YOHAAN 16:11 - Uduk New Teatament and OT Portions

¹¹ Gom gwon dwall mo haali/ tap̱a gi mony’cesh yansan a’di torkunu gwon dwall ’twa/a ’cesh mo be.

YOHAAN 16:11 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

GWAY GI IDAWUU’D 68:18

/E ki poḵ wosh jin turatur mo, dhali /e ki shu uni bway uni gun bu’thkunu mo e bway pini jin yana /e mo, dhali bu’th to kun c̱inu ki me’d e bwaŋ ’kwani mo, isi kan e bwaŋ ’kwani kun pishi is ka le’d mo, wakan ki Tap̱a Arumgimis midi di e mo yan mo be.

MAṮṮA 12:18

Hili mo mo ma, c̱iŋkinam pem a’di jin kwanyka/ mo tani jin ta a’di jin enka/ mo dhali a’di jin ’bor ma ḵashiram pem bwa i is mo tani aha/ mina c̱i Shi/in pem ap̱o/ a’di mo, dhali a’di midi ṯor gwo gom miiŋḵar/e gom ’kwani kun ’koki ta ’Kwani Yahuuda/ mo be.

MAṮṮA 12:36

Aha/ ṯora um gwo mo eya tee yan gi gwon dwall mo tani ’kwani minu ḵam ’kup̱ ki gwo mo goma ris gwo ’baar mo ki ’beles kun ṯẖutha uni mii mo mmo/o mo be.

LUUKA 10:18

Dhali a’di ki o uni gwo mo ki: Aha/ p̱arkina Seṯaan e mo biṯki’d mo me’da wara sho’k mo ’peni momis mo.

YOHAAN 12:31

Dhali mo jin minu tor gwo ’twa/a ’cesh gi gwon dwall e mony’cesh yansan mo tani a’di p̱u’dki’d mo. Dhali tap̱a ma ruma ’cesh yansan minu biṯ ka pije/ mo be.

YOHAAN 14:30

Aha/ mina diki c̱a’b mmoṯor um gwo ki rash rash mo haali/ tap̱a gi mony’cesh yan p̱u’dki’d mo. A’di dar gi mom’bi’th ap̱o/ aha/ mo be.

YOHAAN 16:12

Hili aha/ tana gi gwon tiya ka ris mmo/o um mo tani hili um mol uni bu’th shwane/ mo be.

MII GUN MIINU MO 10:42

Dhali a’di ḵan am gwo mmoc̱i ’kwani mo dhali ṯe gwo mo ki a’di ita a’di jin kar ma Arumgimis mmota adwalliŋ gwo gom uni gun ’kon ki e mo dhali uni gun wukin mo.

MII GUN MIINU MO 24:25

Dhali me’dyin ṯorkina a’diya ṯor ka rem ’kup̱ gom mo ma ḵar/e mo dhali mo jin ’timuwa du mo dhali gom gwo miiwaḵ jin midi yayu/ yilaŋ kamu/ mo tani P̱iliks ḵo/ki is mo dhali thoḵki gwo mo ki: Yayi ibway pini shwanetan mo ma dhali ki aha/ mina ta gi embul jin ’boro’d mo tani aha/ mina yuḵ /e i aha/ mo.

MII GUN MIINU MO 26:18

Mmoḵa’d uni em buni mo ki uni mini ṯu’k mo ’peni mondhurumi’d ’kup̱ ki moŋkush mo dhali ’peni mom’bi’th ma Seṯaan eya Arumgimis mo, ki uni mini bu’th moŋgwam gom miinthus mo dhali mal ibwaman uni gun dhunu ki she/ ki dhelel dhelel ki moŋgam gwo is e aha/ mo be.

RUUMIYA 16:20

Dhali yan’ko’d Arumgimis jin ta gi moŋḵu’th is midi pucura Seṯaan eya ’cesh ’peni bwam sho’k bum ki ’dishe/ mo. A’the gi Tap̱a Yesus Ḵrisṯẖos bana dhalki a’di di’d e um mo ma.

RUUMIYA 2:16

ka tee gwansan ka Arumgimis midi dwall ’kwani gwo kun kuma uni e bwa mo isi ki gwom ’borgam pem ka Ḵrisṯẖos jin ta’da Yesus mo be.

