YOHAAN 2:19 - Uduk New Teatament and OT Portions

¹⁹ Yesus ki thoḵ uni gwo mo ki: ’Koshi gu’b gi mondheleladhelel yansan mo dhali ka cim kwara mo tani aha/ mina ’de’k a’di imis mo be.

YOHAAN 2:19 Iomraidhean Croise

MAṮṮA 12:40

Haali/ me’d jin dikin ma Yuunaan ka cim kwara mo dhali ka cim kwara ki mon’thiny ilu/ mo e bwan to yi’de/ mo tani wakan si’da/ mina Ya/ gi ’Kwani di ka cim kwara mo dhali ka cim kwara ki mon’thiny ilu/ mo eya du gi mony’cesh yansan mo be.

MAṮṮA 16:21

’Peni mo c̱aan mo tani Yesus ṯelki mii ’pen mo mmoṯor imanciḵ a’di gwo gwo mo ki a’di midi mii ya mo e Pa Urushaliim mo dhali ’kosh is ka nyor ki to ka ris mo ’peni ’kwani gwanyjaḵa/ mo dhali ’peni igasiis mo dhali iman’kwar to mo, dhali a’di minu ’kosh jwa mo, dhali ka cim kwara mo tani a’di minu ’de’k mo be.

MAṮṮA 27:40

dhali mmo/o gwo mo ki: /E jin mini ’taki ’kosh gu’b gi mondheleladhelel mo dhali nyaŋ a’di ka cim kwara mo tani woṯẖi is pini mo. Waḵki/ /e ta Ya/ ma Arumgimis mo, ba thulu ka ’cesh ’peni ap̱o/ cwany’ciṯẖan dhul mo.

MAṮṮA 27:63

dhali o gwo mo ki: Tap̱a, am kakina gwo e jin okin ma manhe’k ’kwani e mo ki a’di di’d ki e mo naskina/ mmo/o gwo mo ki: ’Ko’da cim kwara mo tani aha/ mina cuyu mis doḵ/e mo be.

MARKUS 14:58

Aman ciḵkina gwo jin ona a’di mo ki: Aha/ mina ’kosh gu’b gi mondheleladhelel yansan mo, a’di jin nyaŋkunu ki me’d mo, dhali ka cim kwara mo tani aha/ mina nyaŋ jaŋ kamu/ jin ’konuki nyaŋ ki me’d mo be.

MARKUS 15:29

Dhali uni gwansan kun iikin ki iimpe mo tani uni c̱iki a’di gura/ mo dhali pir ’kup̱ buni mo dhali o gwo mo ki: Ayy. /E jin mini ’taki ’kosh gu’b gi mondheleladhelel mo dhali nyaŋ a’di ka cim kwara mo tani

MARKUS 8:31

Dhali a’di ṯelki mii ’pen mo dhali ṯor uni gwo mo ki Ya/ gi ’Kwani mina isi ’kosh ka nyor mo gom to ka ris mo dhali mina ’kwaniŋ gwanyjaḵa/ iwaḵ mo dhali igasiis kun can mo dhali iman’kwar to mo, dhali a’di minu ’kosh jwa mo, dhali ’ko’da cim kwara mo tani a’di midi cuyi mis doḵ/e mo be.

YOHAAN 11:25

Yesus ki thoḵa yim gwo mo ki: Aha/ tana mompinu dhali moŋ’koki/e mo be. A’diyin jin gamki aha/ gwo is mo tani ba a’di jin wuki’d mo tani hili a’di midi di ki e mo be.

YOHAAN 5:19

Dhali Yesus ki thoḵ uni gwo mo ki: Ka jiŋ gana/ ka jiŋ gana/ aha/ ṯora um gwo mo ki: Ya/ moli toŋ kamu/ mii ki bwam piti mo hili jasi a’di jin p̱arkina a’di Com e mo mmomii mo. Haali/ to yin jin miikina a’di mo tani wakan si’da/ Ya/ a’di miiki uni mo be.

MII GUN MIINU MO 2:24

Hili Arumgimis ki ’de’k a’di imis mo mmo’cuḵa a’di a’di ’pena nyor wu mo haali/ a’di molkunu bu’th mo e mowu kan mo. Haala Dawuu’d o gwo gom a’di ki:

MII GUN MIINU MO 2:32

Yesus yan ’de’kkin ma Arumgimis imis mo tani ana ’baar tana iman/o gwo gom a’di mo be.

MII GUN MIINU MO 3:15

Dhali Amanṯel mondiki/e ’pen ’koshkina um jwa mo jin ’de’kkin ma Arumgimis ’peni mowu mo tani ana ’baar mo tana iman/o gwo gom a’di mo.

MII GUN MIINU MO 3:26

Mmo’de’kkin ma Arumgimis c̱iŋkinam piti imis mo tani a’di c̱ina a’di um iṯwa/a/ mo mmo’bor um mii mo mmoṯuka ris umi ’baar ka ’deṯe/ ’deṯe/ ki ’beles ’pena bor miiny ’coḵgam bum mo be.

MII GUN MIINU MO 6:14

Haali/ am ciḵkina a’di mo mmo/o gwo ka Yesus yan gi Pa Naasira midi ’ce’d mo yan sho’k mo dhali aḵ mii ma Musa e mo kun ṯora a’di ana mo.

RUUMIYA 4:24

hili gom ana si’da/ mo. A’di minu kar ka ḵar/e gom ana kun gama gwo is e a’di mo jin piki a’di ’peni mowu mo jin ta’da Yesus Tap̱am bana mo be.

RUUMIYA 6:4

Ana ’kokunu mo mmokan mo kan nyaḵki a’di mo e jwam piti mo. Dhali wakan si’da/ me’da Ḵrisṯẖos mmocukunu a’di mis mo ’peni mowu ki monyca ma Baba mo tani ana si’da/ mina nyaḵ mondiki/en this yan mo be.

RUUMIYA 8:11

Waḵki/ Shi/in gi a’di jin ’de’kki’da Yesus ’peni mowu di’d e um mo tani a’di jin ’de’kki’da Ḵrisṯẖos jin ta’da Yesus ’peni mowu mo tani midi c̱i mondiki/e mo ki buŋgwar is bum kun mishi wu si’da/ mo ki Shi/in piti jin di’d e um mo be.

KURINṮH̱UUS ’DE/ 15:12

Dhali waḵka Ḵrisṯẖos c̱inu gwo mo me’d jin pikina a’di mo ’peni mowu mo tani kata ona uma tiya gwo mo ki mo jin piyunu/ mo ’peni mowu mo p̱iyi’d mo?

KULUSSI 2:12

Dhali um ’kokunu mo mmokan mo nyaḵki a’di mo e mo jin cuc̱uwa cuc̱ mo dhali e mii jin ’kokunu mmocu um mis mo si’da/ nyaḵki a’di e moŋgam gwo is mo e mo/um ma Arumgimis mo, a’di jin ’de’kki a’di mo ’peni mowu mo be.

BUṮERUS ’DE/ 3:18

Haala Ḵrisṯẖos a’di wuki’d mo si’da/ gom miinthus mo me’d ’de/ mo gom ’kwani ’baar mo, a’di jin ta’da ḵar/e mo wuki’d mo gom uni kun ’koki ta ḵar/e mo, ki a’di midi ’taki sus ana eya Arumgimis mo. A’di karkunu mo mmowu mo ki buŋgwar is gi shuman is mo, hili a’di karkunu ki e mo e shi/in mo.