YOHAAN 2:22 - Uduk New Teatament and OT Portions

²² Dhali wakan ki a’di cuyunu mis mo ’peni mowu mo tani imanciḵ a’di gwo kana gwo e mo jin okina a’di wakansan mo dhali uni gamki Gwo jin ’kwarkunu is mo dhali gwo jin okin ma Yesus mo be.

YOHAAN 2:22 Iomraidhean Croise

GWAY GI IDAWUU’D 16:10

Haali/ /e diki c̱i aha/ eya Haawiya mo, walla /e diki dhal a’din ’de/ jin ta’da gayiin pini bway mo mmop̱ar jisa ’kulga/ e mo.

LUUKA 24:26

A’di diki ta mii jin minu mii mii mo ka Ḵrisṯẖos mina is ’taki diki mii ’kosh ka nyor gom to gwansan mo dhali cic̱ mo e monycam piti mo ’taa?

LUUKA 24:44

Dhali yan’ko’d a’di ki o uni gwo mo ki: Gwo gwansan ta gwom pem kun oka/ um mo ki aha/ dina um naskina/ mo, ka ris to gwansan kun ’kwarkunu mo gom aha/ mo e gwoŋḵan ma Musa jin c̱inu mo dhali e gwo gi imanc̱i gwo ma Arumgimis kadhamo/ mo dhali eya Masamiir mo tani minu mii thim mo be.

YOHAAN 12:16

Imanciḵ gwo ’koki mish gwo yansan ’bani ṯwa/a/ mo be. Hili ka Yesus karkunu cam piti eya tente/ mo tani dhali yan’ko’d uni kakina gwo yansan e mo jin ’kwarkunu mo gom a’di mo dhali jin miikunu mo gom a’di mo be.

YOHAAN 14:26

Hili ka Manmalas jin ta Shi/in Dheleladhelel mo, a’di jin min ma Babam pem hashu/ ki gway pem mo tani a’di midi ṯor um gwo ’baar mo dhali midi ka um gwo e ’baar mo kun ṯorkika/ um mo be.

YOHAAN 16:4

Hili aha/ okina to gwansan e um mo, ki mom buni mini p̱u’du/ mo tani um ki ka gwo e ki aha/ ṯorkina um uni mo be. Aha/ dinaki o gwo gwansan ’peni ka muŋ’kup̱ mo haali/ aha/ dikina nyaḵki um mo be.

YOHAAN 2:11

Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 2:17

Imanciḵ a’di gwo kakina gwo e mo jin ’kwarkunu mo jin o gwo mo ki: Anyor gom gu’b pini mo tani a’di miga/ shwa mo be.

YOHAAN 2:2

Dhala Yesus si’da/ yuḵkunu mo e momiimash yan mo nyaḵki imanciḵ a’di gwo mo be.

MII GUN MIINU MO 11:16

Dhali aha/ kana gwon Tap̱a e mo mmo/ona a’di gwo mo ka: aYohaan ka jiŋ gana/ mii’da mii ki yi’de/ mo tani hili um minu mii ki Shi/in Dheleladhelel mo be.

MII GUN MIINU MO 13:33

ka Arumgimis ’baarki mii yansan e ana gom uc̱im bana mmo’de’kkina a’di aYesus mo be. Me’d jin ’kwarkunu mo si’da/ ka Masmuuri su/ mo ki: /E ta Ya/m pem mo. Ka cim yansan jin karka/ /e mmodi e aha/ mmotaya/ Ya/um mo.