YOHAAN 2:11 - Uduk New Teatament and OT Portions

¹¹ Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 2:11 Iomraidhean Croise

GWAY GI IDAWUU’D 72:19

Mom’bor mii midi di gom gway gi monycam piti ki sule/ sule/ mo. Dhalki monycam piti ’tu’d mony’ceshi ’baar mo. Amen dhali Amen.

GWAY GI IDAWUU’D 96:3

Bahi monycam piti e bwaman kal gi ’kwaniny’cesh mo, dhali miim piti kun miina a’di ki momer e bwaman ma ris ’kwani mo.

Mmo/ii ka Pije/ mo 14:31

Dhala Israyiil mishki dhan mom’bi’th jin miikina TAP̱A ap̱o/ ’kwani Pam Masir mo. Dhali ’kwani uni ḵo/ki TAP̱A mo. Dhali uni gamki gwo is e TAP̱A mo dhali e c̱iŋkinam piti ka Musa mo be.

Mmo/ii ka Pije/ mo 4:9

Waḵki/ uni ’koki gam gwo is, isi gom to gi miimera su/ gwansan mo walla ’koki c̱iya hirdhe/ ki ’twam pini mo tani /e mini pash yi’de/ ’peni ḵumma/ yi’de/ mo dhali gac̱ a’di ap̱owa ’cesh jin ḵuthaḵu’th mo dhali yi’de/ midi war ka bas mo be.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:17

Haali/ gwoŋḵan jin c̱inu mo tani a’di c̱ikunu ka Musa mo. Hili a’the dhali gwoŋ gana/ p̱u’dkin ’pena Yesus Ḵrisṯẖos mo be.

YOHAAN 1:43

Dhali ka cim jiŋ ’ko’d mo tani Yesus p̱u’da/ bwa ka pije/ mo mmoya Pany Jaliil mo. Dhali a’di gamki’da P̱ilibbus mo dhali o a’di gwo mo ki: Baṯẖi aha/ nsho’k mo ma.

YOHAAN 1:50

Dhala Yesus ki thoḵ a’di gwo mo ki: Haali/ gom gwo jin oka/ /e ki aha/ p̱arkina /e e eya lamp̱u/ mo tani a’di igama /e gwo is mowa? /E mini p̱ar dhan to kun caaca e mo mmobol gwansan e mo.

YOHAAN 10:41

Dhali ’kwani ka ris p̱u’dkini a’di mo dhali uni ki o a’di gwo mo ki: Yohaan diki mii miimer mo tani, hili aris gwo kun okin ma Yohaan gom wathi/ yansan mo tani ta gwoŋ gana/ mo be.

YOHAAN 11:15

Dhali gom gway bum mo tani aha/ ’kunykina bwa mo ki aha/ dinaki di imun mo, wakan ki um mini gam gwo is mo. Hili dhalki ana iina i/ii i a’di mo.

YOHAAN 11:47

Wakan igasiis kun can mo dhali ’Kwani P̱arisiyiin uni tulki ’kwani gi montul is buni is mo dhali o gwo mo ki: Atinta i/a’di imina ana imii mo? Haali/ wathi/ yansan miiki’da ris miimer ka ris mo.

YOHAAN 12:18

Dhali ’kup̱ gwo a’dani, a’di iikin ma waambuhany ’kwani mo mmoraḵ a’di ibway mo mmociḵkina uni gwo mo gom miimer yansan jin miikina a’di mo be.

YOHAAN 12:37

Ba a’di miiki miimer ka ris ibwambori uni mo tani hili uni ’koki gam a’di gwo is mo be.

YOHAAN 12:41

Ishaya oki gwo yansan haali/ a’di mishki monycam piti mo dhali o gwo gom a’di mo be.

YOHAAN 14:13

Ma to yin jin mina umi doṯ ki gway pem mo tani aha/ mina mii a’di mo, ka Baba minu kar ca eya tente/ e Ya/ mo be.

YOHAAN 16:27

Haali/ Ababa ki is piti enki um mo haali/ um enki aha/ mo dhali gamki gwo is ki aha/ p̱u’dkina ’pena Baba mo be.

YOHAAN 16:30

Shwane/ aman misha ki /e mishkina ris to ’baar mo dhali /e mini mii diki ta gi jan ṯal ’deŋ kamu/ mmodoṯ /e gwo mo. Gom ’kup̱ mii yan mo tani aman gamkina gwo is ki /e p̱u’dkin ’peni Arumgimis mo be.

YOHAAN 2:1

Dhali ka cim kwara mo tani momiimash diki’d e Paŋ Kaana gi Pany Jaliil mo. Dhali KoYesus diki’d imun mo be.

