YOHAAN 19:6 - Uduk New Teatament and OT Portions

⁶ Ki igasiis kun can mo dhali imanji mo mo p̱arki a’di e mo tani uni ḵumki cuuwa/ kagahara mo mmo/o gwo mo ki: ’Koshi a’di ki cwany’ciṯẖan dhul mo. ’Koshi a’di ki cwany’ciṯẖan dhul mo. Dhala Bilaaṯus ki o uni gwo mo ki: Guyi um a’di ki is bum mo dhali ’koshi a’di ki cwany’ciṯẖan dhul mo haali/ aha/ dinaki gam toŋ kamu/ e a’di jin miga/ yer a’di is ki gway mo be.

YOHAAN 19:6 Iomraidhean Croise

MAṮṮA 26:58

Hila Buṯerus baṯẖki a’di nsho’k isa dhana/ mo ntagi mo gi bwaagoŋ ma gasiis jin ca’d mo. Dhali a’di ki seyu bwaman mo. Dhali a’di ki nyaḵ c̱a’b ki uni kun hili mo mo mmop̱ar ’pemen gwo e mo be.

MAṮṮA 27:22

Dhala Bilaaṯus ki o uni gwo mo ki: Dhali aha/ mina miiya tinta ka Yesus mo a’di jin yuḵu gway ka Ḵrisṯẖos mo? Uni ’baar mo thoḵ gwo mo ki: Dhalki a’di ’koshu ki cwany’ciṯẖan dhul mo.

MAṮṮA 27:24

Wakan ka Bilaaṯus p̱arki a’di e mo ki a’di mol gwo p̱i jip̱i/ mo tani hili a’di ki dhal mii e i is mo goma dulaṯṯ jin ṯelkunu ’pen mo tani a’di ki bu’th yi’de/ mo dhali ’thur me’d piti mo mbwambor ma waambuhany ’kwani mo mmo/o gwo mo ki: Aha/ dina ka p̱o/ ’pena bas gi wathi/ yan mo. Hili a’di ’te/ ki is bumi niin ma.

LUUKA 23:4

Dhala Bilaaṯus ki o igasiis kun can gwo mo dhala waambuhany ’kwani mo ki: Aha/ dinaki gam miiŋ kamu/ e wathi/ yansan jin ṯẖutha a’di mii mo be.

YOHAAN 18:3

Wakan Yahuusa a’di c̱ikunu i/askar kun tulu ’kup̱ mo, uni gun dhunu mo mmoji mo mo, dhali kun tiya kun tana imanji mo mo si’da/ ’peni igasiis kun can mo dhali ’Kwani P̱arisiyiin mo, dhali uni iikin mo ka lamba/ ime’d mo dhali dhantho/ mo dhali to kun asu mo.

YOHAAN 18:31

Bilaaṯus ki thoḵ uni gwo mo dhali o gwo mo ki: Susi um a’di ki is bum mo dhali dwalli a’di gwo mo ki gwo jin ta jiŋ ḵan bum mo. Dhali ’Kwani Yahuuda/ thoḵki a’di gwo mo ki: A’di diki ta mii jin dhala gwoŋḵan am bway mo mmokar jan ṯal ’deŋ kamu/ ’kup̱a ’cesh mo mmowu mo ba/.

YOHAAN 18:38

Bilaaṯus ki o a’di gwo mo ki: Ki gwoŋ gana/ atinta jan? ’Ko’di a’di oki gwo gwansan mo tani a’di yaki’d ka pije/ e ’Kwani Yahuuda/ doḵ/e mo dhali ṯor uni gwo mo ki: Toŋ kamu/ yisa gamkika/ e a’di jin miga/ yer a’di is ki gway mo.

YOHAAN 19:15

Dhali uni ḵumki cuuwa/ mo mmo/o gwo mo ki: A’di ka bor ’de/ mo. A’di ka bor ’de/ mo. ’Koshi a’di ki cwany’ciṯẖan dhul mo. Bilaaṯus ki o uni gwo mo ki: Miga/ ’kosha Maliḵ bum ki cwany’ciṯẖan dhula? Dhali igasiis kun can mo thoḵ a’di gwo mo ki: Aman ’konaki ta ga maliḵa kamu/ mo ba/, hila Kaysar a’di ’de/ mo be.

YOHAAN 19:4

Bilaaṯus a’di yaki’d ka pije/ doḵ/e mo dhali o uni gwo mo ki: Hili mo mo ma. Aha/ suskina um a’di ka pije/ mo ki um mini mish ki aha/ dinaki gam toŋ kamu/ e a’di jin miga/ yer a’di is ki gway mo be.

MII GUN MIINU MO 2:23

Yesus yan mmoc̱inu a’di ki bwa ma Arumgimis ka ḵar/eŋ gana/ mo dhali mmomishkin ma Arumgimis nṯwa/a/ mo tani um ’koshki a’di jwa mo ki cwany’ciṯẖan dhul mo dhali a’di ’koshkina um jwa mo ka dun ṯorony ki jwam ’batha’d me’d ’kwani gun ush gwoŋḵan jin c̱inu mii mo.

MII GUN MIINU MO 7:52

Jana ’peni imanc̱i gwo ma Arumgimis kadhamo/ mo kun ’kona ibabam bum ki ṯo’c ’kus mo? dhali uni ’kosh uni jwa mo uni kun ṯor gwo nṯwa/a/ mo gom mmomina jan ṯal ’de/ jin mii’d ka ḵar/e iyayu/ mo. Um warkin ki iman’ciṯẖ a’di is ki gwo mo dhali iman’kosh a’di jwa mo,