YOHAAN 17:11 - Uduk New Teatament and OT Portions

¹¹ Dhali shwane/ aha/ mina diki di i mony’cesh yan mo, hili uni a’di i’koni mony’cesh yan mo, dhali aha/ yakina iya i /e mo. Ababa, /e jin ḵogu mo, dhuyi uni ma e gway pini mo uni kun c̱ikina /e aha/ mo, ki uni mini ṯal ’de/ mo isi me’d jin ṯala ana ’de/ mo be.

YOHAAN 17:11 Iomraidhean Croise

MAṮṮA 6:9

’Thoyi wa cikise/ mo ma: Ababam bam jin di’di momis, dhalki gway pini a’di ḵogu mo ma.

IBRANIYIIN 9:24

Haala Ḵrisṯẖos a’di cic̱ki’d mo, yisa e mo jin ḵogu mo jin uḵu ki me’d gi ’kwani mo, a’di jin ta’da yinyjwa gi a’din ’deŋ gana/ mo, hili e momis ki is pitiŋ gana/ mo tani, hili a’di piki’d mo ibuŋ’kus ma Arumgimis mo gom gway bana mo be.

EP̱ASUS 4:4

Buŋgwar isi ṯal ’de/ mo dhali Shi/ini ṯal ’de/ mo jasi me’d jin ’kokunu mo mmoyuḵ um mo e mo ma ’teŋ kap̱en ’de/ mo, a’di jin ta’da yuḵ bum jin yuḵkunu mo,

P̱ILIBBI 2:9

Wakan Arumgimis karki a’di ki caŋ gana/ mo dhali c̱i a’di gway jin di’d eya p̱owa ris gwayi ’baar mo.

YOHAAN 17:25

Ayy Ababa jin ta’da ḵar/e mo, ’kwaniny’cesh ’koki mish /e mo, hili aha/ mishkina /e mo, dhali uni gwansan imishkin ki /e a’di ihashki aha/ mo be.

YOHAAN 13:1

Dhali nṯwa/a/ ki mo jin yuḵuwa yuḵ ka tul ’kup̱ ki Mompe’kup̱anyolos mo tani aYesus mishki’d ki mom piti p̱u’dki’d mo jin mina a’di ya mo ’peni mony’cesh yansan e com mo tani, a’di enki kum piti kun ’kokin e mony’cesh yansan mo, a’di enki uni ntagi ’pemen mo be.

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

YOHAAN 16:33

Aha/ okina gwo yansan e um mo ki e aha/ mo tani um mini ta gi moŋḵu’th is mo. E mony’cesh yan mo tani um mini gam monṯo’c bwa mo, hili roc̱i shoka ’cesh ’te/ ma, haali/ aha/ p̱ikina mony’cesh yansan e ki mii mo be.

YOHAAN 14:20

Ka cim c̱aan tani um mini mish ki aha/ dina eya Babam pem mo dhali um e aha/ mo dhali aha/ e um mo be.

YAHUUSA 1:1

Yahuusa jin ta c̱iŋkina/ ma Yesus Ḵrisṯẖos mo dhali jin ta’da kam ma Yakuub mo. E uni gwansan kun yuḵkunu mo ki ku gi en ma Arumgimis jin ta’da Baba mo dhali kun dhunu goma Yesus Ḵrisṯẖos mo be.

YOHAAN ’DE/ 5:19

Ana misha mo mo ki ana tana ku ma Arumgimis mo, dhali aris ’kwani gi mony’ceshi ’baar mo uni ’kon e mom’bi’th gi a’dinthus ’de/ yin mo be.

YAKUUB 4:4

Um ’kwaniny c̱al, ’kona um ki mish mo mo ki mmonyaḵ to mii ki ’kwaniny’cesh mo tani a’di ta ’kup̱ ka Arumgimis mo? Haali/ a’di wakan mo tani a’di yin jin ona bwa ki ta mugu gi ’kwaniny’cesh mo tani kar is piti mo mmota ’kup̱ ka Arumgimis mo be.

MII GUN MIINU MO 3:21

a’di jin mina momisi mii bu’th mo ntagi mo jin minu ṯela ris to ’baar mo shoka ’cesh doḵ/e mo, uni gun on ma Arumgimis ki ’twa/ gi imanc̱i gwo ma Arumgimis kadhamo/ mo kun dhunu ki she/ ki dhelel dhelel mo kun ’kokin ’peni isa dhamo/ innii mo.

YOHAAN 13:3

Yesus mmomishkina a’di ki Com c̱iki’da ris to ’baar mo e me’d piti mo dhali mmop̱u’dkina a’di ’peni Arumgimis mo dhali mmomina a’di doḵa Arumgimis ka nyaŋ’ko’d mo tani

GWAY GI IDAWUU’D 79:9

Woṯẖi/ aman mo, ayy Arumgimis, jin ta bway mowoṯẖ bam mo, ki gway gi monycam pini mo. ’Cuḵi aman mo dhali gwami aman ’peni miinthus bam mo, gom gway gi gway pini mo.

GWO JIN ’CEENU MO 4:8

Dhali to/e kun ’kon ma p̱o/i doŋon mo kun ’kon ki e mo, uni ’baar ka ’deṯe/ ’deṯe/ mo tani ’kan ma biny jeshem buni ipe’de/ mo dhali uni gun sula e ka pije/ ki ṯẖorony ṯẖorony mo, aris uni ’baar mo kun ’kon ki jiŋ ’kam mo dhali e bwaman mo dhali montee dhali mon’thiny mo tani uni ’koki daḵ mo mmoyuḵ gway mo mmo/o gwo mo ki: A’di jin ḵogu mo, a’di jin ḵogu mo, a’di jin ḵogu mo, a’di jin ta Tap̱a Arumgimis jin ta a’di jin Eḵa/ Eḵ mo, a’di jin diki’d mo dhali a’di jin di’d mo dhali a’di jin midi yayu/ mo be.

