YOHAAN 20:2 - Uduk New Teatament and OT Portions

² Wakan ayim guski’d mo dhali ya mo eya Simaan Buṯerus mo dhali amanciḵ a’di gwoŋ kamu/ mo, a’din ’de/ yin jin en ma Yesus mo, dhali o uni gwo mo ki: Uni ḵalki Tap̱a ’peni jis jwa mo dhali aman ’konaki mish mo jin karkina uni a’di nycine/ mo.

YOHAAN 20:2 Iomraidhean Croise

YOHAAN 13:23

Jan ṯal ’de/ ’peni imanciḵ a’di gwo mo a’di jin enkin ma Yesus mo mmo/ishkina a’di ki ’dishe/ eya bor ma Yesus mo be.

YOHAAN 19:26

Ka Yesus p̱arki kum e mo dhali amanciḵ a’di gwo jin ena a’di kagahara jin doshki’d ki ’dishe/ mo tani a’di ki o kum gwo mo ki: A’boma, hili ya/m pini mo ma.

YOHAAN 20:13

Uni ki owa yim gwo mo ki: A’boma, atinta gwokina /e kan mo? Ayim ki thoḵ uni gwo mo ki: Haali/ uni ḵalki Tap̱am pem mo dhali aha/ mola mo jin karkina uni a’di nycine/ mo be.

YOHAAN 20:15

Yesus ki owa yim gwo mo ki: A’boma, atinta gwokina /e kan mo? Dhali aja iŋap̱kina /e mo? Dhali a’di ṯoshki’d ki a’di ta’da manhil bwaman monsinu mo. Ayim ki o a’di gwo mo ki: Tap̱a, waḵki/ /e ḵalki a’di mo tani ṯori aha/ mo jin ’thikina /e a’di nycine/ mo dhali aha/ mina ḵal a’di mo be.

YOHAAN 20:9

Haali/ uni ’koki mish Gwo ma Arumgimis jin ’kwarkunu mo naskina/ ki a’di midi mii pi ’peni mowu mo be.

YOHAAN 21:20

Simaan Buṯerus ṯu’kki’d mo dhali p̱ar a’di jin baṯẖki uni e mo a’di jin ta’da manciḵ gwo jin en ma Yesus mo, a’di jin ishki’d eya bor piti mo e tonṯe/ jin shwakina uni mom’pimpili/ yin mo dhali o a’di gwo mo ki: Tap̱a, kaja a’di jin midi ’ciṯẖ /e is ki gwo mo?

YOHAAN 21:24

A’di yansan ta’da manciḵ gwo jin ta’da man/o gwo gom to gwansan mo dhali a’di i’kwarki gwo gwansan mo. Dhali a’di mishki’d ki gwonṯor piti jin ṯora a’di mo tani ta gwoŋ gana/ mo be.

YOHAAN 21:7

Dhali amanciḵ a’di gwo jin en ma Yesus mo o’da Buṯerus gwo mo ki: A’di ta Tap̱a be. Ka Simaan Buṯerus ciḵki gwo ki a’di ta Tap̱a mo tani a’di hi’thki burrinyem bwaman piti i is mo haali/ a’di di’d ki burrinye/ i empa’d ’te/ goma ṯu’c mo dhali a’di poshki’da al mo be.