YOHAAN 14:6 - Uduk New Teatament and OT Portions

⁶ Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 14:6 Iomraidhean Croise

MAṮṮA 11:27

Aris to ’baar mo c̱ikunu aha/ mo ka Ababam pem mo dhali jan ’deŋ kamu/ yisa di’da jin mishki Ya/ mo hili isi ciki/ Ababa mo, dhali jan ’deŋ kamu/ yisa di’da jin mishki’da Ababa mo hili isi ciki/ a’di jin ta Ya/ mo dhali ma a’din ’de/ yin jin mina Ya/ ikwany mo tani mina a’di iṯor eya tente/ mo be.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:17

Haali/ gwoŋḵan jin c̱inu mo tani a’di c̱ikunu ka Musa mo. Hili a’the dhali gwoŋ gana/ p̱u’dkin ’pena Yesus Ḵrisṯẖos mo be.

YOHAAN 1:4

E a’di mo tani mondiki/e diki’d mo dhali mondiki/e a’di ta moŋkush gi ’kwani mo be.

YOHAAN 10:28

Dhali aha/ c̱ina uni moŋ’koki/e ki sule/ ya ye ’ba/ mo be. Dhali uni mini ’koki ’ce’d sho’k ki sule/ mo. Dhali wathin ṯal ’deŋ kamu/ midi diki sul uni mo ’peni me’d pem mo be.

YOHAAN 10:7

Wakan Yesus ki o uni gwo doḵ/e mo ki: Aha/ ṯora um gwo mo ki: Aha/ tana ’twaŋkal gom ḵa’bal mo be.

YOHAAN 10:9

Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.

YOHAAN 14:19

Shini naskina/ dhali ’kwaniny’cesh mini ’koki p̱ar aha/ e doḵ/e mo. Hili um mishki aha/ mo. Haali/ aha/ dina ki e mo tani um si’da/ mini ’ko ki e mo be.

YOHAAN 15:1

Aha/ tana cwalman gana/ mo dhali Ababam pem a’di ta’da manḵor mo be.

YOHAAN 18:37

Bilaaṯus ki thoḵ a’di gwo mo ki: Ba /e be itana maliḵ mo ’te/ ise be. Yesus ki thoḵ gwo mo ki: /E be i/on ki aha/ tana amaliḵ mo be. Haali/ gom ’kup̱ mii yan mo tani aha/ dho’thkunu mo dhali gom ’kup̱ mii yan mo tani aha/ p̱u’dkina e ’kwaniny’cesh mo mmoṯor gwo ki gwoŋ gana/ mo. Aris ’kwani ’baar mo ka ’deṯe/ ’deṯe/ uni gun ta ’kwani gi gwoŋ gana/ mo tani uni ciḵki ’twam pem mo be.

YOHAAN 5:21

Haali/ me’d jin ’de’kkin ma Baba uni kun wukin mo dhali c̱i uni moŋ’koki/e mo tani wakan si’da/ Ya/ c̱iki uni moŋ’koki/e mo uni gun ona bwa a’di mo be.

YOHAAN 6:33

Haali/ maa ma Arumgimis a’di ta a’di jin p̱u’dki’da ’cesh ’peni momis mo dhali c̱i mondiki/e e ’kwaniny’cesh mo.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

YOHAAN 6:57

Dhali me’da Babam pem jin di’d ki e mo dhali hash aha/ mo tani dhali aha/ dina ki e mo goma Baba mo, wakan a’diyin jin midi ’ka aha/ mo tani midi di ki e mo gom aha/ mo be.

YOHAAN 6:68

Simaan Buṯerus ki thoḵ a’di gwo mo ki: Tap̱a, ki am mina ii aja mo? Ki /e a’di ita gi gwo gi mondiki/e ki sule/ sule/ ya ye ’ba/ mo.

YOHAAN 8:32

Dhali um mini mish gwoŋ gana/ mo. Dhali gwoŋ gana/ midi dhu um ki ’kus mo be.

YOHAAN 8:51

Ka jiŋ gana/, ka jiŋ gana/ aha/ ṯora um gwo mo ki: Waḵki/ wathin ṯal ’deŋ kamu/ midi dhu gwom pem mo tani a’di midi diki p̱ar wu e ki sule/ mo be.

MII GUN MIINU MO 3:15

Dhali Amanṯel mondiki/e ’pen ’koshkina um jwa mo jin ’de’kkin ma Arumgimis ’peni mowu mo tani ana ’baar mo tana iman/o gwo gom a’di mo.

