YOHAAN 15:5 - Uduk New Teatament and OT Portions

⁵ Aha/ tana cwalman gana/ mo, dhali um a’di itana bi mo. A’diyin jin c̱a’bki’d e aha/ mo dhali aha/ e a’di mo tani a’di be jin dhothi maman kagahara mo, haali/ ki dar gi aha/ mo tani um moli toŋ kamu/ mii mo be.

YOHAAN 15:5 Iomraidhean Croise

MAṮṮA 13:21

hili a’di dara’d ga birman e is piti mo hili a’di di’d ari’ceenne/ mo dhali ki monṯo’c bwa p̱u’dki’d mo walla ki moŋ’kosha ’kosh cuki’d mo gom gway gi gwo mo tani ki jahanne/ a’di biṯki’d mo be.

YOHAAN 12:24

Ka jiŋ gana/, ka jiŋ gana/ aha/ ona um gwo mo ki: Isi ciki/ waḵki/ emen pos diki biṯa ’cesh dhali wu mo tani a’di midi di a’di ’de/ mo. Hili waḵki/ a’di ki wu mo tani a’di midi dho’th maman kagahara mo be.

YOHAAN 15:16

Um ’koki kwany aha/ mo tani hili aha/ ikwanykina um mo dhali dhu um mo ki um mini ’taki ’ko mo dhali dho’th maman mo dhali ki maman bum mini ’taki ’ko mo. Wakan ki ma to yin jin mina um doṯa Baba ki gway pem mo tani a’di midi c̱iki um uni mo be.

YOHAAN 5:19

Dhali Yesus ki thoḵ uni gwo mo ki: Ka jiŋ gana/ ka jiŋ gana/ aha/ ṯora um gwo mo ki: Ya/ moli toŋ kamu/ mii ki bwam piti mo hili jasi a’di jin p̱arkina a’di Com e mo mmomii mo. Haali/ to yin jin miikina a’di mo tani wakan si’da/ Ya/ a’di miiki uni mo be.

YOHAAN 9:33

Waḵki/ wathi/ yansan midi ’taki diki di ’peni Arumgimis mo tani a’di midi ’taki mol toŋ kamu/ mii mo be.

MII GUN MIINU MO 4:12

Dhali mowoṯẖ yisa di’da e wathiŋ kamu/ yisa haali/ gwaya kamu/ yisa di’da i’bame’d momis jin c̱inu ibwaŋ ’kwaniny’cesh ki ana minu mii woṯẖ mo e a’di mo be.

RUUMIYA 12:5

Wakan ana bala wana risa e buŋgwar is ma Ḵrisṯẖos mo dhali ka ’deṯe/ ’deṯe/ mo tani tom buŋgwar is ta anan tiya mo.

RUUMIYA 6:22

Hili shwane/ mmo’cuḵkunu um mo ’peni miinthus mo dhali mmowara um ki c̱iŋkina/ ma Arumgimis mo tani um ta gi maman bum mmodhu gi she/ ki dhelel dhelel mo dhali ’pemen piti ta ji gi moŋ’koki/e ki sule/ ya ye ’ba/ mo.

RUUMIYA 7:4

Dhali ki mii gi wakan si’da/ mo tani iwaḵ pem, um wukin mo gom gwoŋḵan jin c̱inu ki buŋgwar is ma Ḵrisṯẖos mo be. Haali/ a’di wakan mo tani shwane/ um ta uni goma ciŋ kamu/ mo a’di jin ’de’kkunu ’peni mowu ki ana mina dho’th maman goma Arumgimis mo be.

KURINṮH̱UUS ’DE/ 10:16

Aḵubbaaya gi mom’boru mii mo a’di jin ’bora ana a’bor mii mo tani a/a’di diki ta mii jin nyaḵu to bu’th mo goma bas ma Ḵrisṯẖos mo ’taa? Dhali maaŋḵuthu’d jin ’ce’dkina ana mo tani a/a’di diki ta mii jin nyaḵu buŋgwar is ma Ḵrisṯẖos bu’th mo ’taa?

