YOHAAN 2:13 - Uduk New Teatament and OT Portions

¹³ Dhali Mompe’kup̱anyolos gi ’Kwani Yahuuda/ dishki’d mo dhala Yesus yaki’d ka gagamis e Pa Urushaliim mo be.

YOHAAN 2:13 Iomraidhean Croise

MAṮṮA 21:12

Dhala Yesus cic̱ki’d e gu’b gi mondheleladhelel ma Arumgimis mo dhali urki’da ris uni ka pije/ mo uni gun yolki to mo dhali kun yoli to mo e gu’b gi mondheleladhelel mo. Dhali a’di ki ’daŋkala tharabeesa gi uni gun wani emena guurush mo dhali moŋ’ko gi uni gwansan kun yoli gurko/ mo be.

MARKUS 11:15

Dhali uni p̱u’dkin mo e Pa Urushaliim mo. Dhali ki a’di cic̱ki gu’b gi mondheleladhelel mo tani dhali a’di ṯelki mii ’pen mo mmo/ur uni gwansan ka pije/ kun yoli to mo, dhali uni gwansan kun yolki to mo e gu’b gi mondheleladhelel mo. Dhali a’di ki kuma tharabeesa ’twa/ a’cesh mo gun ta ku gi uni gwansan kun wanki emena guurush mo dhali a’di ki kum to ’twa/ a’cesh mo kun ’kona imanyol gurko/ mo be.

LUUKA 19:45

Dhali a’di cic̱ki gu’b gi mondheleladhelel mo dhali ṯelki mii ’pen mo mmo/ur ’kwani gwansan ka pije/ kun yoli to mo

LUUKA 2:41

Dhali com dhali kum uni iikin isa yempa/ e Pa Urushaliim mo ki yil mo gom Mompe’kup̱anyolos mo be.

YOHAAN 11:55

Dhali Mompe’kup̱anyolos gi ’Kwani Yahuuda/ ’dishki’d mo dhali ’kwani ka ris iikin ’peni bampa/ e Pa Urushaliim nṯwa/a/ ki Mompe’kup̱anyolos mo mmonyoŋ is buni mo be.

YOHAAN 13:1

Dhali nṯwa/a/ ki mo jin yuḵuwa yuḵ ka tul ’kup̱ ki Mompe’kup̱anyolos mo tani aYesus mishki’d ki mom piti p̱u’dki’d mo jin mina a’di ya mo ’peni mony’cesh yansan e com mo tani, a’di enki kum piti kun ’kokin e mony’cesh yansan mo, a’di enki uni ntagi ’pemen mo be.

YOHAAN 2:23

Dhali ki a’di diki’d e Pa Urushaliim ka cim gi Mompe’kup̱anyolos jin yuḵuwa yuḵ mo tani ’kwani ka ris gamki gwo is e gway piti mo mmomishkina uni jamas miim piti kun miikina a’di mo.

YOHAAN 5:1

Dhali ’ko’di mii yan mo tani ayuḵ jin yuḵu mmotul ’kup̱ gi ’Kwani Yahuuda/ ’dishki’d mo dhala Yesus ya’d ka gagamis e Pa Urushaliim mo be.

YOHAAN 6:4

Dhali Mompe’kup̱anyolos jin yuḵuwa yuḵ gi ’Kwani Yahuuda/ ’dishki’d mo be.