YOHAAN 16:7 - Uduk New Teatament and OT Portions

⁷ Bahili aha/ ṯorkina um gwoŋ gana/ mo. A’di ta shi/ miim ’boro’d bum mo jin miga/ ya mo haali/ waḵki/ aha/ dinaki ya mo tani Amanmalas midi diki yayu/ i um mo. Hili waḵki/ aha/ yana mo tani aha/ mina hashki a’di i um mo be.

YOHAAN 16:7 Iomraidhean Croise

GWAY GI IDAWUU’D 68:18

/E ki poḵ wosh jin turatur mo, dhali /e ki shu uni bway uni gun bu’thkunu mo e bway pini jin yana /e mo, dhali bu’th to kun c̱inu ki me’d e bwaŋ ’kwani mo, isi kan e bwaŋ ’kwani kun pishi is ka le’d mo, wakan ki Tap̱a Arumgimis midi di e mo yan mo be.

LUUKA 24:49

Dhali hili mo mo ma aha/ mina hash gwo jin on ma Babam pem is mo ap̱o/ um mo be. Hili ’koyi e ’peŋkuman bampa/ mo ntagi um minu shum mo ki mom’bi’th mo ’peni momis jin eḵa/ eḵ mo be.

LUUKA 4:25

Dhali hili e gwoŋ gana/ mo tani aha/ ṯora um gwo mo ki up̱ ka ris kun wuna ikaṯẖ ’kokin mo ka ris e ’Kwani ma Israyiil mo ka tee ma Iliyya mo, ki momis dar ga sho’k mo ki yili kwara mo dhali ka ppe ’kup̱i pe’de/ mo dhali adhan ṯe/ p̱u’dki’d mo ap̱o/ mony’ceshi ’baar mo.

LUUKA 9:27

Hili aha/ ṯora um gwo ka jiŋ gana/ mo ki ’kwanin tiya doshkini mahan mo kun mini ’koki nyoḵ mowu nṯwa/a/ mo ki uni mini p̱ar Bampa/ ma Arumgimis e mo be.

YOHAAN 14:26

Hili ka Manmalas jin ta Shi/in Dheleladhelel mo, a’di jin min ma Babam pem hashu/ ki gway pem mo tani a’di midi ṯor um gwo ’baar mo dhali midi ka um gwo e ’baar mo kun ṯorkika/ um mo be.

YOHAAN 14:28

Um ciḵki gwo mo jin oka/ ki: Aha/ yana ya mo dhali aha/ mina idoḵu/ i um mo. Waḵki/ um eni aha/ mo tani um mina bwa ’taki ’kuny mo haali/ aha/ yana Ababa mo, haala Baba a’di eḵki’d mmobol aha/ e mo be.

YOHAAN 14:3

Dhali ki aha/ mina ya mo dhali thoson um mo tani aha/ mina doḵu/ doḵ/e dhali ’do um nyaḵki aha/ mo ki mo yin jin miga/ di nycine/ mo tani a’di imina umi ’ko si’da/ mo be.

YOHAAN 15:26

Hili ka Manmalas midi p̱u’du/ mo a’di jin miga/ hashu/ i um ’pena Baba mo tani isi a’diyi jin ta Shi/in gi gwoŋ gana/ mo a’di jin piyi’d ’pena Baba mo, a’di midi ta Man/o gwo gom aha/ mo be.

YOHAAN 16:8

Dhali ki a’di midi p̱u’du/ mo tani a’di midi pucur ’kwaniny’cesh ki gwo mo gom miinthus mo dhali gom mo ma ḵar/e mo dhali gom gwo jin minu dwall mo be.

YOHAAN 7:39

Dhali gwo yansan jin okina a’di mo tani okina a’di gom Shi/in mo, jin mina a’di c̱i gom uni gwansan kun gamki a’di gwo is mo kun muruni bu’th a’di mo be. Haali/ Shi/in a’di dinuki c̱iyu/ naskina/ mo haala Yesus naskina/ dinuki kar cam piti eya tente/ mo be.

MII GUN MIINU MO 10:34

Dhala Buṯerus ḵa’d ’twam piti mo dhali o gwo mo ki: Ka jiŋ gana/ aha/ nyiṯẖkina ka Arumgimis diki mii mii ka gwar ’de/ gom ’kwani mo.

MII GUN MIINU MO 2:33

A’di mmokaru a’di ki ca e me’da bim poros ma Arumgimis mo tani dhali mmobutha a’di gwo ’peni Com jin onu is gom Shi/in Dheleladhelel mo tani a’di gac̱ki’da pije/ mo a’di yan jin misha um mo dhali jin ciḵa um si’da/ mo.

RUUMIYA 8:28

Haali/ ana misha mo ka ris to nyaḵu/ mii ki ’bore/ gom uni gun enena Arumgimis mo, gom uni gun yuḵkunu mo mmomii waki bwam piti mo be.

KURINṮH̱UUS SU/ 4:17

Haali/ mo jin ṯoju bwa yansan mo jin tawasha tawash jin di’d jasi ki ari mo mo tani a’di thosonki’d mo gom aman mo mondiṯ ki monyca jin midi di ki sule/ sule/ ya ye ’ba/ mo jin molu kar ka p̱ar mo.