KURINṮH̱UUS ’DE/ 4:5

Wakan dhalku/ ki c̱i ’twa/ gwon dwall nṯwa/a/ ka tee mo, nṯwa/a/ ki Tap̱a diki p̱u’d mo, a’di jin midi dhu aris to ’baar mo e moŋkush mo, aris to kun diḵu ’kup̱ shwane/ mo e mondhurumi’d mo. Dhali a’di midi thisa dum pa ṯor mo. Dhali yan’ko’d aris ’kwani ’baar ka ’deṯe/ ’deṯe/ mo mini bu’th ’twa/ maŋ ’peni Arumgimis mo be.

KURINṮH̱UUS SU/ 4:4

E ’kup̱ miim buni yan mo tani arum gi mony’cesh yan jin luŋa uni mo tani dha’bki uni adum buni e mo uni gun daran gi gwo jin gamu is mo, mmonon uni ’peni mmop̱ar moŋkush gi gwom ’borga/ e mo jin ta monyca ma Ḵrisṯẖos mo, a’di jin nyaḵki’da nyaḵ ka Arumgimis mo be.

EP̱ASUS 2:2

e uni kun iikina um ’thissa/ mo mmobaṯẖkina um ya gi mony’cesh yan mo dhali mmobaṯẖkina um miin tap̱a gi mom’bi’th kun p̱wanu/ e mis mo, jin ta shi/in c̱aan jin di’d mmo/um mo e iya/ gi iman/ush gwo ha e mo be.

KULUSSI 2:15

A’di dininki mom’bi’th kun molu gadhir she/ mo dhali mom’bi’th mo, dhali a’di ki ṯor uni eya tente/ mo jin mina uni ta she/mm mo mmop̱ikina a’di uni e ki mii mo be.

IBRANIYIIN 2:14

Me’d jin wakina a’di kan mo mmobu’thkina uc̱i buŋgwar is mo dhala bas mo tani a’di ki is piti si’da/ bu’thki buyempa jin nyaḵka’d kan mo, ki, ki e mowu mo tani a’di midi ’taki ’ce’d a’di sho’k mo, a’di jin ta gi mom’bi’th gi mowu mo, a’di jin ta tap̱a ma ruma ’cesh mo

IBRANIYIIN 6:2

ki gwo jin yedhu sho’k mo gom gwo gi mo jin lamuwa lam is mo ki miin dhamo/ mo, dhali mo jin ’thikunu mii ’ko’di me’d mo, dhali mompi ’peni mowu mo, dhali mo jin toru gwon dwall ’twa/a ’cesh ki sule/ mo.

IBRANIYIIN 9:27

Dhali jasi me’d jin karkunu wu gom ’kwani mo mmowu mo me’d ’de/ mo tani dhali yan’ko’d mo jin toru gwon dwall ’twa/a ’cesh p̱u’dki’d mo tani

BUṮERUS SU/ 3:7

Hili ki gwon ’de/ mo tani aris momis dhali mony’cesh kun ’kokin mo shwane/ mo tani uni dhunu mo mmo/ish ḵumma/ mo gom mo/o’d mo, mmo’kokunu mmodhu uni mo ntaga tee jin minu tor gwon dwall ’twa/a ’cesh mo dhali ’ce’d ’kwani sho’k mo uni gun ushuna ush mo be.

YOHAAN ’DE/ 3:8

A’di jin di’d mo mmomii miinthus mo tani a’di ta ji gi tap̱a ma ruma ’cesh mo, haali/ tap̱a ma ruma ’cesh a’di miiki miinthus ’peni ka muŋ’kup̱ mo. A’di ta ’kup̱ gwo jin ṯoru Ya/ ma Arumgimis eya tente/ mo mmo’ce’d mii gi tap̱a ma ruma ’cesh sho’k mo be.

GWO JIN ’CEENU MO 1:7

Hili mo mo ma. A’di midi p̱u’du/ mo e bwaaraḵ mo dhali aris eŋ ’kwani ’baar ka ’deṯe/ ’deṯe/ mini p̱ar a’di e mo, dhali aris ’kwani ’baar ka ’deṯe/ ’deṯe/ kun su’k a’di mo tani, dhali arisa waḵ gi ’kwaniny’cesh mini wol ko mo gom gway piti mo. Isi kan si’dayi. Amen.