YOHAAN 18:1 - Uduk New Teatament and OT Portions

¹ Ka Yesus daḵki gwo gwansan o mo tani a’di yaki’d ka pije/ mo nyaḵki imanciḵ a’di gwo mo mmo’ciṯẖ embul wosh ma Gidruun mo e mo yin jin dikina monsinu mo, a’di jin cic̱kina a’di nyaḵki imanciḵ a’di gwo mo be.

YOHAAN 18:1 Iomraidhean Croise

ṮAKWIIN 2:15

Dhali Tap̱a Arumgimis ki bu’th wathimpa en’thi/ mo mmokar a’di e bwaagoŋ ma Idin mmoḵorki a’di mo dhali mmokar a’di mo.

ṮAKWIIN 3:23

Dhali gom gwo gi wakan mo tani Tap̱a Arumgimis ki kar a’di ’pen ka pije/ ’peni bwaagoŋ ma Idin mo, mmoya ḵora ’cesh ki me’d piti mo ’peni mo jin bu’thkunu a’di ’peni cine/ mo.

MAṮṮA 26:30

Dhali ki uni yuḵki gway mo tani uni iikin ka pije/ mo e ’Kuwosh Seṯuun mo be.

MAṮṮA 26:36

Dhali yan’ko’d aYesus yaki’d nyaḵki uni mo e mo jin yuḵu ka Jaṯẖsemaani mo dhali a’di ki o imanciḵ a’di gwo gwo mo ki: ’Koyi mmahan mo ma ki aha/ mina thoṯẖ is mo mmaṯṯaan dhali ’tho mo be.

MARKUS 14:26

Dhali ki uni yuḵki gway mo tani uni iikin ka pije/ mo e ’kuwosh Seṯuun mo.

MARKUS 14:32

Dhali uni iikin mo e mo jin yuḵu gway ka Jaṯẖsemaani mo. Dhali a’di ki o imanciḵ a’di gwo gwo mo ki: ’Koyi imahan mo ma. Aha/ ki ya mo dhali ’tho mo.

MARKUS 14:42

Cuyi mis mo. Dhalki ana iina mo. Hila uma? Aman’ciṯẖaa/ is ki gwo p̱u’dki’d hila/ mo be.

YOHAAN 14:31

Hili aha/ miikina to me’d jin ḵankin ma Baba aha/ gwo mo, wakan ki ’kwaniny’cesh mini ’taki nyiṯẖ ki aha/ ena Ababam pem mo. Cuyi mis mo. Dhalki ana iina imun mo.

YOHAAN 18:26

Dhali c̱iŋkinan ṯal ’deŋ kamu/ ’peni uni ma gasiis jin ca’d jin ta’da abas gi wathi/ jin ’ciṯẖ ma Buṯerus ’cem piti mo tani doṯki a’di gwo mo ki: Dika/ ki p̱ar /e e mo nyaḵki a’di e bwam monsinu mowa?

MII GUN MIINU MO 21:11

Dhali mmoyakina a’di i am mo dhali mmobu’thkina a’di wac̱kan ma Buulus mo tani a’di deḵki sho’k pitiŋ gana/ mo dhali me’d piti si’da/ mo dhali oki gwo mo ki: Wakansan okina Shi/in Dheleladhelel mo ki: Wakan si’da/ mina ’Kwani Yahuuda/ gi Pa Urushaliim deḵ wathi/ yan jin ta com wac̱kan yan mo dhali c̱i a’di e me’d gi ’kwani kun ’koki ta ’Kwani Yahuuda/ mo be.