YOHAAN 20:1 - Uduk New Teatament and OT Portions

¹ Dhali ka cim jin ṯwa/a/ ka dhas mo tani Mariyam Magdaliyya p̱u’dki’d mo e moŋ’kup̱aje ka ’tum mo ki mo di’d ki mondhurum naskina/ mo dhali a’di p̱arki wosh e ki a’di ḵa’ckunu hila/ ’peni jis jwa mo be.

YOHAAN 20:1 Iomraidhean Croise

MAṮṮA 27:56

Dhali e bwaman uni mo tani aMariyam Magdaliyya diki’d mo dhala Mariyam jin to Ko Yakuub mo dhala Yuusup̱ mo dhali ko iya/ ma Sabadi mo be.

MAṮṮA 27:60

Dhali ’thi a’di e jis pitiŋ gana/ jin ta jis jwan this mo, a’di jin ’kolkina a’di wosh mo. Dhali a’di ki ’daŋkal wosha caaga/ mo mmo’dap̱ ’twaŋkal jis jwa ’twa/ mo, dhali a’di ki ya mo be.

MAṮṮA 27:64

Wakan ki /e mini ḵan gwo mo ki moŋ’kup̱aje minu mii ji mo ki ’dantar mo ntaga cim kwara mo, isi ciki/ ki imanciḵ a’di gwo mini ’koki ii mo dhali ḵwal is piti mo dhali ṯor ’kwani gwo mo ki: A’di piki’d ’peni mowu mo, dhali gwonthus jin ta jiŋ ’ko’d jin minu o mo tani a’di midi war ki shi/ kagahara mo mmobol jin ṯwa/a/ e mo be.

MAṮṮA 27:66

Wakan uni iikin mo dhali ji moŋ’kup̱aje mo, dhali uni ki ’dap̱ wosh ’twa/ ka ’diŋkila/ mo dhali dhu imanji mo mo be.

MAṮṮA 28:1

Dhali ’ko’da cim ma pesu/ mo tani ki mo ḵali kush mo ka cim jin ṯwa/a/ ka dhas mo tani aMariyam Magdaliyya dhala Mariyama kamu/ uni iikin mo mmop̱ar moŋ’kup̱aje e mo be.

MAṮṮA 28:2

Dhali hili mo mo ma, adhan mony’cesh yiḵinki is mo kagahara haala man’doyu gwo gi tap̱a thulki’d mo ’peni momis mo dhali p̱u’du/ mo dhali ḵa’c wosh ka nyaŋ’ko’d mo dhali a’di ki c̱a’ba po/ a’di mo be.

MARKUS 15:46

Dhali a’di yolki burrinyen dhiny e jin kanuwa kan mo dhali a’di ki thul a’di ka ’cesh mo dhali ’tham a’di is ki burrinyen dhiny e jin kanuwa kan mo dhali ’thi a’di mo e jis wosh jin ’kolkunu mo dhali ’daŋkal dhan wosha caaga/ mo mmomu’th ’twaman jis jwa ’twa/ mo be.

MARKUS 16:9

Dhali ki a’di cukunu mis mo ka’tum ka cim jin ṯwa/a/ ka dhas yan mo tani a’di piki’da Mariyam Magdaliyya i is nṯwa/a/ mo a’di jin urkina a’di aruma ’cesh thusi pesu/ ka pije/ mo be.

YOHAAN 11:38

Dhali yan’ko’d Yesus den ma du mo e shi/in piti doḵ/e mo dhali a’di p̱u’dki’d e moŋ’kup̱aje mo. A’di ta jis wosh jin ’kolkunu mo dhali wosh karkunu mo mmo’dap̱ a’di ’twa/ mo be.

YOHAAN 11:41

Wakan uni ḵa’cki wosh mo dhala Yesus ’deki em piti ki mis mo dhali o gwo mo ki: Ababa, aha/ ’borkina /e bwa i is mo ki /e ciḵki aha/ ’twa/ mo.

YOHAAN 19:25

Wakan i/askar uni miiki to yansan mo. Hili uni kun doshkin ki ’dishe/ e cwany’ciṯẖan dhul ma Yesus mo tani ta a’di jin ta kum mo dhali ’bwaham gi kum mo be, dhala Mariyam jin ta ash ma Kiluuba mo dhala Mariyam Magdaliyya mo.

YOHAAN 20:26

Acim pekwara ŋ’ko’d mo tani imanciḵ a’di gwo ’kokini bwaŋ gu’b doḵ/e mo, dhala Ṯuuma nyaḵki di ki uni mo. Dhali acampur gu’bi ’baar mo ’ko ki mu’th mo. Hila Yesus p̱u’dki’d mo dhali doshi bwam uni mo dhali o gwo mo ki: Moŋḵu’th is midi di e um mo be.

MII GUN MIINU MO 20:7

Dhali ap̱owa cim yan jin ṯwa/a/ ka dhas mo tani aman ’kokina mmotul is mo imonṯal ’de/ mo mmo’ce’d maaŋḵuthu’d mo tani aBuulus ṯorki’da ṯor ki uni ka ḵarambuye/ mo mmoṯor mo gom ya jin mina a’di mii ya mo ka cim jiŋ ’ko’d mo dhali gwom piti bulkina a’di uni mo ntagi mombwam/e mo be.

KURINṮH̱UUS ’DE/ 16:2

Ka cim jin ṯwa/a/ ka dhas mo isa yempa/ mo tani aris um ka ’deṯe/ ’deṯe/ mo mini dhu to ’pen ka pije/ mo dhali dhu a’di e mo jin dhunu to mo, ma to yin jin gamkina um mo, wakan ki to gun c̱inu mo tani minu ’koki mii tul is mo me’d jin miga/ p̱u’dku/ mo be.

GWO JIN ’CEENU MO 1:10

Aha/ dikina e Shi/in mo ka tee gi Tap̱a mo dhali aha/ ciḵkina dhan ’twa/ ap̱o/ aha/ mmun me’d ko ma poome/ mo