YOHAAN 2:23

Dhali ki a’di diki’d e Pa Urushaliim ka cim gi Mompe’kup̱anyolos jin yuḵuwa yuḵ mo tani ’kwani ka ris gamki gwo is e gway piti mo mmomishkina uni jamas miim piti kun miikina a’di mo.

YOHAAN 3:2

Wathi/ yansan p̱u’dki’da Yesus mon’thiny mo dhali o a’di gwo mo ki: Rabbi, aman misha ki /e tana Manṯor Gwo jin p̱u’dki’d ’peni Arumgimis mo. Haali/ jan ṯal ’deŋ kamu/ yisa di’da jin midi mish jamas mii gwansan mii mo kun miina /e mo, hili isi ciki/ Arumgimis midi nyaḵ di i a’di mo be.

YOHAAN 4:3

Dhali a’di dhalki Pa Yahuudiyya ’pen mo dhali doḵki’d ka nyaŋ’ko’d e Pany Jaliil mo be.

YOHAAN 4:46

Wakan a’di p̱u’dki’d ka nyaŋ’ko’d e Paŋ Kaana gi Pany Jaliil e mo jin warkina a’di yi’de/ ki yimana mura’th mo. Dhali e Paŋ Kap̱ranahuum mo tani wathi/ ma maliḵa kamu/ diki’d jin ’ba’thkina ya/m piti mo be.

YOHAAN 4:54

Dhali mii yansan a’di ta miimer kun ’kon ma p̱o/i su/ mo jin miikin ma Yesus mo me’d jin p̱u’dkina a’di ’peni Pa Yahuudiyya e Pany Jaliil mo be.

YOHAAN 5:23

ma me’dyin si’da/ taḵkina uniya Baba mo. A’di jin diki taḵ Ya/ mo tani diki taḵa Baba mo a’di jin hashki a’di mo be.

YOHAAN 6:14

Dhali ki ’kwani p̱arki miimer e mo jin miikina a’di mo tani uni o gwo mo ki: Wathi/ yansan ka jiŋ gana/ ta’da manc̱i gwo mo a’di jin midi yayu/ i mony’cesh mo be.

YOHAAN 6:2

Dhala waambuhany ’kwani baṯẖki a’di nsho’k mo haali/ uni mishki miimer kun miikina a’di gom uni gwansan kun ’koshkina ’ba’th mo be.

YOHAAN 6:26

Dhala Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Um ŋap̱i aha/, yisa mmop̱arkina um miimer e mo yisa, hili mmoshwakina um maaŋḵuthu’d ikap̱ mo be.

YOHAAN 6:30

Wakan uni ki o a’di gwo mo ki: Ki miimer wakata imina /e imii mo jin mina aman i’taki p̱ar e mo dhali gam /e gwo is mo? Mii gi wakata imiikina /e mo?

YOHAAN 7:31

Dhali hili ’kwani ka ris gamki a’di gwo is mo dhali uni o gwo mo ki: A/ki me’d jin minu piya Ḵrisṯẖos ’kwani i is mo tani a/mina a’di mii miimer ki nyanye/ mmobol ku gi miina wathi/ yansan e mowa?

YOHAAN 9:16

Dhali ’Kwani P̱arisiyiina tiya ki o gwo mo ki: Wathi/ yansan diki di ’peni Arumgimis mo ba/ haali/ a’di diki kara cim ma pesu/ ki jiŋ ḵogu mo. Hili kun tiya o gwo mo ki: A/ki wathi/ jin ta’da manmii miinthus midi mish miimer gi wakansan mii mowa? Mondher bwa di’di bwaman uni mo be.

KURINṮH̱UUS SU/ 3:18

Dhali ana ’baar mo dara gi bwam/e kun kumu mo mmohilkina ana monyca gi Tap̱a mo dhali mondhel jin dhelu/ mo mo tani ana ’kokunu mo mmo/aḵ e mo e jamas piti mo ’peni monycan ’deŋ kamu/ itan monycaŋ kamu/ mo. Haali/ monyca yansan p̱u’dki’d ’peni Tap̱a mo, a’di jin ta Shi/in mo be.

KURINṮH̱UUS SU/ 4:17

Haali/ mo jin ṯoju bwa yansan mo jin tawasha tawash jin di’d jasi ki ari mo mo tani a’di thosonki’d mo gom aman mo mondiṯ ki monyca jin midi di ki sule/ sule/ ya ye ’ba/ mo jin molu kar ka p̱ar mo.

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

YOHAAN ’DE/ 5:13

Aha/ ’kwarkina um gwo yansan e um kun gam gwo is e gway gi Ya/ ma Arumgimis mo, ki um mini mish mo mo ki um ta gi moŋ’koki/e ki sule/ sule/ ya ye ’ba/ mo be.