YOHAAN 15:4 - Uduk New Teatament and OT Portions

⁴ ’Koyi e aha/ mo ma dhali aha/ e um mo. Me’da biny cwa jin moli maman dho’th ki is piti mo isi ciki/ a’di midi mii di e cwalman mo, wakan um si’da/ isi ciki/ um mini ’ko e aha/ mo be.

YOHAAN 15:4 Iomraidhean Croise

MAṮṮA 12:33

Hili kari cwa jin ’boro’d mo dhali maman piti jin ’boro’d mo, walla kari cwa jin shiyi’d mo dhali maman piti jin shiyi’d mo, haali/ cwa mishu ki maman piti mo be.

LUUKA 8:15

Dhali gwo gom uni gun ṯa’kkin mo eya ’cesh kun ’bora’bor mo tani uni ita uni gwansan kun ciḵki gwo mo mmodhu uni ki ’bore/ mo ka duŋ gana/ mo dhali ka dum ’borga/ mo dhali uni ki dho’th maman ki mo jin ’kuc̱u/ bwa mo ki ’kari’th mo be.

YOHAAN 14:20

Ka cim c̱aan tani um mini mish ki aha/ dina eya Babam pem mo dhali um e aha/ mo dhali aha/ e um mo be.

YOHAAN 17:23

Aha/ e uni mo dhali /e e aha/ mo ki uni minu gam is ki gam gana/ mmonṯal ’de/ mo, wakan ki ’kwaniny’cesh mini mish ki /e a’di ihashki aha/ mo dhali /e enki uni mo isi me’dyin jin enkina /e aha/ mo be.

YOHAAN 6:56

A’diyin jin ’ka buŋgwar is pem mo dhali p̱iya bas pem mo tani a’di nyaḵki c̱a’b e aha/ mo dhali aha/ e a’di mo be.

YOHAAN 8:31

Dhali yan’ko’d Yesus ki o ’Kwani Yahuuda/ gwo mo, uni kun gamki a’di gwo is mo ki: Waḵki/ um mini ṯikir ’ko mo e gwom pem mo tani um ka jiŋ gana/ mini ta imanciḵ aha/ gwo mo be.

MII GUN MIINU MO 11:23

jin ’bora bwa mo me’dyin p̱u’da/ a’di mo, dhali a’the ma Arumgimis mishkina a’di mo be. Dhali a’di malaski uni ’baar mo ki gwo mo, ki gwo kun dhuna uni adu mo mina uni ’dim ’kup̱ gom Tap̱a mo.

MII GUN MIINU MO 14:22

mmoṯel bwa gi imanciḵ gwo sho’k mo mmomalas uni ki gwo mo ki uni mini ’ko ki sule/ e moŋgam gwo is mo dhali ki monṯo’c bwa kun mini mii ta aris mo tani ana mina se Bampa/ ma Arumgimis mo be.

KURINṮH̱UUS SU/ 13:5

Nyiṯẖi/ is bum mo ma, mmop̱ar e waḵki/ um shurkin mo e moŋgam gwo is bum mo. Pali is bum mo ma. ’Kona um ki nyiṯẖa ka Yesus Ḵrisṯẖos a’di diki’d e um mo – isi ciki/ ka jiŋ gana/ um ushki me’d mo mmogam mompal ’kup̱ mo be.

GALATHIYYA 2:20

Aha/ nyaḵkunu ’kosh ki cwany’ciṯẖan dhul nyaḵka Ḵrisṯẖos mo. Dhali a’di yisa ta aha/ jin dina ki eya, hili aḴrisṯẖos a’di jin diki’d ki e e aha/ mo. Dhali mondiki/e jin dika/ ki e e buŋgwar is mo shwane/ tani aha/ dina ki e ki moŋgam gwo is mo e Ya/ ma Arumgimis mo, a’di jin enki aha/ mo dhali c̱i is piti mo gom aha/ mo be.

EP̱ASUS 3:17

Dhali ka Ḵrisṯẖos midi ’taki di eya dum bum mo ki moŋgam gwo is mo dhali ki um mmotakina um ka birman mo dhali mo jin ḵa’bu/ mo e mo/en mo

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

KULUSSI 1:23

ba shi/ mii a’dan ’te/ ba/, waḵki/ um mini ṯikir ’ko mo e moŋgam gwo is mo, ki moŋḵa’b mo dhali ṯel sho’k mo, yisa mmoṯi’k mo ’peni mo ma ’teŋ kap̱e/ gi gwom ’borga/ jin ciḵkina um mo, a’di jin c̱ikunu aris ’kwani ’baar mo kun uḵkunu mo e bwaŋ’kwariny momis mo, dhali gom a’di mo tani aha/ jin tana Buulus warkina ka manmii a’di mo be.

KULUSSI 1:27

E uni mo tani Arumgimis ki kar bwa mo mmoṯor eya tente/ mo ka dhan mii kun wani caa e ’kwani kun ’koki ta ’Kwani Yahuuda/ mo ki monyca jin ta pa ki pa mo e gwo yansan jin c̱inu ki jim bag mo, a’di jin ta’da Ḵrisṯẖos jin di’d e um mo, jin ta mo ma ’teŋ kap̱e/ gi monyca mo be.

KULUSSI 2:6

Wakan, me’d jin bu’thkina uma Ḵrisṯẖos jin ta’da Yesus jin ta Tap̱a mo tani wakan ’koyi e a’di mo,

TASALUNIIKI ’DE 3:5

Gom ’kup̱ mii yansan mo ki aha/ mola a’di ’dim ’kup̱ mo naskina/ mo tani aha/ hashkina gwo mo ki aha/ mina ’taki mish moŋgam gwo is bum mo, gom moŋḵo/ is mo ka manpal ’kwani mo gamki bwaya kamu/ mmopal um mo, ki miin tom bam midi ’taki ta jim p̱e’th mo be.

IBRANIYIIN 10:39

Hili ana ’konaki ta uni gwansan kun mini ’dowa ’kany’cesh ka nyaŋ’ko’d mo dhali kun ’ce’du sho’k mo, hili ana tana uni gwansan kun ta gi moŋgam gwo is mo dhali mmodhuwa ḵashiram bana mo be.

YOHAAN ’DE/ 2:6

A’di jin o gwo mo ki a’di c̱a’bki’d e a’di mo tani ḵa ya’d e bwaya ’de/ jin yana a’di mo ba/.

YOHAAN SU/ 1:9

Macin ’de/ jin ya’di ṯwa/a/ mo dhali diki c̱a’b e gwo ma Ḵrisṯẖos mo tani a’di diki ta ga Arumgimis mo. A’di jin c̱a’bki’d e gwo ma Ḵrisṯẖos mo tani a’di ta’d ga Baba mo dhali Ya/ mo be.