YOHAAN 2:18 - Uduk New Teatament and OT Portions

¹⁸ Dhali yan’ko’d ’Kwani Yahuuda/ ki o a’di gwo mo ki: Jamas mii gi wakatinta imina /e imii mo mmoṯor am mmomiina /e to gwansan mo.

YOHAAN 2:18 Iomraidhean Croise

Mmo/ii ka Pije/ mo 7:9

Waḵka P̱irawn midi ḵan um mmomii miimer mo tani /e mini owa Haruun gwo mo ki: Budhi cwam pini mo dhali biṯi a’di a ’cesh i bwambor ma P̱irawn mo ki a’di midi war ki tasha/ mo.

MAṮṮA 21:23

Dhali ki a’di p̱u’dki’d mo e gu’b gi mondheleladhelel mo tani igasiis kun can dhali ’kwani gwanyjaḵa/ gi ’kwani mo, uni p̱u’dkini a’di mo me’d jin ṯorkina a’di gwo mo dhali o gwo mo ki: Ki moshirr jana sa/ mmiikina /e aris to gwansani ’baar mo kan? Dhali aja a’di ic̱iki /e moshirr yansan mo?

MARKUS 8:11

Dhali ’Kwani P̱arisiyiin p̱u’dkini a’di mo dhali ṯelki mii ’pen mo mmogar a’di gwo ’kusi ’twa/ mo mmoŋap̱ jamas mii ’peni a’di ’peni momis mo mmopal a’di mo be.

LUUKA 11:29

Ka waambuhany ’kwani marki is mo tani a’di ṯelki gwo ’pen mo mmo/o gwo mo ki: ’Kwani ma nyaḵum yil gwansan mo tana nyaḵum yil kun ta thus ki thus mo. Uni ŋap̱ki jamas mii mo, hili jamas miiŋ kamu/ yisa minu c̱i gom uni yisa hili isi ciki/ jamas mii ma Yuunaan mo be.

YOHAAN 1:19

Dhali yansan ta gwo jin ṯor ma Yohaan mo ki ’Kwani Yahuuda/ hashki igasiis mo dhali ’Kwani Lawi ’peni Pa Urushaliim mo mmodoṯ a’di gwo mo ki: Ki /e tana ajaye?

YOHAAN 1:25

Dhali uni doṯki a’di gwo mo ki: Katinta imiikina /e ’kwani ki yi’de/ mo waḵki/ /e diki ta aḴrisṯẖos mo walla Iliyya mo walla amanc̱i gwo mo?

YOHAAN 6:30

Wakan uni ki o a’di gwo mo ki: Ki miimer wakata imina /e imii mo jin mina aman i’taki p̱ar e mo dhali gam /e gwo is mo? Mii gi wakata imiikina /e mo?

MII GUN MIINU MO 4:7

Dhali ki uni dhu uni ibwaŋ ’kwani mo tani uni ki doṯ gwo mo ki: Yan miikina um ki mom’bi’th jana mo walla ki gway maja mo?

MII GUN MIINU MO 5:28

mmo/o gwo mo ki: Am ḵankina um gwo ki ’bi’th mo mmo’koki ṯor gwo ki gway yansan mo, dhali hili ma, um ’tu’di Pa Urushaliim ki gwonṯor bum mo dhali um o ki guya bas wathi/ yan mmokara p̱o/ am mo.