YOHAAN 2:25 - Uduk New Teatament and OT Portions

²⁵ haali/ a’di mishki’da ris ’kwani ’baar mo dhali midi mii diki ta gi jan ṯal ’deŋ kamu/ mmoṯor a’di gwo ap̱o/ ’kwani mo haali/ a’di ki is piti mishki to kun ’kon e bwaŋ ’kwani mo be.

YOHAAN 2:25 Iomraidhean Croise

MAṮṮA 9:4

Hila Yesus mishki gwom buni jin kulumkina uni ibwa mo be mmo/o gwo mo ki: Atinta kuluma um gwon thus eya dum bum kan mo?

YOHAAN 1:42

A’di suski’da kam piti eya Yesus mo dhala Yesus p̱arki a’di e mo dhali o a’di gwo mo ki: Hayyiye /e tana Simaan jin ta ya/ ma Yohaan mo. /E minu yuḵ gway ka Sap̱a mo (a’di jin ta ’pemen gwo ka Buṯerus mo).

YOHAAN 1:47

Dhala Yesus mishki’da Naṯẖana/iil mo mmop̱u’du/ e a’di mo dhali o a’di gwo mo ki: Hili mo mo ma. Wathi/ ’peni ’Kwani ma Israyiil ka jiŋ gana/ jin dar ga maḵ mo.

YOHAAN 13:11

Haali/ a’di mishki a’di jin midi ’ciṯẖ a’di is ki gwo mo. A’di i/ona a’di gwo gi wakan mo ki: Umi ’baar mo yisa idheleladhelel mo.

YOHAAN 6:61

Hila Yesus a’di nyiṯẖki’d ki is piti mo ki imanciḵ a’di gwo miiki’da gumgum mo isi gom gwo yan mo tani dhali o uni gwo mo ki: Um si’da/ kolkunu mo gom gwo yansan mo de?

YOHAAN 6:64

Hili unin tiya ’kokini bwam um mo kun ’koki gam gwo is mo. Haala Yesus mishki’d ’peni ka muŋ’kup̱ nṯwa/a/ mo uni gwansan kun mini ’koki gam gwo is mo dhali a’diyin jin midi ’taki ’ciṯẖ a’di is ki gwo mo be.