MII GUN MIINU MO 4:12

Dhali mowoṯẖ yisa di’da e wathiŋ kamu/ yisa haali/ gwaya kamu/ yisa di’da i’bame’d momis jin c̱inu ibwaŋ ’kwaniny’cesh ki ana minu mii woṯẖ mo e a’di mo be.

MII GUN MIINU MO 9:2

dhali doṯ a’di awarka/ gi Pan Dimashk ki gu’b gi montul isi ’baar mo, waḵki/ a’di midi ’taki gam kun tiya kun ta ’kwani gi Bway yan mo tani waḵki/ uni mini ’taki ta gwas mo walla up̱ mo tani a’di midi ’taki bu’th uni mmodeḵ mo dhali susu mo e Pa Urushaliim mo be.

RUUMIYA 15:16

Mmota amanmii to goma Ḵrisṯẖos jin ta’da Yesus mo gom ’kwani kun ’koki ta ’Kwani Yahuuda/ mo mmota gasiis ma aṯu’c gi gwom ’borga/ ma Arumgimis mo. Wakan ki to jin isi’d gi ’kwani kun ’koki ta ’Kwani Yahuuda/ minu mish bu’th mo a’di jin dhagamkunu ki Shi/in Dheleladhelel mo be.

RUUMIYA 5:2

Dhali e a’di si’da/ ana takina ki bway mo eya ’the yansan mo jin doshkina ana nycine/ mo be. Dhali ana ’kunya bwa mo e mo ma ’teŋ kap̱em bana gi monyca ma Arumgimis jin pwaḵkunu ana bwa mo be.

RUUMIYA 5:21

Dhali wakan si’da/ me’d jin sekina miinthus ap̱o/ mo gi wunu mo tani a’the si’da/ midi se ap̱o/ mo ma ḵar/e ki mondiki/e ki sule/ ya ye ’ba/ mo eya Yesus Ḵrisṯẖos Tap̱am bana mo be.

KURINṮH̱UUS ’DE/ 15:45

A’di i’kwarkunu gwo gi wakan mo be ki: Dhala Aadam yan jin ta jin ṯwa/a/ mo tani warki’d ki to jin di ki e mo, dhala Aadam jin ta jiŋ ’ko’d mo tani warki’d ki shi/in jin c̱i mondiki/e mo be.

EP̱ASUS 2:18

Haali/ e a’di mo tani aman dhali um takina gi bway mo e Shi/ina ’de/ mo eya Baba mo be.

KULUSSI 2:17

Uni gwansan ta jasa ḵashira/ gom to kun mini p̱u’du/ mo, hili buŋgwar is gi mii mo tani uni ta ku ma Ḵrisṯẖos mo be.

KULUSSI 2:9

Haali/ e a’di mo tani mon’tu’d ka ’bimpil mo jin ta ji ma Arumgimis mo mmotana a’di Arumgimis mo tani c̱a’bki’d e buŋgwar is piti mo.

KULUSSI 3:4

Ka Ḵrisṯẖos, a’di jin ta moŋ’koki/em bana minu piyu/ mo tani um si’da/ minu piyu/ mo nyaḵki a’di mo e monyca mo be.

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

IBRANIYIIN 9:8

Dhali ki mii gi wakan mo si’da/ tani Shi/in Dheleladhelel a’di ṯorki bway e mo jin ḵoguwa ḵo/ mo, ki a’di dinuki ’ka’d ’twa/ naskina/ mo me’d mii gi gu’b burrinye/ ma pije/ jin doshki’d naskina/ mo

BUṮERUS ’DE/ 1:21

E a’di mo tani um takin gi mo jin wunuwa Arumgimis jwa i is mo, a’di jin cuki a’di mis ’peni mowu mo, dhali c̱i a’di monyca mo, wakan ki moŋgam gwo is bum mo dhali mo ma ’teŋ kap̱em bum mo mini ’ko eya Arumgimis mo be.

BUṮERUS ’DE/ 2:4

Iiyu/ i a’di mo, a’di jin ta wosh yin jin di ki e mo, a’di jin waḵkina ’kwani mo, hili e jis/e ma Arumgimis mo tani a’di kwanykunu mo dhali a’di ta yintho/ ki yintho/ mo.

