YOHAAN 15:16 - Uduk New Teatament and OT Portions

¹⁶ Um ’koki kwany aha/ mo tani hili aha/ ikwanykina um mo dhali dhu um mo ki um mini ’taki ’ko mo dhali dho’th maman mo dhali ki maman bum mini ’taki ’ko mo. Wakan ki ma to yin jin mina um doṯa Baba ki gway pem mo tani a’di midi c̱iki um uni mo be.

YOHAAN 15:16 Iomraidhean Croise

ṮAKWIIN 18:18

Haali/ Ibrahiim midi war mo ki kal gi ’kwaniny’cesh jin caaca mo dhali jin eḵa/ eḵ mo dhali e a’di mo tani aris kal gi ’kwaniny’ceshi ’baar mo minu ’bor mii mo be.

GWAY GI IDAWUU’D 145:4

Anyaḵum yil gi ’kwanin ’deŋ kamu/ mini maŋ miim pini ka nyaḵum ’kwani yilan tiya mo, dhali uni mini bah dhan mii ma dem dem pini jin ḵala /e ki mii mo.

GWAY GI IDAWUU’D 71:18

Wakan, isi kani, e mo jin canu ki yil mo dhali mo jin ’kan ma wuu ’kwani mo ayy Arumgimis, dhalku/ ki dhal aha/ ’pen mo, ntagi aha/ mina bah mo ma dem dem pini mo eya risa nyaḵum yil gi ’kwani kun mini p̱u’du/ mo.

MAṮṮA 21:22

Dhali ma to yin jin mina umi doṯ ki mon’tho mo tani um mini bu’th a’di mo waḵki/ um ta gi moŋgam gwo is mo be.

MAṮṮA 7:7

Doṯi to mo ma dhali a’di minu c̱iki um mo be. Simmi mii e mo ma dhali um mini gam a’di mo be. Nagkani anagkan ki me’d mo ma dhali a’di minu ḵa’d ki um mo be.

LUUKA 6:13

Dhali ki mo ta montee mo tani a’di yuḵki imanciḵ a’di gwo mo dhali kwany uni ’peni bwam uniŋ ’kume’d i’ce’dka su/ mo uni gun yuḵkina a’di gway ki uni gun dhunu ki she/ mo:

YOHAAN 13:18

Aha/ dinaki ṯor gwo gom umi ’baar mo. Aha/ misha uni gun kwanyka/ mo, a’di jin mina Gwo ma Arumgimis jin ’kwarkunu mo ki a’di minu thim moyi ki: A’di jin shwaki maam pem a’di ’de’kki ’penaṯiŋkilan sho’k piti ap̱o/ aha/ mo.

YOHAAN 15:19

Waḵki/ um mini ’taki ta ku gi ’kwaniny’cesh mo tani ’kwaniny’cesh mini ’taki ena en gom kum buni mo, hili haali/ um ’koki ta ku gi ’kwaniny’cesh mo haali/ aha/ kwanykina um mo ’peni ’kwaniny’cesh mo tani a’di ishi/kina ’kwaniny’cesh umi e kan mo be.

YOHAAN 15:5

Aha/ tana cwalman gana/ mo, dhali um a’di itana bi mo. A’diyin jin c̱a’bki’d e aha/ mo dhali aha/ e a’di mo tani a’di be jin dhothi maman kagahara mo, haali/ ki dar gi aha/ mo tani um moli toŋ kamu/ mii mo be.

YOHAAN 6:70

Dhala Yesus ki thoḵ uni gwo mo ki: Dika/ ki kwany umi ’kume’d i’ce’dka su/ mo dhali jan ṯal ’deŋ kamu/ ’peni bwam um mo tani ta tap̱a ma ruma ’cesh mowa?

MII GUN MIINU MO 1:24

Dhali uni ’thon mo dhali o gwo mo ki: /En Tap̱a jin mishki’da duŋ ’kwani ’baar mo tani ṯori ’peni bwam uni su/ mo a’din ṯal ’de/ jin kwanykina /e mo

MII GUN MIINU MO 1:8

Hili um mini bu’th mom’bi’th gi Shi/in Dheleladhelel jin midi yayu/ ap̱o/ um mo dhali um mini ta iman/o gwom pem e Pa Urushaliim mo dhali e Bampa/ gi Pa Yahuudiyya ’baar mo dhali e Pan Saamira mo dhali ntagi mo e mony’cesh jin di’d isa dhana/ nnii mo be.

