YOHAAN 17:3 - Uduk New Teatament and OT Portions

³ Dhali moŋ’koki/e ki sule/ sule/ ya ye ’ba/ mo a’dan be, ki uni mini mish /e mo, ki /e tana Arumgimis gana/ /e ’de/ ki lish mo, dhala Yesus Ḵrisṯẖos, a’di jin hashkina /e mo be.

YOHAAN 17:3 Iomraidhean Croise

GWAY GI IDAWUU’D 9:10

Dhali uni gwansan kun mishki gway piti mo tani dhuki moŋgam gwo is buni e /e mo, haali/ gom /e mo tani ayy Tap̱a /e diki dhal uni gwansan ’pen mo gun simmki /e e mo.

MARKUS 9:37

A’diyin jin midi budha ’ci gi wakansan ki gway pem mo tani a’di bu’thki aha/ mo, dhali a’diyin jin midi bu’th aha/ mo tani a’di diki bu’th aha/ jasi ’te/ mo, hili a’di bu’thki a’di jin ṯu’cki aha/ ki yayu/ mo be.

LUUKA 9:48

dhali o uni gwo mo ki: A’diyin jin midi bu’th ara ’ci yansan ki gway pem mo tani a’di bu’thki aha/ mo be dhali a’diyin jin midi bu’th aha/ mo tani bu’thki a’di a’di jin hashi aha/ mo haali/ a’di jin midi p̱is mo mbwam umi ’baar mo tani a’di ta jan ṯal ’de/ jin caaca mo be.

YOHAAN 10:36

a/um ki o gwo mo ki a’di jin karkina Com ki she/ ki jin ḵogu mo dhali hashu e mony’cesh mo ki: /E walki gwo sor mo, haali/ aha/ ona gwo mo ki: Aha/ tana Ya/ ma Arumgimis mo.

YOHAAN 11:42

Aha/ mishkina ki /e ciḵki aha/ ’twa/ isa yempa/ mo, hili aha/ okina gwo yansan gom gway gi ’kwani kun doshkin ki ’dishe/ mo ki uni mini ’taki gam gwo is ki /e a’di ihashki aha/ mo be.

YOHAAN 14:26

Hili ka Manmalas jin ta Shi/in Dheleladhelel mo, a’di jin min ma Babam pem hashu/ ki gway pem mo tani a’di midi ṯor um gwo ’baar mo dhali midi ka um gwo e ’baar mo kun ṯorkika/ um mo be.

YOHAAN 17:18

Me’d jin hashkina /e aha/ i mony’cesh mo tani wakan si’da/ aha/ hashkina uni mo e mony’cesh mo be.

YOHAAN 17:21

ki uni ’baar mo mini ṯal ’de/ mo, isi me’dyin /e jin tana Baba dikin e aha/ mo, dhali aha/ e /e mo, ki uni si’da/ mini ’ko e ana mo, wakan ki ’kwaniny’cesh mini gam gwo is ki /e hashki aha/ mo be.

YOHAAN 17:23

Aha/ e uni mo dhali /e e aha/ mo ki uni minu gam is ki gam gana/ mmonṯal ’de/ mo, wakan ki ’kwaniny’cesh mini mish ki /e a’di ihashki aha/ mo dhali /e enki uni mo isi me’dyin jin enkina /e aha/ mo be.

YOHAAN 17:25

Ayy Ababa jin ta’da ḵar/e mo, ’kwaniny’cesh ’koki mish /e mo, hili aha/ mishkina /e mo, dhali uni gwansan imishkin ki /e a’di ihashki aha/ mo be.

YOHAAN 17:8

Haali/ aha/ c̱ikina uni gwo kun c̱ikina /e aha/ mo dhali uni bu’thki uni mo dhali mish ka jiŋ gana/ ki aha/ pikina ’peni /e mo, dhali uni gamki gwo is ki /e a’di ihashki aha/ mo be.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 3:34

Haali/ a’di jin hashkin ma Arumgimis mo tani a’di ṯorki gwo ma Arumgimis mo haali/ a’di diki c̱i a’di Shi/in me’d jin baru to mo.

YOHAAN 5:44

Ba gwo mina umi mish gam is kata mo? um kun buthi monyca ka rem ’kup̱ mo dhali ’koki ŋap̱ monyca jin p̱u’dki’d ’peni Arumgimis jin di’d ṯal ’de/ mo?

YOHAAN 6:57

Dhali me’da Babam pem jin di’d ki e mo dhali hash aha/ mo tani dhali aha/ dina ki e mo goma Baba mo, wakan a’diyin jin midi ’ka aha/ mo tani midi di ki e mo gom aha/ mo be.

YOHAAN 7:29

Aha/ misha a’di mo haali/ aha/ yayina ’peni a’di mo dhali a’diyi ihashki aha/ mo be.

YOHAAN 8:19

Wakan uni ki thoḵ a’di gwo mo ki: Mane Cim mane? Yesus ki thoḵ uni gwo mo ki: Um ’koki mish aha/ mo walla Ababam pem mo. Waḵki/ um mishi aha/ mo tani um mini ’taki misha Babam pem si’da/ mo be.

KURINṮH̱UUS ’DE/ 15:34

Kulumi gwo ibwa mo ki kulum gana/ mo ma. Dhali dhalku/ miinthus ki mii mo doḵ/e haali/ kun tiya ’koki misha Arumgimis mo. Aha/ ona gwo yansan mmo’the um is mo be.

KURINṮH̱UUS ’DE/ 8:4

Isi gwo gom tonṯe/ jin shwanu jin thenu tomp̱inycon mo tani ana misha ki aris tomp̱inyconi ’baar mo ’koki ta to gun ’ko ki ’ko ’koŋ gana/ mo, dhali kan mo tani Arumgimisa kamu/ yisa di’da jasi a’di ’deŋ gana/ mo be.

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

P̱ILIBBI 3:10

Ki aha/ mina mish a’di mo dhali mom’bi’th gi mompim piti mo dhali aha/ mina pash mo gi isa nyor piti mo mmowar waki a’di e jwam piti mo be.

P̱ILIBBI 3:8

Ka jiŋ gana/ aha/ dhuna ris to me’d to kun thisu e mo gom to jin bolo’da ris to ’baar mo e ki ’bor mo jin ta mmomisha Ḵrisṯẖos jin ta’da Yesus Tap̱am pem mo be. Dhali gom gway piti mo tani aha/ wana gwo kan e bwa mo mmodhala ris to ’peni ’baar mo dhali aha/ dhuna uni me’d to gun pishu mo ki mii gi wakan ki aha/ mina gama Ḵrisṯẖosa du is mo be.

TASALUNIIKI ’DE 1:9

Haali/ uni ki is buni be’dki isi gwo mo gom aman mo gom han jin hankunu aman mo e bwaman um mo dhali gom mom bum jin ṯu’kkina um mo eya Arumgimis mo ’peni aris tomp̱inycon mo mmomii to gom a’di jin di ki e mo, a’di jin ta’da Arumgimis gana/ mo be,

TASALUNIIKI SU/ 1:8

mmorica ri’c ap̱o/ uni gwansan kun ’koki misha Arumgimis mo dhali ap̱o/ uni gwansan kun ’koki ha gwom ’borga/ gi Tap̱a Yesus bana e mo mmomii mo.

IBRANIYIIN 3:1

Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

BUṮERUS SU/ 1:2

Dhalka ’the dhali moŋḵu’th is minu mar is mo gom um mo e monyiṯẖ jin nyiṯẖkina uma Arumgimis mo dhali Tap̱a Yesus bana mo.

BUṮERUS SU/ 1:3

Mom’bi’th piti jin piyi’d ’peni Arumgimis mo tani a’di c̱iki’da ris to ’baar mo e ana mo kun minu mii ta mo gom mondiki/e mo dhali mii ma gayiin mo e mo ma nyiṯẖ piti jin nyiṯẖkina ana a’di mo jin yuḵkina a’di ana mo e monyca jin ta jim pitiŋ gana/ mo dhali e miim ’borgam pitiŋ gana/ mo be.

BUṮERUS SU/ 1:8

Haali/ waḵki/ to gwansan ta kum bum mo dhali ish ka enthus mo tani uni mini non um ’peni mii kun ushi me’d mo walla ’peni mo jin molu maman dho’th mo e monyiṯẖ jin mina umi nyiṯẖ Tap̱a Yesus Ḵrisṯẖos bana mo be.

YOHAAN ’DE/ 1:2

dhali mondiki/e yan ṯoru eya tente/ mo dhali a’di hilkina aman mo dhali aman itana iman/o gwo gom a’di mo dhali mondiki/e yan ṯora aman um eya tente/ mo, mondiki/e yan jin di’d ki sule/ sule/ ya ye ’ba/ mo, jin di’d eya Baba mo tani dhali a’di ṯorkunu aman eya tente/ mo be,

YOHAAN ’DE/ 1:3

a’di c̱aan jin misha aman mo dhali ciḵ mo tani ṯora aman um eya tente/ si’da/ mo ki um si’da/ mini nyaḵ to mii ki aman mo dhali tom bana jin nyaḵa ana mii mo tani nyaḵka Baba mo dhali nyaḵki Ya/m piti jin ta’da Yesus Ḵrisṯẖos mo be.

YOHAAN ’DE/ 2:23

A’din ’deŋ kamu/ jin waṯki Ya/ mo tani a’di diki ta ga Ababa mo. A’di jin piki gwo gom Ya/ mo tani a’di ta’d ga Ababa mo si’da/.

YOHAAN ’DE/ 4:6

Ana tana ku ma Arumgimis mo. A’diyin jin mishki’da Arumgimis mo tani ciḵki ana gwo mo dhali a’di jin diki di ’peni Arumgimis mo tani diki ciḵ ana gwo mo be. Gom gwo gi wakan mo tani ana misha mo mo gom shi/in gana/ mo dhali gom shi/in jin thamu o mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.