YOHAAN 21:15 - Uduk New Teatament and OT Portions

¹⁵ Ki uni ’baarki tonṯe/ gi mon’thamo/ mmoshwa mo tani Yesus ki owa Simaan Buṯerus gwo mo ki: Simaan, ya/ ma Yohaan, a/e eni aha/ mmobol gwansan e mo ’taa? A’di ki thoḵ a’di gwo mo ki: Nye, Tap̱a. /E mishkin ki aha/ enkina /e mo.

YOHAAN 21:15 Iomraidhean Croise

ṮAKWIIN 33:13

Hila Yakuub thoḵ a’di gwo mo ki: Tap̱am pem /e mishi uc̱i ki uni gwa’dagwa’d mo dhali ama’diny ḵa’bal dhali dhana ŋul’kup̱ ḵa’bal ta gi ushan mo kun miga/ hili e ki ’bore/ mo. Dhali waḵki/ uni uru ki ur ma hala/hala/ ka cim ’de/ mo tani arisa ma’diny ḵa’bal uni mini wu ’baar mo be.

MAṮṮA 10:37

A’di jin eni com kagahara mo walla kum mo mmobol aha/ e mo tani a’di diki ha me’d mo gom aha/ mo be. Dhali a’di jin eni ya/ mo walla ’bwa/ mo mmobol aha/ e mo tani a’di diki ha me’d mo gom aha/ mo be.

MAṮṮA 16:17

Dhala Yesus ki thoḵ a’di gwo mo ki: Mom’bor mii gom /e mo, Simaan jin ta ya/ ma Yuuna mo. Haali/ buŋgwar is mo dhala bas mo tani uni ’koki ṯor a’di yan eya tente/ e /e mo, hili, Ababam pem a’di jin di’d e momis mo be.

MAṮṮA 18:10

Hil ki ’bore/ ki um mini ’koki waḵ jan ṯal ’deŋ kamu/ ’peni uni gwansan kun gwa’dan mo haali/ aha/ ṯora /e gwo mo ki e momis mo tani iman’doyu gwom buni isa yempa/ uni hilki bwam/e ma Ababam pem jin di’d e momis mo be.

MAṮṮA 26:33

Dhala Buṯerus ki ṯor a’di gwo mo eya tente/ ki: Ba uni gwansani ’baar mo mini ṯa’k mo gom /e mo tani aha/ mina diki biṯ ki sule/ mo be.

MAṮṮA 26:35

Dhala Buṯerus thoḵ a’di gwo mo ki: Hili waḵki/ aha/ mina mii wu mo nyaḵki /e mo tani aha/ mina diki waṯ /e gway mo. Dhali imanciḵ a’di gwo ’baar mo o gwo wakansan mo be.

MARKUS 14:29

Buṯerus ki o a’di gwo mo ki: Bahili waḵki/ uni gwansani ’baar mo mini ṯa’k mo tani aha/ mina diki biṯ mo be.

LUUKA 12:32

Dhalku/ is ki ḵo/ mo ma, usha ma’diny mo, haali/ bwa ma Ababam bum midi ’bor mo mmoc̱i um bampa/ mo be.

LUUKA 22:32

Hili aha/ ’thokina mo gom /e mo ki moŋgam gwo is pini midi diki ush me’d mo. Dhali ki /e mini ṯu’k mo doḵ/e tani ’bithi awaḵ pini is mo ma.

YOHAAN 1:42

A’di suski’da kam piti eya Yesus mo dhala Yesus p̱arki a’di e mo dhali o a’di gwo mo ki: Hayyiye /e tana Simaan jin ta ya/ ma Yohaan mo. /E minu yuḵ gway ka Sap̱a mo (a’di jin ta ’pemen gwo ka Buṯerus mo).

YOHAAN 13:37

Buṯerus ki o a’di gwo mo ki: Tap̱a, jan ta imiga/ mol /e baṯẖi sho’k shwanetan mo? Aha/ mina kar mondiki/em pema ’cesh gom /e mo be.

YOHAAN 16:27

Haali/ Ababa ki is piti enki um mo haali/ um enki aha/ mo dhali gamki gwo is ki aha/ p̱u’dkina ’pena Baba mo be.

YOHAAN 21:12

Yesus ki o uni gwo mo ki: Iiyu/ mo ma dhali shwa tonṯe/ gi mon’thamo/ mo. Hila manciḵ a’di gwoŋ kamu/ yisa di’d ’de/ jin ro’dki mii mo mmodoṯ a’di gwo mo ki: Ki /e tana ja sa/? Uni nyiṯẖkin ki a’di ta Tap̱a mo be.