MII GUN MIINU MO 10:41

yisa ka ris ’kwani ’baar yisa, hili ki iman/o gwo kun laḵ ma Arumgimis ’thissa/ kun ta aman kun nyaḵ to shwa ki a’di mo dhali mmonyaḵ to p̱i ki a’di mo ’ko’di a’di piki’d ’peni mowu mo be.

MII GUN MIINU MO 22:14

Dhali a’di o’d ka Arumgimis gi ibabam bana iski /e mo mmomish bwam piti mo dhali mmop̱ar mo ma ḵar/e gi jan ’de/ e mo dhali mmociḵ cuuwa/ ’peni ’twam piti mo be.

MII GUN MIINU MO 9:15

Hili Tap̱a o a’di gwo mo ki: Yayi i bway pini mo ma haali/ a’di ta toŋ’kul bwa jin kwanyka/ gom aha/ mo mmoḵal gway pem ibwambori ’kwanin tiya kun ’koki ta ’Kwani Yahuuda/ mo dhali imaliḵ si’da/ mo dhali uc̱i ma Israyiil mo be.

RUUMIYA 1:13

Dhali shwane/ aha/ yisa mina dhal um mmota p̱us mo yisa, iwaḵ pem, haali/ aha/ dina gwo mbwa me’d ka ris mo mmoyaku/ i um mo (dhali hili aha/ nonkunu ’kup̱ mo be) ki aha/ mina nyaḵ maman gana/ dho’th e um mo si’da/ me’d e unin tiya kun ’kokin mo e bwaŋ ’kwani kun ’koki ta ’Kwani Yahuuda/ mo be.

RUUMIYA 1:5

Dhali ki a’di mo tani am bu’thkina ’the mo dhali am takina imandhunu ki she/ mo imonṯal ’de/ mo e mmoha gwom piti e mo ki moŋgam gwo is mo em bwaman kal gi ’kwani e mony’ceshi ’baar mo gom gway piti mo be.

RUUMIYA 15:4

Haali/ me’d gwo yin jin ’kwarkunu kadhamo/ mo ka tee yin mo tani ’kwarkunu mo mmoye’th ana gwo sho’k mo mmoṯela ṯel sho’k mo dhali mmoroc̱a roc̱ mo gom Gwo ma Arumgimis kun ’kwarkunu mo tani ana mina ta gi mo ma ’teŋ kap̱e/ mo be.

RUUMIYA 9:21

Aman/uḵa je dina a’di ki ta gi ’bi’th ap̱owa je mmo/uḵ ’pena jeŋ gabula ’de/ yan toŋ’kul bwaŋ kamu/ ki jaro/ mo dhali jaŋ kamu/ jin dinu ki ga/ to mmomiiya?

KURINṮH̱UUS ’DE/ 10:11

Dhali mii gwansan miiki uni mo mmota to kun rumu uni mo. Hili uni ’kwarkunu mo gom mo jin minu ye’th sho’k bana mo, ap̱o/ ana kun ’kona ki she/ yil yan jin midi di ’kup̱ jin midi p̱u’du/ mo be.

GALATHIYYA 1:15

Hili ki a’di jin karki aha/ ki she/ mo nṯwa/a/ ki aha/ dinuki dho’th mo dhali yuḵ aha/ mo goma ’them piti mo tani,

EP̱ASUS 2:10

Haali/ ana tana kuma ṯu’c piti mo kun uḵkunu mo eya Ḵrisṯẖos jin ta’da Yesus mo gom mii ma ṯuca ’borga/ mo, uni gun thosonkin ma Arumgimis nṯwa/a/ mo ki ana mina ’taki ii e uni mo be.

KULUSSI 1:23

ba shi/ mii a’dan ’te/ ba/, waḵki/ um mini ṯikir ’ko mo e moŋgam gwo is mo, ki moŋḵa’b mo dhali ṯel sho’k mo, yisa mmoṯi’k mo ’peni mo ma ’teŋ kap̱e/ gi gwom ’borga/ jin ciḵkina um mo, a’di jin c̱ikunu aris ’kwani ’baar mo kun uḵkunu mo e bwaŋ’kwariny momis mo, dhali gom a’di mo tani aha/ jin tana Buulus warkina ka manmii a’di mo be.