BUṮERUS ’DE/ 3:18

Haala Ḵrisṯẖos a’di wuki’d mo si’da/ gom miinthus mo me’d ’de/ mo gom ’kwani ’baar mo, a’di jin ta’da ḵar/e mo wuki’d mo gom uni kun ’koki ta ḵar/e mo, ki a’di midi ’taki sus ana eya Arumgimis mo. A’di karkunu mo mmowu mo ki buŋgwar is gi shuman is mo, hili a’di karkunu ki e mo e shi/in mo.

YOHAAN ’DE/ 1:8

Waḵki/ ana ona gwo ki ana dara gi miinthus mo tani ana heka is banaŋ gana/ e mo dhali gwoŋ gana/ yisa di’d e ana mo.

YOHAAN ’DE/ 2:23

A’din ’deŋ kamu/ jin waṯki Ya/ mo tani a’di diki ta ga Ababa mo. A’di jin piki gwo gom Ya/ mo tani a’di ta’d ga Ababa mo si’da/.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

YOHAAN ’DE/ 5:6

Dhali yan ta a’di jin p̱u’dki’d ki yi’de/ mo dhali ka bas mo jin ta’da Yesus Ḵrisṯẖos mo, yisa jasi ki yi’de/ ’teya, hili ki yi’de/ mo dhali ka bas mo be.

YOHAAN SU/ 1:9

Macin ’de/ jin ya’di ṯwa/a/ mo dhali diki c̱a’b e gwo ma Ḵrisṯẖos mo tani a’di diki ta ga Arumgimis mo. A’di jin c̱a’bki’d e gwo ma Ḵrisṯẖos mo tani a’di ta’d ga Baba mo dhali Ya/ mo be.

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,

GWO JIN ’CEENU MO 19:11

Dhali yan’ko’d aha/ p̱arkina momis e mo mmoḵa’dkunu a’di ’twa/ mo, dhali hili mo mo ma, aha/ mishkina shumarum kush mo. Dhali a’di yansan jin c̱a’bki’da p̱o/ a’di mo tani gway piti yuḵu ki: A’di jin ta Isiŋ Gana/ mo dhali a’diŋ Gana/ mo, dhali e momii mii ma ḵar/e mo tani a’di dwallki gwo mo dhali kar mo/as mo be.

GWO JIN ’CEENU MO 20:15

Dhali waḵki/ jan ṯal ’deŋ kamu/ ’konuki gam gway piti jin ’kwarkunu mo eya warka/ gi mondiki/e yan mo tani a’di si’da/ minu biṯ mo eya al o’d mo be.

GWO JIN ’CEENU MO 22:1

Dhali yan’ko’d a’di ṯorki aha/ yi’de/ jin guski’d mo jin ta yi’de/ jin di ki e mo, jin kushakush jin mii’d ki wa’c wa’c mo, mmoyayaa ŋwac̱a/ mo ’pena ḵursi ma Arumgimis mo dhali Ari Ḵa’bal mo,

GWO JIN ’CEENU MO 22:17

Shi/in dhali Nyaranyaŋa’b o gwo mo ki: Iiyu/ mo. Dhali dhalki a’di jin ciḵ a’di mo o gwo mo ki: Iiyu/ mo. Dhali dhalki a’di jin budha yi’de/ gom miiŋḵar/e mo yayi’d mo. Dhali dhalki a’di jin ona bwa ki bu’th yi’de/ gi mondiki/e ki dar gi moyol mo tani iyayi’d si’da/ mo.

GWO JIN ’CEENU MO 3:14

Dhali eya man’doyu gwo ma ḵaniisa gi Pa Lawudikiyya mo tani ’kwari gwo mo ki: Gwo gi a’di ma Amen mo, a’di jin ta isiŋ gana/ mo dhali jin ta’da man/o gwo jin ta jiŋ gana/ mo, jin ta mo ma muŋ’kup̱ me’d jin uḵkin ma Arumgimis aris to mo be, mmo/o gwo mo ki:

GWO JIN ’CEENU MO 3:7

Dhali eya man’doyu gwo ma ḵaniisa gi Pam P̱iladalp̱iya mo tani ’kwari gwo mo ki: Gwo gi a’din ’de/ jin ḵogu mo, a’din ’de/ jin ta jiŋ gana/ mo, dhali a’di jin ta’d ga mup̱tha/ ma Dawuu’d mo, a’di jin midi ḵa’d ’twaŋkal mo dhali jan ṯal ’deŋ kamu/ p̱iyi’d jin midi mu’th a’di mo, a’di jin mu’thki a’di mo tani dhali jan ṯal ’deŋ kamu/ mol a’di ḵa’d mo be, mmo/o gwo mo ki: