YOHAAN 17:2 - Uduk New Teatament and OT Portions

² Me’dyin jin c̱ikina /e a’di mom’bi’th ap̱o/ buŋgwar is mo mmoc̱i moŋ’koki/e ki sule/ ya ye ’ba/ mo e uni gun c̱ikina /e a’di mo be.

YOHAAN 17:2 Iomraidhean Croise

GWAY GI IDAWUU’D 110:1

Tap̱a ki o tap̱am pem gwo mo ki: C̱a’bi /e aha/ ki me’da bim poros pem mo ma ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

MAṮṮA 11:27

Aris to ’baar mo c̱ikunu aha/ mo ka Ababam pem mo dhali jan ’deŋ kamu/ yisa di’da jin mishki Ya/ mo hili isi ciki/ Ababa mo, dhali jan ’deŋ kamu/ yisa di’da jin mishki’da Ababa mo hili isi ciki/ a’di jin ta Ya/ mo dhali ma a’din ’de/ yin jin mina Ya/ ikwany mo tani mina a’di iṯor eya tente/ mo be.

MAṮṮA 25:46

Dhali uni mini ii mo e mo jin ’konu ki mii ’ba/ ki sule/ mo, hili uni kun miin ka ḵar/e mo tani mini cic̱ mo e moŋ’koki/e ki sule/ sule/ ya ye ’ba/ mo be.

MAṮṮA 28:18

Dhala Yesus p̱u’dki’d mo dhali o uni gwo mo ki: Aris moshirri ’baar mo e momis mo dhali apo/ mony’cesh mo tani uni c̱ikunu aha/ mo be.

YOHAAN 17:24

Ababa, aha/ ona bwa si’dayi ki uni gwansan kun c̱ikina /e aha/ mo mini nyaḵ ’ko ki aha/ mo e mo yin jin miga/ di mo, mmop̱ar monycam pem e mo, a’di jin c̱ikina /e aha/ mo ki mo/en pini gom aha/ mo nṯwa/a/ ki mony’cesh yan dinuki ḵa’b mo be.

YOHAAN 17:6

Aha/ ṯorkina gway pini eya tente/ e ’kwaniny’cesh mo, uni gun c̱ikina /e aha/ ’peni ’kwaniny’cesh mo. Uni ta kum pini mo dhali /e c̱iki uni aha/ mo dhali uni dhuki gwom pini mo be.

YOHAAN 17:9

Aha/ dikina mmo’tho mo gom uni mo. Aha/ yisa dina mmo’tho gom ’kwaniny’cesh gwansan mo, hili gom uni gwansan kun c̱ikina /e aha/ mo haali/ uni ta kum pini mo be.

YOHAAN 3:35

Haali/ a’di jin ta Com enki Ya/m piti mo dhali c̱iya ris to ’baar mo e me’d piti mo be.

YOHAAN 4:14

Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

YOHAAN 6:27

Dhalku/ ki miiya ṯu’c gom tonṯe/ mo jin midi ’ce’d sho’k mo hili gom tonṯe/ jin midi ’dim ’kup̱ ntagi moŋ’koki/e ki sule/ sule/ ya ye ’ba/ mo, a’di jin mina Ya/ gi ’Kwani ic̱i um mo. Haali/ e a’di mo tani Arumgimis jin ta Com mo a’di ’dap̱ki gwom piti ’twa/ ki a’di mo be.

YOHAAN 6:37

Aris uni ’baar mo kun c̱ikin ma Baba aha/ mo tani uni mini iiyu/ i aha/ mo, dhali a’di jin midi yayu/ i aha/ mo tani aha/ mina diki ur a’di ka pije/ mo be.

YOHAAN 6:39

Dhali a’di yansan ita bwam piti jin hashki aha/ mo, ki aha/ mina diki this jan ṯal ’deŋ kamu/ e mo ’pena ris uni gwansan kun c̱ikina a’di aha/ mo, hili aha/ mina ’de’k uni ka cim jiŋ ’ko’d mo be.

RUUMIYA 6:23

Haali/ to jin gamu ki mii jin miinu miinthus mo tani ta mowu mo. Hili a’di jin c̱in ma Arumgimis ki me’d mo tani a’di ta mondiki/e ki sule/ ya ye ’ba/ eya Yesus Ḵrisṯẖos Tap̱am bana mo be.

KURINṮH̱UUS ’DE/ 15:25

Haali/ a’di midi mii ta Tap̱a mo ntagi a’di midi dhu aris uni ’baar mo kun ta ’kup̱ gi a’di mo e bwaŋ’kwariny sho’k piti mo be.

EP̱ASUS 1:20

a’di jin thimkina a’di eya Ḵrisṯẖos mo me’d jin ’de’kkina a’di a’di mo ’peni mowu mo dhali kar a’di mmoc̱a’b ki me’da bim poros piti mo e mo kun ’kon e momis mo be,

P̱ILIBBI 2:10

Dhali ki gway ma Yesus mo tani aris ’kup̱a’dup̱uni ’baar mo mini mii luŋ mo ki ’beles e momis mo dhali e mony’cesh mo dhali e bwaŋ’kwariny mony’cesh mo

ṮIMUṮH̱AWUUS ’DE/ 1:16

Hili aha/ bu’thkina momiimii mo gom ’kup̱ mii yan mo, ki, e aha/ mo tani me’d jin taka/ ’kaŋ’kup̱ mo tani Yesus Ḵrisṯẖos midi ’taki ṯor eya tente/ bwa ma dum pitiŋ gana/ mo jin ’kuc̱a a’di ki ’kari’th mo mmota she/mm mo gom uni gwansan kun mini ’ko mo mmogam gwo is mo e a’di mo gom moŋ’koki/e ki sule/ sule/ ya ye ’ba/ mo.

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

BUṮERUS ’DE/ 3:22

a’di jin cic̱ki bway momis mo dhali a’di jin diki’d ka bim poros ma Arumgimis mo nyaḵki aris iman’doyu gwo mo dhali ki moshirr mo dhali mom’bi’th kun ’dap̱ki ’twa/ ki a’di mo be.

YOHAAN ’DE/ 1:2

dhali mondiki/e yan ṯoru eya tente/ mo dhali a’di hilkina aman mo dhali aman itana iman/o gwo gom a’di mo dhali mondiki/e yan ṯora aman um eya tente/ mo, mondiki/e yan jin di’d ki sule/ sule/ ya ye ’ba/ mo, jin di’d eya Baba mo tani dhali a’di ṯorkunu aman eya tente/ mo be,

YOHAAN ’DE/ 2:25

Dhali a’di ta gwo yansan jin okina a’di ana is mo jin ta mondiki/e ki sule/ sule/ ya ye ’ba/ mo.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

YAHUUSA 1:21

Dhuyi is bum e mo/en ma Arumgimis mo. C̱ori momiimii gi Tap̱a Yesus Ḵrisṯẖos bana mo ntagi moŋ’koki/e ki sule/ sule/ ya ye ’ba/ mo.