YOHAAN 16:4 - Uduk New Teatament and OT Portions

⁴ Hili aha/ okina to gwansan e um mo, ki mom buni mini p̱u’du/ mo tani um ki ka gwo e ki aha/ ṯorkina um uni mo be. Aha/ dinaki o gwo gwansan ’peni ka muŋ’kup̱ mo haali/ aha/ dikina nyaḵki um mo be.

YOHAAN 16:4 Iomraidhean Croise

MAṮṮA 10:7

Dhali c̱iyi gwo mo me’d jin mina umi ii mo mmo/o ki: Bampa/ gi Momis p̱u’dki’d mo hila/ e me’d mo be.

MAṮṮA 24:25

Hili mo mo ma, aha/ ṯora um gwo nṯwa/a/ mo be.

MAṮṮA 9:15

Dhala Yesus ki o uni gwo mo ki: Mina ’kwani kun yuḵu mo e momiimash mo mmota yilkina/ mmoko mo e mo c̱aan jin dina wathinyaŋa’b nyaḵki uni mo ’taa? Atee mini p̱u’du/ mo ki wathinyaŋa’b minu gu mo ’peni uni mo tani dhali yan’ko’d uni ki ga/ to mo be.

MARKUS 13:23

Hili ’cunycuri is bum ki ’bore/ mo. Aha/ ṯorkina um aris to gwansani ’baar mo nṯwa/a/ mo be.

MARKUS 2:19

Dhala Yesus ki thoḵ uni gwo mo ki: Mina ’kwani yilkina/ gwansan, uni kun yuḵu mo e momiimash mo mish to ga/ mo ki wathinyaŋa’b diki’d nyaḵki uni naskina/ mo ’taa? Me’d jin dikina wathinyaŋa’b e bwam uni mo tani uni moli to ga/ mo be.

LUUKA 1:2

jasi me’d uni kun c̱ikunu ana mo ki uni gwansan ’peni ka muŋ’kup̱ mo kun ta iman/o gwo ki e mo dhali imanmii gwo mo tani

YOHAAN 13:19

Aha/ ṯora um gwo shwane/ nṯwa/a/ mo ki mo diki bu’th mo mo, waḵki/ a’di ki bu’th mo mo tani um ki gam gwo is ki aha/ tana a’di mo be.

YOHAAN 14:29

Dhali shwane/ aha/ ṯorkina um gwo nṯwa/a/ mo ki mo diki bu’th mo mo naskina/. Wakan ki a’di midi bu’th mo mo tani um mini gam gwo is mo be.

MII GUN MIINU MO 9:16

Haali/ aha/ mina ṯor a’di to kun wana risa kun mina isi mii ’kosh a’di ka nyor gom gway pem mo.

TASALUNIIKI SU/ 2:5

’Kona um ki ka gwo eya, ki me’d jin dikika/ e um naskina/ mo tani aha/ ṯorkina um gwo yansan mowa?

BUṮERUS SU/ 1:14

me’d jin mishka/ ki mo jin miga/ kar buŋgwar is pem ’pen ka pije/ mo ki ’dishe/ mo me’d gwo jin ṯora Tap̱a Yesus Ḵrisṯẖos bana aha/ mo be.