YOHAAN 17:6 - Uduk New Teatament and OT Portions

⁶ Aha/ ṯorkina gway pini eya tente/ e ’kwaniny’cesh mo, uni gun c̱ikina /e aha/ ’peni ’kwaniny’cesh mo. Uni ta kum pini mo dhali /e c̱iki uni aha/ mo dhali uni dhuki gwom pini mo be.

YOHAAN 17:6 Iomraidhean Croise

GWAY GI IDAWUU’D 119:11

Aha/ dhukina gwom pini eya dum pem mo, ki aha/ mina diki mii miinthusa p̱o/ /e mo.

GWAY GI IDAWUU’D 22:22

Aha/ mina ṯor gway pini e iwaḵ pem mo. E bwaman ma dhana tul ’kup̱ ’kwani mo tani aha/ mina maŋ /e mo be.

Mmo/ii ka Pije/ mo 9:16

Hili gom ’kup̱ mii yan mo tani aha/ dhalkina /e mo mmoṯor /e mom’bi’th pem mo, wakan ki gway pem minu bah ki tur mo eya ris mony’ceshi ’baar mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 12:28

Ababa, kari /e gway pini ki ca mo. Dhali yan’ko’d ’twa/ p̱u’dki’d ’peni momis mo mmo/o gwo mo ki: Aha/ karkina a’di ki ca mo dhali aha/ mina kar a’di ki ca doḵ/e mo be.

YOHAAN 15:19

Waḵki/ um mini ’taki ta ku gi ’kwaniny’cesh mo tani ’kwaniny’cesh mini ’taki ena en gom kum buni mo, hili haali/ um ’koki ta ku gi ’kwaniny’cesh mo haali/ aha/ kwanykina um mo ’peni ’kwaniny’cesh mo tani a’di ishi/kina ’kwaniny’cesh umi e kan mo be.

YOHAAN 15:3

Um dhelelkin mo hila/ ki gwo jin ṯorkika/ um mo be.

YOHAAN 15:7

Waḵki/ um ’kon e aha/ mo dhali gwom pem ’kon e um mo tani doṯi ma to yin jin ona bwa um mo dhali a’di minu mii gom um mo be.

YOHAAN 17:12

Ki aha/ dikina uni naskina/ mo tani aha/ dhukina uni ki gway pini mo, uni kun c̱ikina /e aha/ mo. Aha/ jikina uni mo dhali jan ṯal ’deŋ kamu/ ’peni uni yisa thisu e mowa, hili jasi ya/ gi a’di jin daḵu gwo me’d mo, ki Gwo ma Arumgimis jin ’kwarkunu minu thim moyi.

YOHAAN 17:14

Aha/ c̱ikina uni gwom pini mo dhali ’kwaniny’cesh shi/ki uni i e mo haali/ uni ’koki ta ku gi mony’cesh mo, isi me’dyin dika/ ki ta ji gi mony’cesh mo be.

YOHAAN 17:16

Uni ’koki ta ku gi mony’cesh mo, isi me’dyin dika/ ki ta ji gi mony’cesh mo be.

YOHAAN 17:2

Me’dyin jin c̱ikina /e a’di mom’bi’th ap̱o/ buŋgwar is mo mmoc̱i moŋ’koki/e ki sule/ ya ye ’ba/ mo e uni gun c̱ikina /e a’di mo be.

YOHAAN 17:24

Ababa, aha/ ona bwa si’dayi ki uni gwansan kun c̱ikina /e aha/ mo mini nyaḵ ’ko ki aha/ mo e mo yin jin miga/ di mo, mmop̱ar monycam pem e mo, a’di jin c̱ikina /e aha/ mo ki mo/en pini gom aha/ mo nṯwa/a/ ki mony’cesh yan dinuki ḵa’b mo be.

YOHAAN 17:26

Aha/ ṯorkina uni gway pini i e mo dhali aha/ mina kar a’di eya tente/ mo, ki mo/en c̱aan jin enkina /e aha/ mo tani midi di e uni mo dhali aha/ e uni mo be.

YOHAAN 17:7

Shwane/ uni mishkin ka ris to ’baar mo kun c̱ikina /e aha/ mo tani uni ’peni /e mo be.

YOHAAN 18:9

A’di ta gwo jin thimkunu moyi jin okina a’di mo ki: ’Peni uni gwansan kun c̱ikina /e aha/ mo tani aha/ dinaki this jan ṯal ’deŋ kamu/ e mo be.

YOHAAN 6:37

Aris uni ’baar mo kun c̱ikin ma Baba aha/ mo tani uni mini iiyu/ i aha/ mo, dhali a’di jin midi yayu/ i aha/ mo tani aha/ mina diki ur a’di ka pije/ mo be.

YOHAAN 6:39

Dhali a’di yansan ita bwam piti jin hashki aha/ mo, ki aha/ mina diki this jan ṯal ’deŋ kamu/ e mo ’pena ris uni gwansan kun c̱ikina a’di aha/ mo, hili aha/ mina ’de’k uni ka cim jiŋ ’ko’d mo be.

