YOHAAN 18:8 - Uduk New Teatament and OT Portions

⁸ Yesus ki thoḵ gwo mo ki: Aha/ ṯorkina um gwo mo ki: Aha/ a’dan jin tana a’di mo. Waḵki/ um ŋap̱i aha/ kan mo tani dhalki ’kwani gwansan iin mo ma.

YOHAAN 18:8 Iomraidhean Croise

MAṮṮA 26:56

Hili aris to gwansani ’baar mo tani uni bu’thki embul mo mo, ki Gwo ma Arumgimis kun ’kwarkina imanc̱i gwo ma Arumgimis kadhamo/ mo minu mii thim mo be. Dhali yan’ko’d aris imanciḵ a’di gwo uni dhalki a’di ’pen mo dhali so mo be.

YOHAAN 10:28

Dhali aha/ c̱ina uni moŋ’koki/e ki sule/ ya ye ’ba/ mo be. Dhali uni mini ’koki ’ce’d sho’k ki sule/ mo. Dhali wathin ṯal ’deŋ kamu/ midi diki sul uni mo ’peni me’d pem mo be.

YOHAAN 13:1

Dhali nṯwa/a/ ki mo jin yuḵuwa yuḵ ka tul ’kup̱ ki Mompe’kup̱anyolos mo tani aYesus mishki’d ki mom piti p̱u’dki’d mo jin mina a’di ya mo ’peni mony’cesh yansan e com mo tani, a’di enki kum piti kun ’kokin e mony’cesh yansan mo, a’di enki uni ntagi ’pemen mo be.

YOHAAN 13:36

Simaan Buṯerus ki o a’di gwo mo ki: Tap̱a, ki mana imina /e iya mo? Yesus ki thoḵ a’di gwo mo ki: Mo yin jin miga/ ya mo tani /e mini mol aha/ baṯẖi sho’k shwane/ mo. Hili /e mini baṯẖ aha/ nsho’k ŋ’ko’d mo be.

YOHAAN 16:32

Mo midi p̱u’du/ mo. Ka jiŋ gana/ a’di p̱u’dki’d mo ki um minu c̱eker bwa mo, aris umi ’baar mo e gu’b bum ka ’deṯe/ ’deṯe/ mo dhali um mini dhal aha/, aha/ ’de/ mo. Hili aha/ dina aha/ ’de/ yisa, haali/ Ababa a’di nyaḵki di ki aha/ mo be.

YOHAAN 18:7

Doḵ/e a’di ki doṯ uni gwo mo ki: Kaja a’di iŋap̱a um mo? Dhali uni ki thoḵ a’di gwo mo ki: Yesus gi Pa Naasira mo.

YOHAAN 18:9

A’di ta gwo jin thimkunu moyi jin okina a’di mo ki: ’Peni uni gwansan kun c̱ikina /e aha/ mo tani aha/ dinaki this jan ṯal ’deŋ kamu/ e mo be.

KURINṮH̱UUS ’DE/ 10:13

Mompaluŋ kamu/ yisa di’da jin midi bu’th /e mo jin diki pal wathi/ en’thiŋ kamu/ mo. Hili Arumgimis a’di ta ji gi isiŋ gana/ mo dhali a’di midi diki dhal /e ki /e minu pal mo mmo’ce’d mom’bi’th pini ap̱o/ mo. Hili ki mompal mo tani a’di si’da/ midi ḵwa/ /e bway mo mmoye mo jin mina /e mish a’di ’dim ’kup̱ ki sule/ mo be.

KURINṮH̱UUS SU/ 12:9

Hili a’di ki o aha/ gwo mo ki: A’them pem a’di ’koshi jwa mo gom /e mo haali/ mom’bi’th pem a’di nyo/u mo ki nyo/ gana/ e mo is jin ’ka’da’ka’d mo. Aha/ mina bwa ’kuny ki nyanye/ kagahara ’baar mo mmokar ’ba/ ki ca mo e mom pem kun ’ka’dka/ is mo ki mom’bi’th ma Ḵrisṯẖos midi c̱a’ba p̱o/ aha/ mo be.

EP̱ASUS 5:25

Kwaniŋ gwaṯẖa, eni up̱ bum mo ma me’da Ḵrisṯẖos mmo/enkina a’diya ḵaniisa mo dhali c̱i is pitiŋ gana/ mo goma yim mo

BUṮERUS ’DE/ 5:7

Ṯa’kka ris mo/anan is bumi ’baar mo ap̱o/ a’di mo haali/ a’di mishi’da hil hil mo gom um mo be.