YOHAAN 18:10 - Uduk New Teatament and OT Portions

¹⁰ Dhali yan’ko’d Buṯerus ta’d gi dhan gandala turga/ mo dhali a’di ki buḵ a’di mo dhali ruṯẖun c̱iŋkina/ ma gasiis jin ca’d mo dhali ’ciṯẖ a’di ’ce ma bim poros piti mo. Dhali c̱iŋkina/ yan yuḵu gway ka Malḵus mo be.

YOHAAN 18:10 Iomraidhean Croise

MARKUS 14:30

Dhala Yesus ki o a’di gwo mo ki: Ka jiŋ gana/ aha/ ṯora /e gwo mo ki mon’thiny yansan shwane/ mo nṯwa/a/ ka dhoŋgola ŋwa diki ko e me’di su/ mo naskina/ tani /e mini waṯ aha/ gway me’di kwara mo be.

MARKUS 14:47

Hili jan ṯal ’deŋ kamu/ ’peni uni gwansan kun doshkin ki ’dishe/ mo tani a’di ki buḵ gandala turgam piti mo dhali ruṯẖun c̱iŋkina/ ma gasiis jin ca’d mo dhali ’ciṯẖ a’di ’cem piti mo be.

LUUKA 22:33

Dhali a’di ki o a’di gwo mo ki: Tap̱a, aha/ thosonkina is mo mmonyaḵ ya ki /e mo eya sijin mo dhali mmowu mo be.

YOHAAN 18:26

Dhali c̱iŋkinan ṯal ’deŋ kamu/ ’peni uni ma gasiis jin ca’d jin ta’da abas gi wathi/ jin ’ciṯẖ ma Buṯerus ’cem piti mo tani doṯki a’di gwo mo ki: Dika/ ki p̱ar /e e mo nyaḵki a’di e bwam monsinu mowa?