YOHAAN 15:10 - Uduk New Teatament and OT Portions

¹⁰ Waḵki/ um dhu gwoŋḵan pem kun ’kwarkunu mo tani um mini ’ko e mo/en pem mo, me’d jin dhukika/ gwoŋḵan ma Babam pem mo kun ’kwarkunu mo dhali c̱a’b e mo/en piti mo be.

YOHAAN 15:10 Iomraidhean Croise

Mmo/ii ka Pije/ mo 7:6

AMusa dhala Haruun uni miikin kan mo me’d isi ji gi ḵankina TAP̱A uni gwo mo be.

YOHAAN 10:18

Wathin ṯal deŋ kamu/ yisa di’da jin midi bu’th a’di ’peni aha/ mo, hili aha/ karkina a’diya ’cesh ki bwam pem gana/ mo. Aha/ tana gi mom’bi’th mo mmokar a’diya ’cesh mo dhali aha/ tana gi mom’bi’th mo mmobu’th a’di doḵ/e mo be. Gwoŋḵan yan bu’thkika/ ’pena Babam pem mo be.

YOHAAN 12:49

Haali/ aha/ dinaki o gwo ’peni moshirr pem gana/ mo. Ababa jin hashki aha/ mo tani a’di ki is piti c̱iki aha/ gwoŋḵan jin ’kwarkunu mo gom gwo jin miga/ i/o mo dhali gwo jin miga/ iṯor mo.

YOHAAN 14:15

Waḵki/ um eni aha/ mo tani um mini dhu gwoŋḵan pem kun ’kwarkunu mo be.

YOHAAN 14:21

A’di jin ta gi gwoŋḵan pem kun ’kwarkunu mo dhali jin dhu uni mo tani a’di be ita ji gi eni aha/ mo be. Dhali a’di jin eni aha/ mo tani a’di min ma Babam pemi en mo dhali aha/ mina en a’di mo dhali ṯor a’di is pem i e eya tente/ mo be.

YOHAAN 14:23

Yesus ki thoḵ a’di gwo mo ki: Waḵki/ wathi/ midi en aha/ mo tani a’di midi dhu gwom pem mo, dhali Ababam pem midi en a’di mo, dhali aman mina iiyu/ mo i a’di mo dhali mii moŋ’kom bam nyaḵki a’di mo be.

YOHAAN 14:31

Hili aha/ miikina to me’d jin ḵankin ma Baba aha/ gwo mo, wakan ki ’kwaniny’cesh mini ’taki nyiṯẖ ki aha/ ena Ababam pem mo. Cuyi mis mo. Dhalki ana iina imun mo.

YOHAAN 17:4

Aha/ karkina /e ki ca mo e mony’cesh yansan mmothimkika/ aṯu’c jin c̱ikina /e aha/ mmomii mo be.

YOHAAN 4:34

Yesus ki thoḵ uni gwo mo ki: Tonṯem pem jin shwaka/ mo tani ta bwa gi a’di jin hashki aha/ mo dhali mmothima ṯu’c piti mo be.

YOHAAN 8:29

Dhali a’di jin hashki aha/ mo tani a’di di’d e aha/ mo. A’di diki dhal aha/ ’pen mo haali/ aha/ miina to isa yempa/ kun ’borki a’di bwa mo be.

YOHAAN 8:55

Hili um ’koki mish a’di mo. Aha/ misha a’di mo be. Waḵki/ aha/ ona gwo ki aha/ mola a’di mo tani aha/ mina ’taki ta aṯor me’d um mo, hili aha/ misha a’di mo dhali aha/ dhuna gwom piti mo be.

KURINṮH̱UUS ’DE/ 7:19

Haali/ mo ma munyjal yis jin ’ciṯẖu/ mo tani walla mo ma munyjal yis jin dinuki ’ciṯẖ mo tani mii toŋ kamu/ yisa, hili mmodhu gwoŋḵan ma Arumgimis kun ’kwarkunu mo be.

TASALUNIIKI ’DE 4:1

Ḵwalany ’te/ ba/ iwaḵa, aman yuḵkina um mo dhali malas um mo e Tap̱a Yesus mo ki um me’d jin da/arkina um gwo mo ’peni aman mo gom gwo jin mina um ḵa ’ko mo ba/ dhali ’bora Arumgimis bwa mo jasi me’d mii jin miikina um mo tani miiyi wakan ki nyanye/ mo dhali ki nyanye/ mo.

IBRANIYIIN 7:26

Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.

BUṮERUS SU/ 2:21

Haali/ a’di midi ’taki ’bor ki isi ’bor gana/ mo gom uni mo ki uni mini ’taki ’koki mish bwaya ḵar/e yansan ki sule/ sule/ mo dhali ’ko’di uni mmomishkina uni a’di mo tani uni ki ṯu’k ka nyaŋ’ko’d ’peni gwoŋḵan jin ḵogu mo jin c̱ikunu uni mo.

YOHAAN ’DE/ 2:3

Dhali gom a’di yan kan mo tani ana mina mish mo mo ki ana misha a’di mo waḵki/ ana dhuna gwoŋḵan piti kun ’kwarkunu mo be.

YOHAAN ’DE/ 2:5

Hili a’diyin jin dhu gwom piti mo tani e a’di mo ka jiŋ gana/ mo/en goma Arumgimis thimu ki ’bore/ mo be. Ki a’di gi wakan mo tani ana mina mish mo mo ki ana ’kona e a’di mo be.

YOHAAN ’DE/ 2:6

A’di jin o gwo mo ki a’di c̱a’bki’d e a’di mo tani ḵa ya’d e bwaya ’de/ jin yana a’di mo ba/.

YOHAAN ’DE/ 5:3

Haali/ mo/en ma Arumgimis a’dan be ki ana mina dhu gwoŋḵan piti kun ’kwarkunu mo. Gwoŋḵan piti kun ’kwarkunu mo diki ta ton diṯi’d mo.

GWO JIN ’CEENU MO 22:14

Mom’bor mii gom uni gwansan kun wuski burrinyen tur buni mo dhali kun mii gwoŋḵan piti mo, ki uni mini ta gi moshirr mo gom cwa gi mondiki/e mo, dhali ki uni mini ’taki cic̱ ’peŋkuman bampa/ ki ’twaŋkal ma goŋ mo be.