YOHAAN 16:12 - Uduk New Teatament and OT Portions

¹² Hili aha/ tana gi gwon tiya ka ris mmo/o um mo tani hili um mol uni bu’th shwane/ mo be.

YOHAAN 16:12 Iomraidhean Croise

MARKUS 4:33

Ka ris gwom ’bi’th/e gi wakan mo tani a’di ki ṯor uni gwo mo me’d jin mina uni ’taki mish a’di mo be.

YOHAAN 14:30

Aha/ mina diki c̱a’b mmoṯor um gwo ki rash rash mo haali/ tap̱a gi mony’cesh yan p̱u’dki’d mo. A’di dar gi mom’bi’th ap̱o/ aha/ mo be.

YOHAAN 15:15

Aha/ yisa dikina mmoyuḵ um ki c̱iŋkina/ haali/ c̱iŋkina/ diki mish to jin miina tap̱am piti mo be. Hili aha/ yuḵkina um ki ikam pem mo haali/ aris to kun ciḵkika/ ’pena Babam pem mo tani aha/ ṯorkina um uni eya tente/ mo be.

YOHAAN 16:11

Gom gwon dwall mo haali/ tap̱a gi mony’cesh yansan a’di torkunu gwon dwall ’twa/a ’cesh mo be.

YOHAAN 16:13

Ki Shi/in gi gwoŋ gana/ midi p̱u’du/ mo tani a’di midi shu um bway eya ris gwoŋ gana/ ’baar mo. Haali/ a’di midi diki ṯor gwo gi moshirr ki is piti mo. Hili ma to yin jin mina a’di ciḵ mo tani a’di mina a’di iṯor mo dhali a’di midi ṯor um eya tente/ to kun mini p̱u’du/ mo be.

MII GUN MIINU MO 1:3

’Ko’di isa nyor piti mo tani Yesus ki ṯor uni is piti jin di’d ki e eya tente/ ka du’d miiŋ gana/ ka ris mo. A’di yayi’di pi uni i is ka cim ma issu/ mo be. A’di di’d mmoṯor gwo gom Bampa/ ma Arumgimis mo.