YOHAAN 15:1 - Uduk New Teatament and OT Portions

¹ Aha/ tana cwalman gana/ mo dhali Ababam pem a’di ta’da manḵor mo be.

YOHAAN 15:1 Iomraidhean Croise

MAṮṮA 15:13

Dhali a’di thoḵki uni gwo mo mmo/o gwo mo ki: Aris to gun sinu ’baar mo ka ’deṯe/ ’deṯe/ jin din ma Ababam pem e momis ki si mo tani uni minu yu’d mo be.

MAṮṮA 20:1

Haali/ Bampa/ gi Momis a’di wana e ki wathi/ jin cila gu’b mo, a’di jin ya’d mo mon’thamo/ ka’tum mo mmoŋap̱ imanmiiya ṯu’c mo gom bwaman monsinum piti mo be.

MAṮṮA 21:33

Ciḵi gwom ’bi’th/eŋ kamu/ mo. Wathi/ jin cila gu’b mo di’d mo a’di jin thosonki mo mo e monsinu mo dhali a’di ki nyaŋa goŋ mmo’kam a’di is mo. Dhali a’di ki c̱wany mo mo mmonyu/a mura’th nycine/ mo dhali a’di ki nyaŋ gu’ba turga/ mo dhali a’di ki dhal a’di e uni gun miina ṯu’c mo dhali a’di ki ya bampa/ jin si’dasi’d mo be.

MARKUS 12:1

Dhali a’di ṯelki mii ’pen mo mmoṯor uni gwo mo ki gwom ’bi’th/e mo mmo/o gwo mo ki: Wathi/ diki’d mo jin siki’da mura’th mo dhali a’di ki nyaŋa goŋ mo mmo’kam a’di is mo dhali a’di ki c̱wany jis gom yimana mura’th mo dhali a’di ki nyaŋ ’kuḵuma/ isi mis mo, dhali a’di ki dhal a’di e imanmii to ka guurush mo dhali a’di ki ya bampaŋ kamu/ jin si’dasi’d mo be.

LUUKA 13:6

Dhali a’di ki ṯor gwo gi gwom ’bi’th/e yan gom uni mo ki: Wathi/ jin ta’d gi cwamp̱u/ jin sikina a’di e bwaagoŋ piti mo dhali a’di p̱u’dki’d mo mmoŋap̱ maman ’peni a’di mo tani dhali a’di diki gam jan ’deŋ kamu/ mo be.

YOHAAN 1:17

Haali/ gwoŋḵan jin c̱inu mo tani a’di c̱ikunu ka Musa mo. Hili a’the dhali gwoŋ gana/ p̱u’dkin ’pena Yesus Ḵrisṯẖos mo be.

YOHAAN 1:9

Dhali moŋkush gana/ a’di diki’d mmoyayu/ i ’kwaniny’cesh mo be, a’di jin ta moŋkush gana/ mmokusha ris ’kwaniny’ceshi ’baar mo ka ’deṯe/ ’deṯe/ mo be.

YOHAAN 15:2

Arisa bim pem kun daḵ dho’th mo tani uni ’ciṯẖa/ a’di mo mmo’do ka pije/ mo, dhali arisa bi kun dho’th maman mo tani a’di ki thoson mo dhali ’ciṯẖ mo ki uni mini dho’th maman ki nyanye/ mo be.

YOHAAN 6:32

Dhali yan’ko’d Yesus ki o uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: AMusa, yisa a’di ic̱iki um maa yan ’peni momis yisa. Ababam pem a’di c̱iki um maaŋ gana/ yan ’peni momis mo be.

YOHAAN 6:55

Haali/ buŋgwar is pem a’di ta tonṯeŋ gana/ mo be dhali abas pem a’di ta to jin minu p̱i jin ta jiŋ gana/ mo be.

RUUMIYA 11:17

Dhali hili waḵka bin tiya ḵwa/kunu mo tani dhali /e jin tana ale/ ’te/ ’pena seṯuun jin ’kaki is piti ’te/ ḵamkunu mo e embul buni mo tani mmonyaḵ pa ta ki cwa seṯuun ’te/ mo tani

KURINṮH̱UUS ’DE/ 3:9

Haali/ ana tana ci kun nyaḵ to mii goma Arumgimis mo be. Um ta mondhe’d ma Arumgimis mo, mo jin nyaŋ ma Arumgimis mo be.

YOHAAN ’DE/ 2:8

Doḵ/e aha/ ’kwarkina um gwoŋḵan jin ta jin this jin ’kwarkunu mo, a’di jin ta jiŋ gana/ e a’di mo dhali e um mo, haali/ mondhurumi’d peki’d mo dhali moŋkush gana/ a’di ’twaḵki mo mo hila/ mo be.