YOHAAN 19:9 - Uduk New Teatament and OT Portions

⁹ A’di cic̱ki mo ma mudhiir doḵ/e mo dhali owa Yesus gwo mo ki: Ki /e ’peni mana sa/? Hila Yesus c̱i a’di gwon thoḵa kamuwa?

YOHAAN 19:9 Iomraidhean Croise

MAṮṮA 26:63

Hila Yesus c̱a’bki’d ki shwam mo. Dhala gasiis jin ca’d ki o a’di gwo mo ki: Aha/ ḵana /e gwo ka Arumgimis jin di ki e mo. Ba ṯor am gwo mo ma, waḵki/ /e tana Ḵrisṯẖos mo, a’di jin ta Ya/ ma Arumgimis mo.

MAṮṮA 27:27

Dhali yan’ko’d i/askar ma mudhiir uni ki susa Yesus mo e bwaagoŋ gi gu’b ma mudhiir mo dhali uni ki tula askar isi ’baar mo mmonṯal ’de/ mo ibwambori a’di mo be.

LUUKA 23:9

Wakan a’di doṯki a’di gwon tiya ka ris mo, hili a’di diki ’de’k ’twaŋ kamu/ mo be.

YOHAAN 18:28

Yan’ko’d uni ki susa Yesus mo ’peni gu’b ma Kayaap̱a mo e mo jin c̱a’b ma mudhiir nycine/ mo. A’di ta mon’thamo/ ka ’tum mo. Uni ki is buni ’koki cic̱ mo jin din ma mudhiir nycine/ mo, wakan ki uni minu ’taki ’koki nyo/ is mo, hili jin mina uni ’taki shwa to gi Mompe’kup̱anyolos mo be.

YOHAAN 18:33

Bilaaṯus cic̱ki’d e mo ma mudhiir ka nyaŋ’ko’d mo dhali yuḵa Yesus mo dhali o a’di gwo mo ki: Ki /e de itana Maliḵ gi ’Kwani Yahuuda/ mo de?

YOHAAN 18:34

Dhala Yesus ki thoḵ gwo mo ki: /E si’da/ on kan e bwam pini mo ’taa? walla ’kwanin tiya a’di iṯorki /e gwo gom aha/ mo?

YOHAAN 18:37

Bilaaṯus ki thoḵ a’di gwo mo ki: Ba /e be itana maliḵ mo ’te/ ise be. Yesus ki thoḵ gwo mo ki: /E be i/on ki aha/ tana amaliḵ mo be. Haali/ gom ’kup̱ mii yan mo tani aha/ dho’thkunu mo dhali gom ’kup̱ mii yan mo tani aha/ p̱u’dkina e ’kwaniny’cesh mo mmoṯor gwo ki gwoŋ gana/ mo. Aris ’kwani ’baar mo ka ’deṯe/ ’deṯe/ uni gun ta ’kwani gi gwoŋ gana/ mo tani uni ciḵki ’twam pem mo be.

YOHAAN 19:10

Wakan Bilaaṯus ki o a’di gwo mo ki: /E mini diki thoḵ aha/ ’twaa? Dina /e ki mish ki aha/ tana gi mom’bi’th mo mmo’cuḵ /e mo dhali tana gi mom’bi’th mo mmo’kosh /e ki cwany’ciṯẖan dhul mo?

YOHAAN 19:8

Ka Bilaaṯus ciḵki gwo gwansan mo tani a’di ḵo/ki is kagahara mo be.

YOHAAN 8:14

Yesus ki thoḵ uni gwo mo ki: Ba isi waḵki/ gwo jin ṯorka/ gom is pem mo tani gwom pem jin ṯorka/ mo tani ta gwoŋ gana/ mo haali/ aha/ misha mo jin yayika/ ’peni cine/ mo dhali mo jin yaka/ iya mo si’da/ hili um ’koki mish mo jin yayika/ ’peni cine/ mo walla mo jin yaka/ iya mo be.

P̱ILIBBI 1:28

Dhali mmo’koki ḵo/ is gom toŋ kamu/ ṯal ’de/ mo ’peni uni gun asa uma p̱o/ mo. A’di ta to jin ṯoru eya tente/ mo gom uni mo mmo’kol e ki me’d mo gom mony’ce’d sho’k buni mo hili gom bway mowoṯẖ bum mo tani dhali a’di yan ’peni Arumgimis mo be.