KURINṮH̱UUS ’DE/ 12:12

Haali/ me’d jin ṯala buŋgwar isa ’de/ mo tani dhali tom buŋgwar is ŋala/ wana risa dhali to gi buŋgwar is mo tani bala ’ka’da miiya ma e buŋgwara ’de/ mo tani wakani a’di ta’da Ḵrisṯẖos mo be.

KURINṮH̱UUS ’DE/ 12:27

Shwane/ um ta buŋgwar is ma Ḵrisṯẖos mo dhali umi ’baar mo ta tom buŋgwar is piti ki she/ ki she/ mo be.

KURINṮH̱UUS SU/ 13:8

Haali/ aman mina mol toŋ kamu/ mii ap̱o/ gwoŋ gana/ mo, hili jasi gom gwoŋ gana/ mo be.

KURINṮH̱UUS SU/ 9:10

A’di jin c̱iki’da ḵa’bany to ka mansi to mo dhali tonṯe/ goma manshwa to mo tani a’di midi thip̱a thip̱ mo dhali mara ḵa’bany bum is mo dhali ganan mondhe’d bum jin ta mii ma ḵar/e mo be.

GALATHIYYA 5:22

Hili maman gi Shi/in a’di ta mo/en mo dhali moŋ’kuny bwa mo dhali mo ma ḵu’th is mo dhali mombwa jin ’kuc̱u ki ’kari’th mo dhali mii jin tanu ki bwaŋkush mo, dhali mombwam ’borga/ mo dhali mombwa kun tanu ku isiŋ gana/ mo,

EP̱ASUS 5:9

(haali/ maman ’peni moŋkush mo a’di gamkunu mo eya ris miim ’borga/ mo dhali mii kun tana ḵar/e mo dhali mii gi gwoŋ gana/ mo).

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

P̱ILIBBI 4:13

Aha/ misha aris to ’baar mo mii mo e a’di jin ’bi’thki aha/ is mo be.

P̱ILIBBI 4:17

Yisa mmosimmka/ to jin c̱inu ki me’d e mo yisa, hili aha/ simma maman e mo ki a’di midi mar is mo mmoḵam gom um mo be.

KULUSSI 1:10

mmosusa sus e bway mii kun mini ha me’d gom Tap̱a mo, mmo’tu’d mo ki mii kun mini ’bor a’di bwa i is mo mmoḵal mamana dho’th mo goma ris miim ’borga/ mo dhali mmomara mar is mo ki monyiṯẖa/ Arumgimis mo be.

KULUSSI 1:6

a’di jin p̱u’dki’d e um mo, me’d a’di ka jiŋ gana/ diki’d e mony’ceshi ’baar mo mmodho’thkina a’di maman mo dhali mmo’twaḵkina a’diya ’twaḵ mo – wakan e bwam um ki is bum mo ’pena tee jin ciḵkina um a’di mo dhali mish a’di ’ban mo, a’di jin ta’da ’the ma Arumgimis mo e gwoŋ gana/ mo,

YAKUUB 1:17

Aris tom ’boron gun c̱inu ki me’d mo kun ta kum ’borgaŋ gana/ mo tani uni ’peni momis mo mmothulu/ mo ’pena Baba gi moŋkush mo. E a’di mo tani mo jin aḵuwa aḵ yisa di’da walla ala p̱iyi’d si’da/ ’peni mo jin ṯukuwa ṯu’k mo.

BUṮERUS ’DE/ 2:4

Iiyu/ i a’di mo, a’di jin ta wosh yin jin di ki e mo, a’di jin waḵkina ’kwani mo, hili e jis/e ma Arumgimis mo tani a’di kwanykunu mo dhali a’di ta yintho/ ki yintho/ mo.

BUṮERUS SU/ 3:18

Hili ’bap̱i um mo eya ’the mo dhali e monyiṯẖ Tap̱am bana mo dhali Amanwoṯẖ jin ta’da Yesus Ḵrisṯẖos mo. E a’di mo tani monyca midi di mo ’peni shwane/ mo dhali ntaga tee jin midi di ki sule/ sule/ ya ye ’ba/ mo. Amen.