YOHAAN 15:11 - Uduk New Teatament and OT Portions

¹¹ To gwansan ṯorkika/ um mo ki moŋ’kuny bwam pem midi di e um mo dhali ki bwaŋ ’kunygam bum minu ’tu’d mo be.

YOHAAN 15:11 Iomraidhean Croise

LUUKA 15:23

Dhali guyu/ ara morbip̱ mo jin ’thiḵa’thiḵ mo dhali ’kosh a’di mo dhali dhalki ana ’kana a’di mo dhali ’bor bwa mo.

LUUKA 15:32

A’di ha me’d ki haŋ gana/ mo mmo’bor bwa mo dhali mmo’kuny bwa mo goma kam pini yansan jin wuki’d mo dhali a’di di’d ki e mo, a’di jin thiskunu e mo dhali a’di gamkunu mo be.

LUUKA 15:5

Dhali ki a’di gamki a’di mo tani a’di ki kar a’di mo e ’kup̱a bim piti mo dhali ’kuny bwa mo be.

LUUKA 15:9

Dhali ka yim gamki a’di mo tani ayim ki yuḵ iyim piti mo dhali imannyaḵ ’kom piti mo mmonṯal ’de/ mo mmo/o gwo mo ki: ’Kunyi bwa mo ma, nyaḵki aha/ mo, haali/ aha/ gamkina emena guurush pem jin thiskika/ e mo be.

YOHAAN 16:24

Ntagi shwanesan mo tani um ’koki doṯ toŋ kamu/ ki gway pem mo. Doṯi mo ma dhali um mini bu’th to mo ki moŋ’kuny bwam bum minu ’tu’d mo be.

YOHAAN 16:33

Aha/ okina gwo yansan e um mo ki e aha/ mo tani um mini ta gi moŋḵu’th is mo. E mony’cesh yan mo tani um mini gam monṯo’c bwa mo, hili roc̱i shoka ’cesh ’te/ ma, haali/ aha/ p̱ikina mony’cesh yansan e ki mii mo be.

YOHAAN 17:13

Hili shwane/ aha/ yakina iya i /e mo, dhali gwo gwansan ṯorkika/ ’kwaniny’cesh mo ki uni mina bwa ’kuny mo mmo’tu’d uni ki is buni mo.

YOHAAN 3:29

A’diyin jin ta gi nyaranyaŋa’b mo tani a’di ta wathinyaŋa’b mo, dhali amugu gi wathinyaŋa’b jin doshki’d mo dhali ciḵ a’di ’twa/ mo tani a’di ’kunya bwa ki ’kuny kagahara mo mmociḵ ’twa/ gi wathinyaŋa’b mo. Dhali wakan si’dayi a’di ’kunyka/ bwa ki ’kuny mo shwane/ jin ta bwaŋ ’kunyu’d pem mo.

RUUMIYA 15:13

Dhalka Arumgimis jin ta ji gi mo ma ’teŋ kap̱e/ ’tu’d um ka ris bwaŋ ’kunyga/ dhali moŋḵu’th is e moŋgam gwo is mo, wakan ki mom’bi’th gi Shi/in Dheleladhelel ki um mini ish ka enthus e mo ma ’teŋ kap̱e/ mo be.

KURINṮH̱UUS SU/ 1:24

Yisa mmomiina aman miin tap̱a ap̱o/ moŋgam gwo is bum mo yisa. Aman miikina aṯu’c nyaḵki um mo gom bwaŋ ’kunygam bum mo haali/ um doshkin mo mmoṯel sho’k mo e moŋgam gwo is bum mo be.

EP̱ASUS 5:18

Dhali dhalku/ ki ta uni kun ’kosh ma su mo, gom mii ma dhor piti mo. Hili ’tu’di mo ki Shi/in mo

P̱ILIBBI 1:25

Dhali mmomishga/ yan ki isa duŋ gana/ mo tani aha/ misha ki aha/ mina di mo dhali rash c̱a’b mo e umi ’baar mo gom moŋḵal iim bum mo dhali bwaŋ’kunygam bum mo e moŋgam gwo is mo.

TASALUNIIKI ’DE 5:16

’Kunyi bwa mo isa yempa/ mo.

BUṮERUS ’DE/ 1:8

Ki dar gi mmop̱ar a’di e mo tani um enki a’di mo. Ba um bala kun ’koki p̱ar a’di e mo shwane/ mo tani um gamki gwo is e a’di mo dhali ’kunykina bwa mo ki gwo jin molu bah mo dhali jin eḵa/ eḵ mo.

YOHAAN ’DE/ 1:4

Dhali to gwansan ’kwarkina aman mo, ki moŋ’kuny bwam bana minu thim mo be.

YOHAAN SU/ 1:12

Ba aha/ tana gi gwo ka ris mmo’kwarki um mo tani aha/ ona bwa yisa mmo’kwarki um to ka galama risha mo, hili aha/ ṯosha mmop̱ar um e ki ’dishe/ mo dhali mmoṯora ṯor ki um ka ḵarambuye/ mo, wakan ki mom’bor bwam bana minu thim mo be.