YOHAAN 16:2 - Uduk New Teatament and OT Portions

² Uni mini ur um ka pije/ ’peni gu’b gi montul is mo. Ka jiŋ gana/, mo midi p̱u’du/ mo ki a’diyin jin midi ’kosh um mo tani midi ṯosh ki a’di mii to mmoluŋa a’diya luŋ goma Arumgimis mo.

YOHAAN 16:2 Iomraidhean Croise

MAṮṮA 10:28

Dhali dhalku/ ki ḵo/ uni gwansan kun ’koshi buŋgwar is mo hili uni ’koki misha ḵashira/ ’kosh mo. Hili dhali mii yan e i is mo mmoḵo/ a’di jin mishki’da ḵashira/ sho’k ’ce’d mo mmonṯal ’de/ ki buŋgwar is ilu/ mo e mo ma al o’d mo be.

MAṮṮA 24:9

Yan’ko’d uni mini c̱i um mo ki um minu ṯo’c bwa mo dhali dhu um mmowu mo. Dhali um minu shi/i e mo ka ris kal gi ’kwaniny’cesh mo gom gway pem mo be.

LUUKA 6:22

Mom’bor mii gom um ki ’kwani shi/i um i e mo dhali ki uni mini ḵwa’th um mo dhali waḵ um mo dhali ṯa’k gway bum mo me’d tonthus gom gway gi Ya/ gi ’Kwani mo.

YOHAAN 12:42

Bahili ’kwani ka ris isi uni gun ta gi moshirr mo tani gamki a’di gwo is mo, hili gom moŋḵo/ is gom ’Kwani P̱arisiyiin mo tani uni ’koki pi gwo mo be, isi ciki/ uni minu ’taki ur ka pije/ ’peni gu’b gi montul is buni mo be.

YOHAAN 16:25

Aha/ okina gwo yansan e um ki jim poḵ mo. Mo midi p̱u’du/ mo ki aha/ mina diki doḵ/e ṯor um gwo ki jim poḵ mo, hili aha/ mina ṯor um gwo ka ji sho’k goma Baba mo be.

YOHAAN 16:32

Mo midi p̱u’du/ mo. Ka jiŋ gana/ a’di p̱u’dki’d mo ki um minu c̱eker bwa mo, aris umi ’baar mo e gu’b bum ka ’deṯe/ ’deṯe/ mo dhali um mini dhal aha/, aha/ ’de/ mo. Hili aha/ dina aha/ ’de/ yisa, haali/ Ababa a’di nyaḵki di ki aha/ mo be.

YOHAAN 4:21

Yesus ki thoḵa yim gwo mo ki: A’boma, gami aha/ gwo is mo ma. Mo midi p̱u’du/ mo ki um mini ’koki luŋa Baba e ’kuwosh yan mo walla e Pa Urushaliim mo be.

YOHAAN 4:23

Hili, mo midi p̱u’du/ mo dhali a’di a’dan shwane/ mo ki uni gun luŋkina luŋ ki bwaŋ gana/ mo tani mini luŋa Baba ki shi/in mo dhali ki gwoŋ gana/ mo haala Baba ŋap̱ki ku gi wakansan mmoluŋ a’di mo be.

YOHAAN 9:22

Icom oki gwo wakansan mo haali/ uni ḵo/ki ’Kwani Yahuuda/ mo haali/ ’Kwani Yahuuda/ thosonki gwo mo jin gamu me’d mo waḵki/ wathin ṯal ’deŋ kamu/ midi ’taki pi gwo gom a’di mo mmo/o ki a’di ta’da Ḵrisṯẖos mo tani a’di minu ur ka pije/ ’peni gu’b gi montul is buni mo be.

YOHAAN 9:34

Dhali uni ki thoḵ gwo mo ki: /E jin dho’thkunu e miinthus kan mo tani dhali mina /e imish am gwo ṯora? Dhali uni ki ur a’di ka pije/ mo be.

MII GUN MIINU MO 5:33

Hili ki uni ciḵ gwo yansan mo tani uni c̱ithirkin ma dum buni ka nyor mo dhali ’kona gwo bwa mo mmo’kosh uni jwa mo.

MII GUN MIINU MO 7:56

dhali o gwo mo ki: Hili mo mo ma. Aha/ parkina momis ḵa’du/ mo dhali Ya/ gi ’Kwani mmodosh ka bim poros ma Arumgimis mo.

KURINṮH̱UUS ’DE/ 4:13

Ki aman yerkunu is ki gway ki gwonthus mo tani aman malaskina gwo mo. Aman warkina mo dhali shwane/ wa e ka duhal gi ’kwaniny’cesh mo dhali aman wana e ki to jin dhi’thkunu aris to nyo/o’di ’baar mo be.

P̱ILIBBI 3:6

aha/ shwakina anyor mo mmoṯoca ḵaniisa bwa mo, me’d gwo gi mo ma ḵar/e jin baṯẖ gwoŋḵan jin c̱inu i’ko’d mo tani aha/ dina ka p̱o/ mo be.

GWO JIN ’CEENU MO 6:9

Dhali ki a’di ’ceeki’da ’diŋkila/ ’twa/ mo jin ’kon ma p̱o/i mudhe’d mo tani aha/ p̱arkina mo e mo e bwaŋ’kwariny mo ma gwaṯa/ jin miikunuwa basa ’cesh mo aḵashira/ gi uni gwansan kun ’koshkunu jwa mo gom gwo ma Arumgimis mo dhali gom gwo jin ḵala uni mmoṯor mo.