YOHAAN 8:51

Ka jiŋ gana/, ka jiŋ gana/ aha/ ṯora um gwo mo ki: Waḵki/ wathin ṯal ’deŋ kamu/ midi dhu gwom pem mo tani a’di midi diki p̱ar wu e ki sule/ mo be.

YOHAAN 8:52

Dhali ’Kwani Yahuuda/ ki o a’di gwo mo ki: Shwane/ aman misha ki /e tana ga ruma ’cesh mo. Ibrahiim wuki’d mo ba/, me’d jin wukina imanc̱i gwo ma Arumgimis kadhamo/ mo dhali i/e a’di i/on ki: Waḵki/ wathi/ midi dhu gwom pem mo tani a’di midi diki nyoḵ wu ki sule/ mo be.

MII GUN MIINU MO 13:48

Dhali me’dyin ciḵa ’kwani kun ’koki ta ’Kwani Yahuuda/ gwo yan mo tani uni ’borkina bwa mo dhali kar gwo ma Arumgimis ki ca eya tente/ mo. Dhala ris uni gun dhunu mo mmota gi moŋ’koki/e ki sule/ ya ye ’ba/ mo tani uni gamki gwo is mo be.

RUUMIYA 11:2

Arumgimis diki waḵ ’kwanim piti mo, uni gun ’kawurkina a’di mo. Dhali ’kona um ki misha, Gwo ma Arumgimis jin ’kwarkunu mo o gwo ki Iliyya a’di jin woṯẖki’da Arumgimis gwo is apo/ ’Kwani ma Israyiil mo ’taa? Mmo/o gwo mo ki:

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

KULUSSI 3:16

Dhalki gwo ma Ḵrisṯẖos c̱a’ba’d e um ki c̱a’b ’pempaŋ gana/ mo me’d mii jin ṯorkina um gwo mo dhali mmorogom gwo ka rem ’kup̱ mo ka ris moyuḵ mo, dhali me’d jin yuḵkina um gway mo mmoka mo jin miinuwa mii e mo dhali gway jin maŋuwa maŋ mo dhali gway jin yuḵu gom to gi shi/in mo ki mii jin ’boruwa ’bor bwa i is eya dum bum goma Arumgimis mo be.

ṮIMUṮH̱AWUUS SU/ 1:13

Baṯẖi bway pem mo gom gwoŋ ganam pem kun ṯorka/ mo, uni kun ciḵkina /e ’peni aha/ mo e moŋgam gwo is mo dhali e mo/en mo, uni gun ’kon eya Ḵrisṯẖos jin ta’da Yesus mo.

IBRANIYIIN 2:12

mmo/o gwo mo ki: Aha/ mina bah /e gway pini e iwaḵ pem mo dhali e bwaman ma waambuhany ’kwani kun tuli is mo tani aha/ mina maŋ /e mo be.

IBRANIYIIN 3:6

Hila Ḵrisṯẖos a’di ta a’di jin ta isiŋ gana/ mo ap̱o/ gu’b ma Arumgimis mo me’d ya/ mo. Dhali ana tana kuŋ gu’b piti mo waḵki/ ana mina bu’th gwo ki nyeŋ mo, gwo gom mom bana jin wukina ana a’di jwa i is mo dhali dhu ’ba/ ki ca mo e mo ma ’teŋ kap̱em bana mo be.

BUṮERUS ’DE/ 1:1

ABuṯerus, a’di jin karu ki she/ mo goma Yesus Ḵrisṯẖos mo. E uni gun ’kokin mo e bwaman ’kwanin tiya mo kun c̱ekerkunu bwa mo e Pam Buntus mo dhali e Paŋ Galathiyya mo dhali e Paŋ Kabbadukiyya mo dhali e Pa Asiyya mo dhali e Pam Biṯẖiniyya mo

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

GWO JIN ’CEENU MO 2:13

Aha/ misha mom pini jin c̱a’ba /e mo, e mo jin c̱a’b ma ḵursi ma Seṯaan mo. /E ṯelki sho’k mo e gway pem mo dhali /e diki waṯ gwom pem jin gamu is mo isi kani ka tee ma Antibas mo, a’di jin ta’da man/o gwom pem mo, a’dim pem jin di’d ’de/ mo jin ta isiŋ gana/ mo, a’di jin ’koshkunu mo mbwam um mo, e mo jin c̱a’bkin ma Seṯaan mo be.

GWO JIN ’CEENU MO 3:10

Haali/ /e dhuki gwom pem mo ki bwa jin ’kuc̱a /e ki ’kari’th mo ki mon’dim ’kup̱ mo tani aha/ mina non /e ’peni mompal mo, a’di jin midi p̱u’du/ ap̱o/ mony’ceshi ’baar mo, mmopal uni gwansan kun ’kokin mo e mony’cesh mo be.

GWO JIN ’CEENU MO 3:8

Aha/ misha miin tom pini mo. Hili mo mo ma, aha/ karkina acampur ki ḵany ibwambori /e mo, a’di jin mola jan ṯal ’deŋ kamu/ mu’th mo. Aha/ misha ki /e tan gi jasi ari mom’bi’th jin gwa’dagwa’d mo dhali /e dini mmodhu gwom pem naskina/ mo dhali /e diki waṯ gway pem mo be.