? A’di ki o gwo mo ki: Aha/ yisa tana a’diya.

YOHAAN 18:25

Dhala Simaan Buṯerus a’di diki’di modosh ki mis mo dhali mmosam is piti i o’d mo. Dhali uni ki o a’di gwo mo ki: /E si’da/ diki ta amanciḵ a’di gwo mo ’taa? A’di waṯki gwo mo dhali o gwo mo ki: Aha/ yisa tana a’diya.

YOHAAN 21:17

A’di ki o a’di gwo mo me’di kwara ki: Simaan, ya/ ma Yohaan, a/e eni aha/ mo? ABuṯerus suguwa du tash mo haali/ a’di ki o a’di gwo me’di kwara mo ki: A/e eni aha/ mowa? Dhali a’di ki o a’di gwo mo ki: Tap̱a, /e mishkina ris to ’baar mo dhali /e mishkin ki aha/ enkina /e mo. Dhala Yesus ki o a’di gwo mo ki: C̱iyi ḵa’bal pem to mmoshwa mo.

MII GUN MIINU MO 20:28

’Cunycuri miim bum ki is bum mo ma dhala risa ma’diny gwan kun dhuna Shi/in Dheleladhelel um mo mmota icom kun mini hil mo mo dhali mmomiiya ṯu’c mo mmohila ḵaniisa gi Tap̱a jin yolkina a’di ka bas jin ta jim pitiŋ gana/ mo.

IBRANIYIIN 13:20

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo

BUṮERUS ’DE/ 2:25

Haali/ um iikini per mo me’d ḵa’bal mo, hili shwane/ um doḵkin ka nyaŋ’ko’d mo eya Manhil Ḵa’bal mo dhali Amanjiya ḵashiram bum mo be.

BUṮERUS ’DE/ 5:2

C̱iyi ama’diny ma Arumgimis tonṯe/ mo, a’di jin ḵanu um gwo mo mmomii mo, yisa ki mii jin minu ṯu’c uma, hili ki bwa jin onu mo, yisa gom mii jin minu gama du is ki mon’the is mo, hili ki ’ba/ jin ganankunu mo,

GWO JIN ’CEENU MO 7:17

Haali/ Ari Ḵa’bal, a’di doshki’di bwaman ma ḵursi ma maliḵ mo, a’di jin ta’da Amanhil uni mo, dhali a’di midi shu uni bway mo e mo jin kasha yi’de/ jin di ki e e mo dhali Arumgimis midi shumuṯa ris jabudhi ’baar mo ’peni em buni mo be.