YOHAAN 15:2 - Uduk New Teatament and OT Portions

² Arisa bim pem kun daḵ dho’th mo tani uni ’ciṯẖa/ a’di mo mmo’do ka pije/ mo, dhali arisa bi kun dho’th maman mo tani a’di ki thoson mo dhali ’ciṯẖ mo ki uni mini dho’th maman ki nyanye/ mo be.

YOHAAN 15:2 Iomraidhean Croise

GWAY GI IDAWUU’D 92:14

Uni ’kon naskina/ mmodho’th maman ka dhan buni kun tana uni mo. Uni ’tu’du/ mo ki sule/ ki yiman ki is buni mo dhali ishki dhii/ mo

MAṮṮA 13:12

Haali/ e a’diyin jin ta’d gi nyanye/ mo tani minu c̱i a’di ki nyanye/ mo be dhali a’di midi ta gi a’di jin ishki’d ka enthus mo. Dhali hili ’peni a’diyin jin dara’d mo tani hili me’d jin tana a’di gi a’di mo tani minu bu’th ’peni a’di mo be.

MAṮṮA 13:33

A’di ki ṯor uni gwom ’bi’th/eŋ kamu/ mo mmo/o gwo mo ki: Bampa/ gi Momis wana e ka cumaṯ jin ḵal ma ’bom mo dhali kum a’di ’kup̱ mo eya dip̱any jin baru ka uc̱aŋŋi kwara mo ntagi a’di sha’bki’di ’baar mo be.

MAṮṮA 15:13

Dhali a’di thoḵki uni gwo mo mmo/o gwo mo ki: Aris to gun sinu ’baar mo ka ’deṯe/ ’deṯe/ jin din ma Ababam pem e momis ki si mo tani uni minu yu’d mo be.

MAṮṮA 21:19

Dhali a’di yaki’d mo mmoŋap̱a p̱u/ mo jin di’d e shemen bway mo dhali ki a’di yaki’d mo dhali diki gam maman ṯal ’de/ ’peni a’di mo tani hili jasi ’cemen uni ’cena mo be. Dhali a’di ki o a’di gwo mo ki: Maman ’peni /e mo tani minu ’koki piyu/ shush ka pije/ ki sule/ sule/ mo doḵ/e. Dhali ap̱u/ a’di ḵu’thki’d ki jahanne/ mo be.

MAṮṮA 25:29

Haali/ aris uni ka ’deṯe/ ’deṯe/ kun ta gi to mo tani minu c̱i to ki nyanye/ mo dhali uni mini ta gi to kun mini ur ’kup̱ mo. Hili ’peni a’di jin dara’d mo tani hili a’di jin tana a’di mo tani minu bu’th ’peni a’di mo be.

MAṮṮA 3:10

Hili shwane/ athurmany a’di ’thikunu mo eya birman cwa mo. Wakan mo tani aris cwa ’baar mo ka ’deṯe/ ’deṯe/ kun ’koki dho’th maman mo tani uni jep̱kunu ka ’cesh mo dhali minu ṯaki o’d mo be.

MAṮṮA 3:12

Dhali toŋḵar shem piti mmo’dash to mo tani di’di me’d piti mo dhali a’di midi dhelel ja’dam piti mo dhali a’di midi tul emen pos is mo e bwan themes mo, hila ’pi’b mina a’di c̱i’th ki o’d jin midi mol us mo be.

MAṮṮA 7:19

Aris cwa ’baar mo ka ’deṯe/ ’deṯe/ kun ’koki dho’th maman kun ’boron mo tani uni jep̱u ka ’cesh mo dhali ṯaki o’d mo be.

MARKUS 4:20

Hili uni gwansan kun yeḵu mo eya ’cesha ’borga/ mo tani uni ita uni gun ciḵki gwo mo dhali bu’th a’di mo dhali dho’th maman mo, eya tora ’de/ mo tani a’di dhotho’d ki iss ’de/ i’ce’dka ’kume’d mo, dhali eya tora ’de/ mo tani a’di dhotho’d ki iss ’kwanimpa ikwara mo, dhali eya tora kamu/ mo tani a’di dhotho’d ki iss ’kwanimpa imudhe’d mo be.

LUUKA 8:13

Dhali unin tiya kun biṯkin mo e mowosh mo tani uni ita uni gwansan, ki uni ciḵki gwo mo tani bu’th a’di ki bwaŋ ’kunyu’d mo hila/. Hili uni gwansan idar ga birman mo. Uni gam gwo is mo ari’ceenne/ mo dhali ki mo p̱u’dki’d jin paluwa pal mo tani uni ṯa’kkin mo be.

