YOHAAN 15:8 - Uduk New Teatament and OT Portions

⁸ Ki ’kup̱ mii yan kan mo tani Ababam pem karkunu ki ca mo mmodho’thkina um maman kagahara mo, dhali wakan um ki nyo/ mii mo mmota imanciḵ aha/ gwo mo be.

YOHAAN 15:8 Iomraidhean Croise

MAṮṮA 5:16

Dhalki moŋkush bum kushi mo mo wakan mbwambori ’kwani mo, ki uni mini p̱ar miim ’boron bum e mo dhali c̱i monyca ka Babam bum jin di’d e momis mo be.

MAṮṮA 5:44

Hili aha/ ṯora um gwo mo ki: Eni uni gun ta ’kup̱ ki um mo ma dhali ’thoyi gom uni gwansan kun ṯoci um bwa mo.

MAṮṮA 9:8

Ka waambuhany ’kwani p̱arki a’di e mo tani uni ’kokin mo mmoḵo/ is mo dhali uni karkina Arumgimis ki ca mo gom a’di jin c̱iki moshirr e ’kwani kan mo be.

LUUKA 6:35

Hili eni uni gwansan kun ta ’kup̱ ki um mo ma dhali miiyi ki ’bore/ gom uni mo dhali wani to e mo mmo’koki c̱or toŋ kamu/ mmodoḵu/ um ka nyaŋ’ko’d mo, dhali tom bum kun ish ḵumma/ mini eḵa/ eḵ mo dhali um mini ta iya/ gi a’di jin Cayaa/ e ki Ca mo, haali/ a’di mii’d ki mo/en gom uni gwansan kun dar ga nynyc̱a/ mo dhali kun tana ham ’kus ka ham ’kus mo.

YOHAAN 13:35

Gom ’kup̱ mii yansan kan mo tani aris ’kwani ka ris mini mish ki um ta imanciḵ gwom pem mo waḵki/ um enen ka rem ’kup̱ mo be.

YOHAAN 15:5

Aha/ tana cwalman gana/ mo, dhali um a’di itana bi mo. A’diyin jin c̱a’bki’d e aha/ mo dhali aha/ e a’di mo tani a’di be jin dhothi maman kagahara mo, haali/ ki dar gi aha/ mo tani um moli toŋ kamu/ mii mo be.

YOHAAN 8:31

Dhali yan’ko’d Yesus ki o ’Kwani Yahuuda/ gwo mo, uni kun gamki a’di gwo is mo ki: Waḵki/ um mini ṯikir ’ko mo e gwom pem mo tani um ka jiŋ gana/ mini ta imanciḵ aha/ gwo mo be.

KURINṮH̱UUS ’DE/ 10:31

Wakan waḵki/ um ki shwa to mo walla p̱i to mo walla a’diyin jin miina um mo tani miiyi a’di ’baar mo gom monyca ma Arumgimis mo.

KURINṮH̱UUS ’DE/ 6:20

Um yolkunu ki she/ yol jin ’bitha’bi’th mo. Wakan kari Arumgimis ki ca mo e buŋgwar is bum mo.

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

TIITHUS 2:10

walla mmoḵal to ki bwam buni mo, hili mmoṯor a’di jin di’d isi bwaman mo ki a’di jin ta jiŋ gana/ mo, wakan ki eya ris to ’baar mo tani uni mini mii ’taki nyoŋ gwonṯor ma Arumgimis is mo, a’di jin ta’da Manwoṯẖ bana mo be.

TIITHUS 2:5

dhali mmota uni kun mini ḵu’th is ki ’cese/ ’cese/ mo, dhali mmota uni gun mini ga/ gwasa tiya mo, dhali ta imandhu gu’b buni ki ’bore/ mo, dhali ta imanta gi bwaŋkush mo, dhali ta uni kun mini ’dap̱ ’twa/ mo e mo gi ikaṯẖim buni mo, ki gwo ma Arumgimis minu ’taki ’koki waḵ mo be.

BUṮERUS ’DE/ 2:12

Hali miim ’borga/ mo mmonyoŋ is mo e bwaman ’kwani kun ’koki ta ’Kwani Yahuuda/ mo, wakan waḵki/ uni mini ’taki o gwo ap̱o/ um mo me’d imanṯẖu’th to mii mo tani uni mini ’taki p̱ar miim ’borgam bum e mo dhali kara Arumgimis ki ca mo eya tee gi mowoṯẖ mo be.

BUṮERUS ’DE/ 4:11

A’diyin jin oki gwo mo tani me’d a’din ’de/ yin jin baḵki gwoŋḵan ma Arumgimis mo. Dhali a’diyin jin mii to e mo jin miinu to mo tani me’d a’din ’de/ yin jin mii to mo ki mom’bi’th jin thip̱ ma Arumgimisa thip̱ mo. Ki mii gi wakan mo tani eya ris to ’baar mo Arumgimis minu kar ki ca mo eya Yesus Ḵrisṯẖos mo be. E a’di mo tani monyca cila a’di mo dhali mo jin tanu tap̱a mo gom ’pemen ki sule/ dhali ki sule/ ya ye ’ba/ mo. Amen.