YOHAAN 15:12 - Uduk New Teatament and OT Portions

¹² Gwo yansan a’di ta gwoŋḵan pem jin ’kwarkunu mo ki um mini en ka rem ’kup̱ mo me’d jin enkika/ um mo be.

YOHAAN 15:12 Iomraidhean Croise

YOHAAN 13:34

Gwoŋḵan jin ta jin this jin ’kwarkunu mo tani a’di c̱ikika/ um mo ki um mini en ka rem ’kup̱ mo, isi me’d jin enka/ um moyi, ki um si’da/ mini en ka rem ’kup̱ mo be.

YOHAAN 15:17

Gwo yansan ḵankika/ um mo ki um mini en ka rem ’kup̱ mo be.

RUUMIYA 12:10

Eni ka rem ’kup̱ mo mmota ikam gana/ mo dhali tayi ashu/um bway mo mmotaḵa taḵ ka rem ’kup̱ mo mmoṯor montaḵ mo.

EP̱ASUS 5:2

Dhali iiyi e mo/en mo me’da Ḵrisṯẖos enki ana mo dhali c̱i is pitiŋ gana/ mo gom ana mo mmota to jin ḵuyaḵuy mo jin c̱inu mo dhali jin ’ciṯẖu/ ’kus mo goma Arumgimis mo.

TASALUNIIKI ’DE 3:12

dhali dhalki Tap̱a a’di dhu um mmomar mo/en is mo ka rem ’kup̱ mo dhali c̱i um mo/en jin ishki’d ka enthus ka rem ’kup̱ mo, dhali goma ris ’kwani ’baar mo, me’d mii jin miikina aman mo gom um mo.

TASALUNIIKI ’DE 4:9

Hili isi gwo gom mo/eni e mo iwaḵ mo um yisa mini mii ta gi jan ’deŋ kamu/ jin midi ’kwar um to mo, haali/ um ki is bum ṯorkunu gwo ka Arumgimis mo ki um mini ena en ka rem ’kup̱ mo

TASALUNIIKI SU/ 1:3

Am ḵara ba/ mina c̱i mo jin ’boruwa Arumgimis bwa i is mo isa yempa/ mo gom um mo iwaḵ mo, me’d jin gama a’di ki gam mo, haali/ moŋgam gwo is bum ’twaḵki’d ka enthus mo dhali mo/en bum ka ’deṯe/ ’deṯe/ mo gom mo/en jin ena um ka rem ’kup̱ mo a’di markunu is mo be.

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

BUṮERUS ’DE/ 3:8

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo.

BUṮERUS ’DE/ 4:8

Ap̱owa ris mii gwansani ’baar mo tani buthi/ mii ki ri’d mo mmo/ena en ka rem ’kup̱ mo jin diki ush me’d mo, haali/ mo/en a’di kumki’da ris miinthus kun dhukunu ka maḵamp̱o/ ’twa/a ’cesh mo.

YOHAAN ’DE/ 3:23

Dhali yan ta gwoŋḵan piti jin ’kwarkunu mo ki ana mina gam gway gi Ya/ is mo jin ta’da Yesus Ḵrisṯẖos mo dhali mmo/en ka rem ’kup̱ mo me’d jin ḵankina a’di ana gwo mo be.

YOHAAN ’DE/ 4:21

Dhali gwoŋḵan jin ’kwaru a’dan be jin takina ana ’peni a’di mo, ki a’di jin enki’da Arumgimis mo tani midi mii ena kam piti si’da/ mo be.

YOHAAN SU/ 1:5

Dhali shwane/ aha/ yuḵa /e jin tana yim mo, yisa me’d jin miga/ ’taki ’kwarki /e gwoŋḵan jin ’kwarkunu jin ta jin this mo, hili a’din ’de/ jin takina ana ’peni ka muŋ’kup̱ mo, ki ana mina en ka rem ’kup̱ mo be.