YOHAAN 21:7

Dhali amanciḵ a’di gwo jin en ma Yesus mo o’da Buṯerus gwo mo ki: A’di ta Tap̱a be. Ka Simaan Buṯerus ciḵki gwo ki a’di ta Tap̱a mo tani a’di hi’thki burrinyem bwaman piti i is mo haali/ a’di di’d ki burrinye/ i empa’d ’te/ goma ṯu’c mo dhali a’di poshki’da al mo be.

YOHAAN 8:42

Yesus ki thoḵ uni gwo mo ki: Waḵki/ Arumgimis midi ’taki ta Ababam bum mo tani um mini ’taki en aha/ mo haali/ aha/ pikina ’peni Arumgimis mo dhali aha/ yayina ’peni a’di mo. Aha/ dinaki yayu/ ki bwam pem mo, hili ki bwa gi a’di jin hashki aha/ mo be.

MII GUN MIINU MO 20:28

’Cunycuri miim bum ki is bum mo ma dhala risa ma’diny gwan kun dhuna Shi/in Dheleladhelel um mo mmota icom kun mini hil mo mo dhali mmomiiya ṯu’c mo mmohila ḵaniisa gi Tap̱a jin yolkina a’di ka bas jin ta jim pitiŋ gana/ mo.

MII GUN MIINU MO 20:29

Aha/ misha ki ’ko’di mo jin miga/ ya mo tani awu kun c̱ithirac̱ithir mo tani mini seyu/ i bwam um mo mmomii mii kun miinu ka serec̱ yisa goma ma’diny yan mo.

RUUMIYA 14:1

Hili gom wathi/ jin ’ka’da is mo e moŋgam gwo is mo tani hani a’di mo ma. Hili yisa mmosu’k ki gwo kun ’kon ka ḵwa/m bwa mo.

RUUMIYA 15:1

Ana uni gun ’bitha is mo tani mina mii ḵal to gi uni gun ’ka’da is kun aṯẖa/aṯẖ mo dhali mmo’koki maŋ is bana mo be.

KURINṮH̱UUS ’DE/ 8:11

Dhali wakan gom monyiṯẖ pini mo tani wathi/ yansan jin ’ka’da is mo tani a’di ’ce’dkunu sho’k mo be, a’di jin ta’da akan jin wun ma Ḵrisṯẖos mo be.

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

EP̱ASUS 4:14

Wakan ki ana mina ’taki ’koki ’ko mo mmota uc̱i naskina/ mo ki ana minu ’koki ’dash mo dhali wuṯul mo dhali ḵal mo ka ris ’tham gi gwon thus ki eŋ ’kwani kun korakor mo ka maḵ buni kun takina uni mo eya he’k e jin he’kkina uni ka gany mo.

EP̱ASUS 6:24

A’the midi di mo gom umi ’baar mo, um gun enki Tap̱a Yesus Ḵrisṯẖos bana mo ki mo/en jin midi diki wuwa mashira/ mo be.

IBRANIYIIN 13:20

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo

IBRANIYIIN 4:13

Dhali ibwambori a’di mo tani to jin uḵuŋ kamu/ yisa di’da jin bagkunu ’peni a’di mo, hili aris uni ’baar mo dhunu eya tente/ mo dhali ’kon ki laŋ laŋ mo e bwambori em piti mo, a’di jin mina ana mii us is mo mmomii to mo.

BUṮERUS ’DE/ 1:8

Ki dar gi mmop̱ar a’di e mo tani um enki a’di mo. Ba um bala kun ’koki p̱ar a’di e mo shwane/ mo tani um gamki gwo is e a’di mo dhali ’kunykina bwa mo ki gwo jin molu bah mo dhali jin eḵa/ eḵ mo.

BUṮERUS ’DE/ 2:2

Me’d usha ŋam ’pereny kun daḵa dhodhu mo tani oyi bwa mo goma ko mo jin ta to gi shi/in jin dheleli’d mo. Ki a’di mo tani um mini ca mo e bway gi mowoṯẖ mo.

BUṮERUS ’DE/ 2:25

Haali/ um iikini per mo me’d ḵa’bal mo, hili shwane/ um doḵkin ka nyaŋ’ko’d mo eya Manhil Ḵa’bal mo dhali Amanjiya ḵashiram bum mo be.

YOHAAN ’DE/ 4:19

Ana ena en mo haali/ a’di nṯwa/a/ enki ana mo be.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.

GWO JIN ’CEENU MO 2:23

Dhali aha/ mina ’kosh uc̱i ma yim jwa mo. Dhali arisa ḵaniisa gwansan mini mish mo mo ki aha/ tana a’di jin ŋap̱ki bwaŋ ’kwani ki bur bur mo dhali aduŋ ’kwani mo, dhali aha/ mina c̱i aris umi ’baar mo to ka ’deṯe/ ’deṯe/ mo, to kun wana e ki miin to kun miina um mo.