YOHAAN 21:1 - Uduk New Teatament and OT Portions

¹ ’Ko’di mii yansan mo tani aYesus a’di ṯorki is piti eya tente/ doḵ/e e imanciḵ a’di gwo e shemen ma Al ma Thabariyya mo, dhali a’di ṯorki is piti wakansan mo be.

YOHAAN 21:1 Iomraidhean Croise

MAṮṮA 26:32

Hili ŋ’ko’d mo tani ki aha/ piyunu/ mo tani aha/ mina ya um iṯwa/a/ e Pany Jaliil mo be.

MAṮṮA 28:16

Dhali imanciḵ a’di gwo kun ’koni ’kume’d i’ce’dka ’de/ mo tani uni iikin mo e Pany Jaliil mo e ’kuwosh jin ḵankin ma Yesus uni gwo mo.

MAṮṮA 28:7

Dhali yan’ko’d iiyi ki jahanne/ mo dhali ṯor imanciḵ a’di gwo gwo mo ki a’di cuki mis mo ’peni mowu mo. Dhali hili mo mo ma, a’di midi ya nṯwa/a/ ki um mo e Pany Jaliil mo be. Dhali e mun mo tani um mini gam a’di mo. Hili aha/ ṯorkina um gwo mo be.

MARKUS 16:12

Dhali yan’ko’d mo tani a’di piki unin sun tiya i is mo ki jamasa kamu/ mo me’d jin iikina uni ibway mo mmo/ii bampa/ mo.

MARKUS 16:14

Dhali yan’ko’d mo tani a’di ki pi uni ’kume’d i’ce’dka ’de/ i is uni ’cena mo me’d jin ’kokina uni eya tharabeesa mo mmoshwa to mo. Dhali a’di ki ḵucur uni ki gwo mo gom gwom buni gun ’kona uni ki gam is mo dhali goma dum buni kun ’bitha’bi’th mo haali/ uni ’koki gam gwo gi uni gwansan is mo uni kun p̱arki a’di e mo ’ko’di pim piti jin piyunu a’di mo be.

MARKUS 16:7

Hili iiku/ mo dhali ṯor imanciḵ a’di gwo gwo mo dhala Buṯerus si’da/ ki a’di midi ya iṯwa/a/ ki um e Pany Jaliil mo. Dhali e mun mo tani um mini p̱ar a’di e mo me’d gwo jin ṯorkina a’di um mo be.

YOHAAN 21:14

Mii yansan a’di ta mii jin ’kon ma p̱o/i kwara mo jin ṯorkin ma Yesus imanciḵ a’di gwo is piti e eya tente/ mo ’ko’di a’di cukunu mis mo ’peni mowu mo be.

YOHAAN 6:1

Dhali ’ko’di mii yansan mo tani Yesus yaki’d mo mmo’ciṯẖa/ gap̱ ma Al ma Jaliil mo a’di jin ta’da Al ma Thabariyya mo be.

YOHAAN 6:23

Bahili jasa ḵur ’peni Pan Thabariyya mo tani p̱u’dkin mo mmo’dish mo is mo e mo jin shwakina uni maaŋḵuthu’d mo ’ko’di Tap̱a ’borki’da Arumgimis bwa i is mo be.

MII GUN MIINU MO 1:3

’Ko’di isa nyor piti mo tani Yesus ki ṯor uni is piti jin di’d ki e eya tente/ ka du’d miiŋ gana/ ka ris mo. A’di yayi’di pi uni i is ka cim ma issu/ mo be. A’di di’d mmoṯor gwo gom Bampa/ ma Arumgimis mo.