BUṮERUS ’DE/ 1:5

Um gun jinu ki mom’bi’th ma Arumgimis mo ki mo ki moŋgam gwo is ki bway mowoṯẖ mo, a’di jin thosonkunu mo mmoṯor eya tente/ ka tee jiŋ ’ko’d mo.

GALATHIYYA 3:28

Wakan walla Wathi/ Yahuuda/ yisa di’da walla Wathiŋ Griḵi mo, walla wathi/ jin ta c̱iŋkina/ jin yolu mo yisa di’da walla moŋ’ko ki ’kus mo, walla kun tana gwaṯẖ yisa di’da walla iyima ’bomi mo. Haali/ umi ’baar mo ṯal ’de/ mo eya Ḵrisṯẖos jin ta’da Yesus mo be.

KURINṮH̱UUS ’DE/ 1:10

Aha/ yip̱a ’kup̱ ’kup̱ ki um mo, iwaḵ mo, ki gway gi Tap̱am bana jin ta’da Yesus Ḵrisṯẖos mo tani ki umi ’baar mo mini gam gwo me’d ki mo jin mina um i’taki ’ko ka ḵwam bwa mo tani midi ’taki diki di e bwaman um mo. Hili um mini gam ’twa/ ’kup̱ mo e bwan ṯal ’de/ mo dhali eya yisanya ’de/ mo be.

RUUMIYA 12:5

Wakan ana bala wana risa e buŋgwar is ma Ḵrisṯẖos mo dhali ka ’deṯe/ ’deṯe/ mo tani tom buŋgwar is ta anan tiya mo.

RUUMIYA 9:17

Haali/ Gwo ma Arumgimis kun ’kwarkunu mo oki’da P̱irawn gwo mo ki: Aha/ cukina /e mis mo gom ’kup̱ mii yaaseŋ gana/ mo mmoṯor mom’bi’th pem e /e mo. Wakan ki gway pem minu c̱i ki lala’th e mony’ceshi ’baar mo.

YOHAAN 16:28

Aha/ pikina ’pena Baba mo dhali aha/ p̱u’dkina i ’kwaniny’cesh mo be. Doḵ/e aha/ mura idhal ’kwaniny’cesh ’pen mo dhali ya Ababa mo be.

YOHAAN 7:33

Dhali yan’ko’d Yesus ki o uni gwo mo ki: Aha/ mina di e um ari’ceenne/ mo dhali yan’ko’d aha/ mina ya e a’di jin hashki aha/ mo be.

MAṮṮA 10:16

Hili mo mo ma, aha/ hashkina um mo ka pije/ mo me’d ḵa’bal mo e bwaman ma wu mo, wakan yuḵi ki yuḵ mo me’d tasha/ mo, dhali dari ga maḵ mo me’d gurko/ mo.

MAṮṮA 5:48

Wakan um mini mii ta unim ’borgaŋ gana/ mo me’da Ababam bum jin di’d e momis jin ta a’dim ’borgaŋ gana/ mo be.

GWO JIN ’CEENU MO 19:12

Em piti wana e ka le’dan o’d mo dhali e ’kup̱ piti mo tani aris toŋ’kup̱ ma maliḵ ’tamkunu e ’kup̱ piti mo. Dhali a’di yuḵkunu gway ka nyi’da/ nyi’da/ mo, a’di jin mola wathin ṯal ’deŋ kamu/ mo, hili a’di ki is piti imishki’d mo be.

GWO JIN ’CEENU MO 15:4

Kaja a’di imidi diki ḵo/ /e mo dhali kar gway pini ki ca mo, ayy Tap̱a? Haali/ /e ’deŋ gana/ mo tani ita a’di jin ḵogu mo. Aris kal gi ’kwaniny’ceshi ’baar mo mini iiyu/ mo dhali luŋ /e mo haali/ gwon dwall pini jin toru gwo ’twa/a ’cesh mo tani a’di ṯorkunu eya tente/ mo.

YAHUUSA 1:24

Dhali e a’di jin mish um dhu mo ’peni monṯag mo tani dhali mmoc̱i um ki dar gi mii kun nyo/on mo ibwambori buŋ’kus monycam piti ki moŋ’kuny bwa mo tani

YOHAAN ’DE/ 3:12

dhali yisa mmowa e ka Kayiin mo a’di jin ta a’di ’peni a’dinthus ’de/ yin mo dhali ’kosha kam piti jwa mo. Dhali kata ’koshkina a’di a’di mo? Haali/ miim pitiŋ gana/ mo tani ta jin thus mo dhali mii ma kam piti ta jaŋ ḵar/e mo be.

YOHAAN 17:6

Aha/ ṯorkina gway pini eya tente/ e ’kwaniny’cesh mo, uni gun c̱ikina /e aha/ ’peni ’kwaniny’cesh mo. Uni ta kum pini mo dhali /e c̱iki uni aha/ mo dhali uni dhuki gwom pini mo be.

YOHAAN 17:23

Aha/ e uni mo dhali /e e aha/ mo ki uni minu gam is ki gam gana/ mmonṯal ’de/ mo, wakan ki ’kwaniny’cesh mini mish ki /e a’di ihashki aha/ mo dhali /e enki uni mo isi me’dyin jin enkina /e aha/ mo be.