KULUSSI 1:6

a’di jin p̱u’dki’d e um mo, me’d a’di ka jiŋ gana/ diki’d e mony’ceshi ’baar mo mmodho’thkina a’di maman mo dhali mmo’twaḵkina a’diya ’twaḵ mo – wakan e bwam um ki is bum mo ’pena tee jin ciḵkina um a’di mo dhali mish a’di ’ban mo, a’di jin ta’da ’the ma Arumgimis mo e gwoŋ gana/ mo,

ṮIMUṮH̱AWUUS ’DE/ 2:7

Gom a’di yan mo tani aha/ karkunu ’pen ka pije/ mo mmota amanc̱i gwo mo dhali mmota a’di jin karu ki she/ mo (Aha/ ṯora gwo ki ṯor gana/ mo. Aha/ dinaki ta aṯor mo). Aha/ tana amanṯor ’kwani kun ’koki ta ’Kwani Yahuuda/ gwo mo e moŋgam gwo is mo dhali e gwoŋ gana/ mo be.

ṮIMUṮH̱AWUUS SU/ 1:11

Haali/ gom gwom ’borga/ yansan mo tani aha/ karkunu ’pen ka pije/ mo mmota amanc̱i gwo mo dhali ta a’di jin karu ki she/ mo dhali ta a’di jin ta’da manṯor gwo mo.

ṮIMUṮH̱AWUUS SU/ 2:2

dhali a’di jin ciḵkina /e ’peni aha/ nṯwa/a/ mo ka ma’diny iman/o gwo mo tani c̱iki uni ’kwani kun ta ku isiŋ gana/ mo mmodhu mo, uni kun mini mish tiyan tiya gwo ṯor si’da/ mo be.

TIITHUS 1:5

Gwo a’dihe/ be jin dhalkika/ /e mo e Paŋ Kariiṯ mo, ki /e mini ’taki thoson ki ’bore/ mo to kun aṯẖkin mo dhali dhu jwahaŋ ’kwani ’pen ka pije/ mo eya ris ’peŋkuman bampa/ ka ’deṯe/ ’deṯe/ mo, me’d gwo jin c̱ikika/ /e ka ḵarambuye/ mo,

IBRANIYIIN 11:4

Ki moŋgam gwo is mo tani aHabiil a’di miiki’da Arumgimisa bas mo jin mishu bu’th mo mmobol ji ma Kayiin e mo ki mii jin bu’thkina a’di mo jin nyo/uwa nyo/ mo me’d wathiŋ ḵar/e mo. Haali/ Arumgimis ḵalki gwo o mo gom tom piti jin c̱ina a’di ki me’d mo jin bu’thkunu mo. A’di wuki’d mo, hili ki moŋgam gwo is piti mo tani a’di di’d ki e mo naskina/ mmo/o gwo mo be.

YAKUUB 3:18

Dhali maman gi mo ma ḵar/e mo tani a’di sinu ki moŋḵu’th is mo ki uni gwansan kun dhukina dhu ki moŋḵu’th is mo be.

BUṮERUS ’DE/ 3:15

hili eya dum bum mo tani tuḵi aḴrisṯẖos me’d Tap̱a mo. Isa yempa/ mo tani um mini thoson is mo mmota iman’ce’d gwo she/ mo gom ma gom ’kwani gunn kun yuḵki um mo mmoc̱i gwo goma ’teŋ kap̱e/ jin di’d e um mo, hili miiyi a’di ka du jin ’thup̱u e mo dhali ka tuḵ jin tuḵu/ mo.

BUṮERUS ’DE/ 3:2

ki uni mini p̱ar miim bum jin ṯuka uma ṯu’k is e mo dhali miin dhelelga/ mo gom mii kun nyoŋuwa nyoŋ mo.

YOHAAN ’DE/ 4:10

Dhali mo/en a’dan be, yisa mmo/enkina ana Arumgimis mo hili mmo/enkina a’di ana mo dhali mmohashkina a’di Ya/m piti mo mmota mo jin gwamuwa gwam mo gom miinthus bana mo be.

YOHAAN ’DE/ 4:19

Ana ena en mo haali/ a’di nṯwa/a/ enki ana mo be.