YOHAAN 14:4 - Uduk New Teatament and OT Portions

⁴ Dhali mo yin jin yakika/ iya mo tani misha um mo dhali bway misha um si’da/ mo be.

YOHAAN 14:4 Iomraidhean Croise

LUUKA 24:26

A’di diki ta mii jin minu mii mii mo ka Ḵrisṯẖos mina is ’taki diki mii ’kosh ka nyor gom to gwansan mo dhali cic̱ mo e monycam piti mo ’taa?

YOHAAN 10:9

Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.

YOHAAN 12:26

Waḵki/ wathin ṯal ’deŋ kamu/ midi mii aha/ to mo tani a’di midi mii baṯẖ aha/ nsho’k mo be. Dhali mo yin jin miga/ di mo tani a’di imina c̱iŋkinam pemi di si’da/ mo be. Waḵki/ wathin ṯal ’deŋ kamu/ midi mii aha/ to mo tani Ababa midi taḵ a’di mo be.

YOHAAN 13:3

Yesus mmomishkina a’di ki Com c̱iki’da ris to ’baar mo e me’d piti mo dhali mmop̱u’dkina a’di ’peni Arumgimis mo dhali mmomina a’di doḵa Arumgimis ka nyaŋ’ko’d mo tani

YOHAAN 14:2

E gu’b ma Babam pem mo tani mo jin minu ’ko tana ris mo. Waḵki/ a’di midi ’taki diki wakan mo tani a/miga/ ’taki ṯor um gwo ki aha/ yana ya mo mmothoson mo gom uma?

YOHAAN 14:28

Um ciḵki gwo mo jin oka/ ki: Aha/ yana ya mo dhali aha/ mina idoḵu/ i um mo. Waḵki/ um eni aha/ mo tani um mina bwa ’taki ’kuny mo haali/ aha/ yana Ababa mo, haala Baba a’di eḵki’d mmobol aha/ e mo be.

YOHAAN 14:3

Dhali ki aha/ mina ya mo dhali thoson um mo tani aha/ mina doḵu/ doḵ/e dhali ’do um nyaḵki aha/ mo ki mo yin jin miga/ di nycine/ mo tani a’di imina umi ’ko si’da/ mo be.

YOHAAN 14:5

Ṯuuma ki o a’di gwo mo ki: Tap̱a, aman ’konaki mish mo jin yana /e iya mo. I/aman misha bway imana?

YOHAAN 16:28

Aha/ pikina ’pena Baba mo dhali aha/ p̱u’dkina i ’kwaniny’cesh mo be. Doḵ/e aha/ mura idhal ’kwaniny’cesh ’pen mo dhali ya Ababa mo be.

YOHAAN 3:36

A’diyin jin gamki gwo is e Ya/m piti mo tani a’di ta’d gi mondiki/e ki sule/ sule/ ya ye ’ba/ mo be. A’diyin jin diki ha gwo gi Ya/ e mo tani a’di midi diki p̱ar mondiki/e e mo, hili anyor ma Arumgimis c̱a’bki’d ap̱o/ a’di mo be.

YOHAAN 6:40

Haali/ a’di yansan ita bwa ma Babam pem mo, ki aris ’kwani ’baar mo ka ’deṯe/ ’deṯe/ kun p̱arki Ya/ e mo dhali gam gwo is e a’di mo tani mini ’taki ta gi moŋ’koki/e ki sule/ sule/ ya ye ’ba/ mo. Dhali aha/ mina ’de’k uni ka cim jiŋ ’ko’d mo be.