YOHAAN 19:4 - Uduk New Teatament and OT Portions

⁴ Bilaaṯus a’di yaki’d ka pije/ doḵ/e mo dhali o uni gwo mo ki: Hili mo mo ma. Aha/ suskina um a’di ka pije/ mo ki um mini mish ki aha/ dinaki gam toŋ kamu/ e a’di jin miga/ yer a’di is ki gway mo be.

YOHAAN 19:4 Iomraidhean Croise

MAṮṮA 27:19

Isa dhamo/ ’teya ki a’di diki’d mmoc̱a’ba kursi jin dwallu gwo jin ta jim piti mo tani ashim piti hashki a’di gwo mo mmodhalku/ toŋ kamu/ ki mii ap̱o/ wathiŋ ḵar/e yan mo haali/ aha/ ṯo’ckunu bwa kagahara shwane/ gom a’di mo ki gwony jan mo be.

MAṮṮA 27:24

Wakan ka Bilaaṯus p̱arki a’di e mo ki a’di mol gwo p̱i jip̱i/ mo tani hili a’di ki dhal mii e i is mo goma dulaṯṯ jin ṯelkunu ’pen mo tani a’di ki bu’th yi’de/ mo dhali ’thur me’d piti mo mbwambor ma waambuhany ’kwani mo mmo/o gwo mo ki: Aha/ dina ka p̱o/ ’pena bas gi wathi/ yan mo. Hili a’di ’te/ ki is bumi niin ma.

MAṮṮA 27:4

mmo/o gwo mo ki: Aha/ miikina miinthus mo mmo’ciṯẖ a’di is ki gwo mo, a’di jin din ma bas ka p̱o/ mo. Dhali uni ki thoḵ a’di gwo mo ki: A’di yan ta’da ta gom am mo? Hili is pini ’teyi e ma.

MAṮṮA 27:54

Dhali ka mancil ma askar iss ’kwanim pa mmudhe’d dhali uni gwansan kun nyaḵ ’ko ki a’di mo tani uni rashkina Yesus tim mo mmop̱ar mony’cesh e mo mmoyiḵin is mo dhali to gwansan kun bu’thki embul mo mo tani uni ’tu’dkunu mo ki moŋḵo/ is mo dhali o gwo mo ki: Ka jiŋ gana/ yansan ta Ya/ ma Arumgimis mo be.

LUUKA 23:4

Dhala Bilaaṯus ki o igasiis kun can gwo mo dhala waambuhany ’kwani mo ki: Aha/ dinaki gam miiŋ kamu/ e wathi/ yansan jin ṯẖutha a’di mii mo be.

LUUKA 23:41

Dhali ana ka jiŋ gana/ miinu ka ḵar/e kan mo. Haali/ ana bu’thkina a’di jin minu mii c̱i ana mo gom mii gun miikina ana mo, hili wathi/ yansan diki ṯẖu’th toŋ kamu/ mii mo be.

LUUKA 23:47

Dhali ka mancil ma askar iss ’kwanimpa imudhe’d p̱arki a’di jin bu’thki mo e mo tani a’di maŋki’da Arumgimis mo dhali o gwo mo ki: Ka jiŋ gana/ wathi/ yansan a’di di’d ka p̱o/ mo be.

YOHAAN 18:33

Bilaaṯus cic̱ki’d e mo ma mudhiir ka nyaŋ’ko’d mo dhali yuḵa Yesus mo dhali o a’di gwo mo ki: Ki /e de itana Maliḵ gi ’Kwani Yahuuda/ mo de?

YOHAAN 18:38

Bilaaṯus ki o a’di gwo mo ki: Ki gwoŋ gana/ atinta jan? ’Ko’di a’di oki gwo gwansan mo tani a’di yaki’d ka pije/ e ’Kwani Yahuuda/ doḵ/e mo dhali ṯor uni gwo mo ki: Toŋ kamu/ yisa gamkika/ e a’di jin miga/ yer a’di is ki gway mo.

YOHAAN 19:6

Ki igasiis kun can mo dhali imanji mo mo p̱arki a’di e mo tani uni ḵumki cuuwa/ kagahara mo mmo/o gwo mo ki: ’Koshi a’di ki cwany’ciṯẖan dhul mo. ’Koshi a’di ki cwany’ciṯẖan dhul mo. Dhala Bilaaṯus ki o uni gwo mo ki: Guyi um a’di ki is bum mo dhali ’koshi a’di ki cwany’ciṯẖan dhul mo haali/ aha/ dinaki gam toŋ kamu/ e a’di jin miga/ yer a’di is ki gway mo be.

KURINṮH̱UUS SU/ 5:21

Gom gway bana mo tani a’di ki kar a’di mo mmota ji gi miinthus mo, a’di jin molki miinthus mo. Wakan e a’di mo tani ana minu dhuku/ mo ki ku ma ḵar/e mo goma Arumgimis mo be.

IBRANIYIIN 7:26

Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.

BUṮERUS ’DE/ 1:19

hili um wankunu ’ba/ mo ka bas ma Ḵrisṯẖos jin ta yintho/ mo me’d ji gi ari ḵa’bal jin dar gi thalkin mo dhali jin ta jim ’borgaŋ gana/ mo.

BUṮERUS ’DE/ 2:22

A’di diki mii miinthusa ’deŋ kamu/ mo. Dhali gwo maḵa ’deŋ kamu/ si’da/ dinuki gam ’pena le’d piti mo be.

BUṮERUS ’DE/ 3:18

Haala Ḵrisṯẖos a’di wuki’d mo si’da/ gom miinthus mo me’d ’de/ mo gom ’kwani ’baar mo, a’di jin ta’da ḵar/e mo wuki’d mo gom uni kun ’koki ta ḵar/e mo, ki a’di midi ’taki sus ana eya Arumgimis mo. A’di karkunu mo mmowu mo ki buŋgwar is gi shuman is mo, hili a’di karkunu ki e mo e shi/in mo.

YOHAAN ’DE/ 3:5

Um mishin ki a’di ṯoru eya tente/ mo mmoḵal miinthus mo be dhali e a’di mo tani miinthus p̱iyi’d mo be.