YOHAAN 15:1

Aha/ tana cwalman gana/ mo dhali Ababam pem a’di ta’da manḵor mo be.

YOHAAN 15:16

Um ’koki kwany aha/ mo tani hili aha/ ikwanykina um mo dhali dhu um mo ki um mini ’taki ’ko mo dhali dho’th maman mo dhali ki maman bum mini ’taki ’ko mo. Wakan ki ma to yin jin mina um doṯa Baba ki gway pem mo tani a’di midi c̱iki um uni mo be.

YOHAAN 15:3

Um dhelelkin mo hila/ ki gwo jin ṯorkika/ um mo be.

YOHAAN 15:6

Waḵki/ wathi/ diki c̱a’b e aha/ mo tani a’di biṯu ka pije/ me’da biny cwa mo dhali a’di ki ḵu’th mo dhala binycwa tulkunu is mo mmoṯa’k i o’d mo, dhali o’d ki shwa mo be.

YOHAAN 15:8

Ki ’kup̱ mii yan kan mo tani Ababam pem karkunu ki ca mo mmodho’thkina um maman kagahara mo, dhali wakan um ki nyo/ mii mo mmota imanciḵ aha/ gwo mo be.

YOHAAN 17:12

Ki aha/ dikina uni naskina/ mo tani aha/ dhukina uni ki gway pini mo, uni kun c̱ikina /e aha/ mo. Aha/ jikina uni mo dhali jan ṯal ’deŋ kamu/ ’peni uni yisa thisu e mowa, hili jasi ya/ gi a’di jin daḵu gwo me’d mo, ki Gwo ma Arumgimis jin ’kwarkunu minu thim moyi.

RUUMIYA 11:17

Dhali hili waḵka bin tiya ḵwa/kunu mo tani dhali /e jin tana ale/ ’te/ ’pena seṯuun jin ’kaki is piti ’te/ ḵamkunu mo e embul buni mo tani mmonyaḵ pa ta ki cwa seṯuun ’te/ mo tani

RUUMIYA 11:22

Hili a’di mo ma, mo jin miin ma Arumgimis ki bwaŋkush mo dhali mo jin miinuwa jisa ki ’bi’th ka ḵar/e ’peni Arumgimis mo. Jisaŋ ḵar/e yan ’kup̱ ki uni gwansan kun biṯkin mo, hili Arumgimis midi mii ki bwaŋkush gom /e mo waḵki/ /e mini c̱a’b ki sule/ e mo gi bwaŋkush piti mo. Waḵki/ a’di diki wakan mo tani /e si’da/ minu ’ciṯẖ mo be.

RUUMIYA 8:28

Haali/ ana misha mo ka ris to nyaḵu/ mii ki ’bore/ gom uni gun enena Arumgimis mo, gom uni gun yuḵkunu mo mmomii waki bwam piti mo be.

KURINṮH̱UUS ’DE/ 13:1

Waḵki/ aha/ mina o gwo ki ’twa/ gi ’kwani mo dhali ki ’twa/ gi iman’doyu gwo mo tani ihili aha/ dara gi mo/en mo tani aha/ gwona is ’te/ me’da sahan gurany ’per mo walla me’da sahana shu e mo jin tiri’d ki nyanye/ mo.

TIITHUS 2:14

A’di jin c̱iki is piti mo gom ana mo mmowan ana ’ba/ mo ’peni aris miinthus mo dhali mmodhelel ’kwanim pitiŋ gana/ mo gom is piti mo, uni kun shwana mii anyor ki thiṯẖ mo gom miim ’boron mo be.

IBRANIYIIN 12:15

Mishi gwo ’ban mo ki wathin ṯal ’deŋ kamu/ midi diki ush me’d mo mmobudha ’the ma Arumgimis mo, dhali dar gi mo ma birman jin ḵa/aḵa/ mo mmo’ka ale/ mo dhali raḵ monṯo’c bwa mo dhali ki a’di mo tani aris ’kwani ka ris warkin ki uni kun shi/u is mo be,

YOHAAN ’DE/ 2:19

Uni iikin ka pije/ ’peni ana mo hili uni ’koki ’ko ’peni ana mo haali/ waḵki/ uni mini ’taki ta kum bana mo tani uni mini ’taki rash ’ko e ana mo. Hili uni iikin ka pije/ mo ki a’di minu ṯor eya tente/ mo ki uni ’baar mo ’koki ’ko ’peni ana mo be.

GWO JIN ’CEENU MO 3:19

Uni gwansan kun enka/ mo tani aha/ ṯo’kkina uni mo dhali aha/ dorkina uni mo. Wakan shwayi miiya nyor mo ki thiṯẖ mo dhali rici /e adu is mo.