YOHAAN 17:9 - Uduk New Teatament and OT Portions

⁹ Aha/ dikina mmo’tho mo gom uni mo. Aha/ yisa dina mmo’tho gom ’kwaniny’cesh gwansan mo, hili gom uni gwansan kun c̱ikina /e aha/ mo haali/ uni ta kum pini mo be.

YOHAAN 17:9 Iomraidhean Croise

LUUKA 22:32

Hili aha/ ’thokina mo gom /e mo ki moŋgam gwo is pini midi diki ush me’d mo. Dhali ki /e mini ṯu’k mo doḵ/e tani ’bithi awaḵ pini is mo ma.

LUUKA 23:34

Dhala Yesus ki o gwo mo ki: Ababa, dhalki uni miinthus buni ’pen mo ma, haali/ uni ’koki mish to jin miina uni mo be. Dhali uni ṯa’kki to mo mmoḵwa/ burrinyem piti bwa mo.

LUUKA 8:34

Ki imanhil ḵuthar p̱arki a’di jin miikunu e mo tani uni son mo dhali ṯor a’di e ’peŋkuman bampa/ mo dhali e pa ’baar mo.

YOHAAN 14:16

Dhali aha/ mina doṯa Baba mo dhali a’di midi c̱i uma Manmalasa kamu/ mmodi e um ki sule/ sule/ mo be,

YOHAAN 17:2

Me’dyin jin c̱ikina /e a’di mom’bi’th ap̱o/ buŋgwar is mo mmoc̱i moŋ’koki/e ki sule/ ya ye ’ba/ mo e uni gun c̱ikina /e a’di mo be.

YOHAAN 17:20

Aha/ dinaki ’tho gom uni gwansan uni ’cena mo, hili si’da/ gom uni gwansan kun mini gam aha/ gwo is i’ko’d mo e gwom buni mo be,

YOHAAN 17:6

Aha/ ṯorkina gway pini eya tente/ e ’kwaniny’cesh mo, uni gun c̱ikina /e aha/ ’peni ’kwaniny’cesh mo. Uni ta kum pini mo dhali /e c̱iki uni aha/ mo dhali uni dhuki gwom pini mo be.

YOHAAN 6:37

Aris uni ’baar mo kun c̱ikin ma Baba aha/ mo tani uni mini iiyu/ i aha/ mo, dhali a’di jin midi yayu/ i aha/ mo tani aha/ mina diki ur a’di ka pije/ mo be.

YOHAAN 6:39

Dhali a’di yansan ita bwam piti jin hashki aha/ mo, ki aha/ mina diki this jan ṯal ’deŋ kamu/ e mo ’pena ris uni gwansan kun c̱ikina a’di aha/ mo, hili aha/ mina ’de’k uni ka cim jiŋ ’ko’d mo be.

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

IBRANIYIIN 9:24

Haala Ḵrisṯẖos a’di cic̱ki’d mo, yisa e mo jin ḵogu mo jin uḵu ki me’d gi ’kwani mo, a’di jin ta’da yinyjwa gi a’din ’deŋ gana/ mo, hili e momis ki is pitiŋ gana/ mo tani, hili a’di piki’d mo ibuŋ’kus ma Arumgimis mo gom gway bana mo be.

YOHAAN ’DE/ 5:19

Ana misha mo mo ki ana tana ku ma Arumgimis mo, dhali aris ’kwani gi mony’ceshi ’baar mo uni ’kon e mom’bi’th gi a’dinthus ’de/ yin mo be.

GWO JIN ’CEENU MO 12:9

Dhali adhan tasha/ a’di biṯkunu ka ’cesh mo, dhan tashan dhamo/ yin mo, a’di jin yuḵkunu gway ki Tap̱a ma Ruma ’Cesh mo dhali ka Seṯaan mo, a’di jin ta’da manhe’k ’kwaniny’cesh e ’baar mo – a’di biṯkunu mo ka ’cesh mo dhali iman’doyu gwonthus piti si’da/ mo, uni ṯa’kkunu ka ’cesh nyaḵki a’di mo.

GWO JIN ’CEENU MO 13:8

dhali aris uni gun ’koni mony’cesh yan mo tani uni mini luŋ a’di mo, aris uni ka ’deṯe/ ’deṯe/ mo kun ’konuki ’kwar gway buni nṯwa/a/ ki mony’cesh yansan ’konuki ḵa’b mo eya warka/ gi mondiki/e gi Ari Ḵa’bal jin ’koshkunu mo.

GWO JIN ’CEENU MO 20:15

Dhali waḵki/ jan ṯal ’deŋ kamu/ ’konuki gam gway piti jin ’kwarkunu mo eya warka/ gi mondiki/e yan mo tani a’di si’da/ minu biṯ mo eya al o’d mo be.