YOHAAN 18:3 - Uduk New Teatament and OT Portions

³ Wakan Yahuusa a’di c̱ikunu i/askar kun tulu ’kup̱ mo, uni gun dhunu mo mmoji mo mo, dhali kun tiya kun tana imanji mo mo si’da/ ’peni igasiis kun can mo dhali ’Kwani P̱arisiyiin mo, dhali uni iikin mo ka lamba/ ime’d mo dhali dhantho/ mo dhali to kun asu mo.

YOHAAN 18:3 Iomraidhean Croise

GWAY GI IDAWUU’D 22:12

Aris gwaṯẖim bip̱ uni ’kamki aha/ mo, gwaṯẖim bip̱ gun ’bitha’bi’th ’peni Pam Bashan mo tani uni ’kamki aha/ mo.

MAṮṮA 25:1

Yan’ko’d Bampa/ gi Momis minu kar ka p̱ar ’ban ki nyara/ kun ’koni ’kume’d mo kun ḵalkina lambam buni mo dhali ii mo mmoraḵ wathinyaŋa’b mbway mo be.

YOHAAN 13:2

Dhali ki tonṯe/ muru shwa mo tani ki tap̱a ma ruma ’cesh ’baarki gwo kar mo eya du ma Yahuusa Isḵariyuuṯi mo, a’di jin ta ya/ ma Simaan mo mmo’ciṯẖ a’di is ki gwo mo tani,

YOHAAN 18:12

Wakan i/askar dhala mancil ma askar alip̱ buni mo dhali imanji mo mo ’peni ’Kwani Yahuuda/ mo uni bu’thkina Yesus mo dhali deḵ a’di mo be.

YOHAAN 18:18

Dhali uni kun ta c̱iŋkina/ dhali imanji mo mo tani uni ’thaki o’da ’cila’th mo haali/ mo ’thup̱a’thup̱ mo, dhali uni ’kokin mo mmosam is buni i o’d mo. Dhala Buṯerus si’da/ nyaḵki di ki uni mo mmodoshkina a’di mo dhali mmosam is piti i o’d mo be.

YOHAAN 18:22

Ki a’di oki gwo gwansan mo tani jan ṯal ’de/ ’peni imanji mo mo jin doshki’d ki ’dishe/ mo tani dorki’da Yesus ki me’d piti mo dhali o gwo mo ki: Eeh. A/e thoḵkina gasiis jin ca’d gwo mo kana?

YOHAAN 19:6

Ki igasiis kun can mo dhali imanji mo mo p̱arki a’di e mo tani uni ḵumki cuuwa/ kagahara mo mmo/o gwo mo ki: ’Koshi a’di ki cwany’ciṯẖan dhul mo. ’Koshi a’di ki cwany’ciṯẖan dhul mo. Dhala Bilaaṯus ki o uni gwo mo ki: Guyi um a’di ki is bum mo dhali ’koshi a’di ki cwany’ciṯẖan dhul mo haali/ aha/ dinaki gam toŋ kamu/ e a’di jin miga/ yer a’di is ki gway mo be.

YOHAAN 7:32

Dhali ’Kwani P̱arisiyiin ciḵkina waambuhany ’kwani mmomiikina uni agumgum kan mo gom a’di mo, dhali igasiis kun can mo dhali ’Kwani P̱arisiyiin hashka iboliish mo mmobu’th a’di mo be.

MII GUN MIINU MO 1:16

Awaḵ pema, a’di minu mii mii mo ki Gwo ma Arumgimis midi pu’du/ mo jin okina Shi/in Dheleladhelel nṯwa/a/ ki ’twa/ ma Dawuu’d goma Yahuusa jin ta’da manshu uni bway kun bu’thkina Yesus mo.

MII GUN MIINU MO 10:1

Dhali wathiŋ kamu/ diki’di Paŋ Kaysariyya jin yuḵu gway ka Karniliyuus mo jin ta’da mancil ma askar iss ’kwanim pa mudhe’d mo ki mo jin yuḵu ki mo jin jin ma askar aji eya Ithaliyaan mo be.