YOHAAN 19:11 - Uduk New Teatament and OT Portions

¹¹ Yesus thoḵ a’di gwo mo ki: /E mini ’taki dar gi mom’bi’th ap̱o/ aha/ mo, hili isi ciki/ a’di jin c̱iyunu /e ’peni momis mo. Wakan si’da/ a’di jin c̱iki /e aha/ mo tani a’di cana miinthus mo be.

YOHAAN 19:11 Iomraidhean Croise

GWAY GI IDAWUU’D 39:9

Aha/ usha ’twa/ wal mo, aha/ dinaki ḵa’d ’twam pem mo, haali/ a’di ta /e jin miiki a’di mo.

GWAY GI IDAWUU’D 62:11

Me’d ’de/ Arumgimis oki gwo mo. Me’di su/ mo tani aha/ ciḵkina gwo yansan mo ki mom’bi’th ta jima Arumgimis mo

MAṮṮA 26:65

Dhali yan’ko’d agasiis jin ca’d dherki burrinyem piti bwa mo dhali o gwo mo ki: A’di walki gwo sor jin shi/ashi/ mo. Atinta ’kokina ana mmoŋap̱ gwo mo mmo/o ap̱o/ a’di mo? Um ciḵki gwo sor ’peni ’twam piti shwane/ mo be.

MAṮṮA 27:2

Dhali uni ki deḵ a’di mo dhali sus a’di mo dhali mmoc̱i a’di ka Bilaaṯus jin ta’da mudhiir mo be.

MAṮṮA 6:13

Dhalku/ ki sus am e mo jin palu mo e miinthus. Hili woṯẖi/ aman ’peni wathin thus mo ma.

MARKUS 14:44

Dhali a’di jin ’ciṯẖki a’di is ki gwo mo c̱iki uni jamas mii mo mmo/o gwo mo ki: Jan ṯal ’de/ jin miga/ p̱i ’twa/ mo tani a’di ta wathi/ mo. Budhi a’di mo dhali susi a’di ki ’dantar mo.

LUUKA 22:53

Ki aha/ dikina ka tee jin baṯẖa’di ’ko’d isa yempa/ e gu’b gi mondheleladhelel mo tani um ’koki dhu me’d bum ap̱o/ aha/ mo. Hili yaase ta mom bum mo be dhali mom’bi’th gi mondhurumi’d mo.

YOHAAN 18:13

Nṯwa/a/ uni ki sus a’di eya Hannaan mo haali/ a’di ta’da mar ma Kayaap̱a mo, a’di jin ta’da gasiis jin ca’d gi yil c̱aan mo be.

YOHAAN 18:3

Wakan Yahuusa a’di c̱ikunu i/askar kun tulu ’kup̱ mo, uni gun dhunu mo mmoji mo mo, dhali kun tiya kun tana imanji mo mo si’da/ ’peni igasiis kun can mo dhali ’Kwani P̱arisiyiin mo, dhali uni iikin mo ka lamba/ ime’d mo dhali dhantho/ mo dhali to kun asu mo.

YOHAAN 19:10

Wakan Bilaaṯus ki o a’di gwo mo ki: /E mini diki thoḵ aha/ ’twaa? Dina /e ki mish ki aha/ tana gi mom’bi’th mo mmo’cuḵ /e mo dhali tana gi mom’bi’th mo mmo’kosh /e ki cwany’ciṯẖan dhul mo?

YOHAAN 3:27

Yohaan ki thoḵ uni gwo mo ki: Wathin ṯal ’deŋ kamu/ yisa di’da jin midi bu’th toŋ kamu/ mo hili isi ciki/ a’di c̱ikunu a’di ’peni momis mo be.

YOHAAN 7:30

Wakan uni ŋap̱ki bway mo mmobu’th a’di mo, hili wathin ṯal ’deŋ kamu/ diki kar me’d piti ap̱o/ a’di mo haali/ mom piti diki p̱u’d naskina/ mo be.

YOHAAN 9:41

Yesus ki thoḵ uni gwo mo ki: Waḵki/ um mini ’taki ta ja’da/ mo tani um mini ’taki dar gi mii ’ba/ mo, hili shwane/ um o gwo mo ki: Aman misha mo mo. Dhali mo kun ’konu ki mii ’ba/ mo tani ishkin e um mo be.

MII GUN MIINU MO 2:23

Yesus yan mmoc̱inu a’di ki bwa ma Arumgimis ka ḵar/eŋ gana/ mo dhali mmomishkin ma Arumgimis nṯwa/a/ mo tani um ’koshki a’di jwa mo ki cwany’ciṯẖan dhul mo dhali a’di ’koshkina um jwa mo ka dun ṯorony ki jwam ’batha’d me’d ’kwani gun ush gwoŋḵan jin c̱inu mii mo.

MII GUN MIINU MO 3:13

Arumgimis ma Ibrahiim dhala Is/hak dhala Yakuub, Arumgimis gi ibabam bana, karki ca gi c̱iŋkinam piti ka Yesus eya tente/ jin c̱ikina um mmowu mo dhali jin waṯkina um gway mo ibwambor ma Bilaaṯus mo ki a’di dina gwo ibwa mo mmo’cuḵ a’di mo be.

MII GUN MIINU MO 4:28

mmomii a’di yin ki me’d pini mo dhali ki bwam pini jin onu isi ṯwa/a/ ṯwa/a/ innii mo midi war kansan mo be.

RUUMIYA 11:36

Haali/ ’peni a’di mo dhali ki a’di mo dhali e a’di mo tani aris to ’baar ’kokin mo. Dhali e a’di mo tani dhalki monyca di’d ki sule/ sule/ ya ye ’ba/ mo. Amen.

RUUMIYA 13:1

Dhalka ris ’kwani ’baar ka ’deṯe/ ’deṯe/ dhu is ’ko’di me’d ma hakuuma jin ta gi ’bi’th mo. Haali/ mom’bitha kamu/ yisa di’da. Hili isi ciki/ ’peni Arumgimis mo be. Dhali uni gwansan kun ’kokin mo tani uni dhukin ma Arumgimis mo be.

YAKUUB 1:17

Aris tom ’boron gun c̱inu ki me’d mo kun ta kum ’borgaŋ gana/ mo tani uni ’peni momis mo mmothulu/ mo ’pena Baba gi moŋkush mo. E a’di mo tani mo jin aḵuwa aḵ yisa di’da walla ala p̱iyi’d si’da/ ’peni mo jin ṯukuwa ṯu’k mo.

YAKUUB 4:17

A’di yin jin mish jim ’boro’d mo mmomii mo dhali diki mii a’di mo tani gom a’di mo a’di ita miinthus mo be.