YOHAAN 14:2 - Uduk New Teatament and OT Portions

² E gu’b ma Babam pem mo tani mo jin minu ’ko tana ris mo. Waḵki/ a’di midi ’taki diki wakan mo tani a/miga/ ’taki ṯor um gwo ki aha/ yana ya mo mmothoson mo gom uma?

YOHAAN 14:2 Iomraidhean Croise

LUUKA 14:22

Dhali yan’ko’d c̱iŋkina/ ki o gwo mo ki: Tap̱a, gwo gi ḵankina /e aḵan mo tani miikunu mo be dhali embul di’d naskina/ mo.

YOHAAN 13:33

Ushi uc̱iya, aha/ dina um jasi ari’ceenne/ mo. Um mini ŋap̱ aha/ mo dhali me’d jin okika/ ’Kwani Yahuuda/ gwo mo, wakan si’da/ tani shwane/ aha/ ona um gwo mo ki: Mo yin jin miga/ ya icine/ mo tani mina um mol iiyu/ icine/ mo be.

YOHAAN 13:36

Simaan Buṯerus ki o a’di gwo mo ki: Tap̱a, ki mana imina /e iya mo? Yesus ki thoḵ a’di gwo mo ki: Mo yin jin miga/ ya mo tani /e mini mol aha/ baṯẖi sho’k shwane/ mo. Hili /e mini baṯẖ aha/ nsho’k ŋ’ko’d mo be.

YOHAAN 14:28

Um ciḵki gwo mo jin oka/ ki: Aha/ yana ya mo dhali aha/ mina idoḵu/ i um mo. Waḵki/ um eni aha/ mo tani um mina bwa ’taki ’kuny mo haali/ aha/ yana Ababa mo, haala Baba a’di eḵki’d mmobol aha/ e mo be.

YOHAAN 16:4

Hili aha/ okina to gwansan e um mo, ki mom buni mini p̱u’du/ mo tani um ki ka gwo e ki aha/ ṯorkina um uni mo be. Aha/ dinaki o gwo gwansan ’peni ka muŋ’kup̱ mo haali/ aha/ dikina nyaḵki um mo be.

YOHAAN 17:24

Ababa, aha/ ona bwa si’dayi ki uni gwansan kun c̱ikina /e aha/ mo mini nyaḵ ’ko ki aha/ mo e mo yin jin miga/ di mo, mmop̱ar monycam pem e mo, a’di jin c̱ikina /e aha/ mo ki mo/en pini gom aha/ mo nṯwa/a/ ki mony’cesh yan dinuki ḵa’b mo be.

MII GUN MIINU MO 9:16

Haali/ aha/ mina ṯor a’di to kun wana risa kun mina isi mii ’kosh a’di ka nyor gom gway pem mo.

KURINṮH̱UUS SU/ 5:1

Haali/ aman misha ki waḵki/ gu’ba’ku/ gi mony’cesh yan mo jin ’kona aman nycine/ ’ce’dkunu sho’k mo tani aman tana gi monyaŋ ’peni Arumgimis mo, gu’b jin nyaŋu ki me’d yisa, a’di jin midi di ki sule/ sule/ e momis mo be.

TASALUNIIKI ’DE 5:9

Haali/ Arumgimis diki ’kawur ana mo goma nyor mo hili ki ana mina bu’th bway mowoṯẖ mo e Tap̱a Yesus Ḵrisṯẖos bana mo,

TIITHUS 1:2

e mo ma ’teŋ kap̱e/ mo gom mo gi ’konu ki e ya ye ’ba/ mo, a’di jin okin ma Arumgimis gwo is ’peni kadhamo/ dhamo/ nnii mo, a’di jin diki ta aṯor ki sule/ mo be.

IBRANIYIIN 11:10

Haali/ a’di hilki’d gom ’peŋkuman bampa/ jin midi p̱u’du/ yilaŋ kamu/ mo, a’di jin ḵa’bu/ mo, a’di jin nyaŋkin ma Arumgimis mo dhali a’di jin uḵkina a’di mo be.

IBRANIYIIN 13:14

Haali/ mmahan mo tani ana dara gi ’peŋkuman bampa/ jin ta a’di jin midi di ki sule/ sule/ mo, hili ana simma ’peŋkuman bampa/ e mo jin midi p̱u’du/ mo be.

IBRANIYIIN 6:20

mo c̱aan jin yakin ma Yesus nṯwa/a/ mo gom gway bana mo mmotakina a’di agasiis jin ca’d mo ki sule/ sule/ mo mmothuḵ mii ma Malkisaadag mo be.

IBRANIYIIN 9:8

Dhali ki mii gi wakan mo si’da/ tani Shi/in Dheleladhelel a’di ṯorki bway e mo jin ḵoguwa ḵo/ mo, ki a’di dinuki ’ka’d ’twa/ naskina/ mo me’d mii gi gu’b burrinye/ ma pije/ jin doshki’d naskina/ mo

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,

GWO JIN ’CEENU MO 21:2

Dhali aha/ p̱arkina ’peŋkuman bampa/ jin ḵogu e mo, a’di jin ta Pa Urushaliim jin ta jin this mo, mmothulu/ ka ’cesh ’peni momis ’peni Arumgimis mo, mmothosonkunu a’di is mo me’d nyaranyaŋa’b jin nyoŋkunu is ki to mo goma kaṯẖim piti mo be.

GWO JIN ’CEENU MO 3:12

A’di jin p̱iki mii e mo tani aha/ mina kar a’di mmota akaḵ gi gu’b gi mondheleladhelel ma Arumgimis pem mo. A’di midi mol ya ka pije/ ki sule/ sule/ ’peni a’di mo, dhali aha/ mina ’kwar gwo ap̱o/ a’di jin ta gway ma Arumgimis pem mo, dhali gway gi ’peŋkuman Bampa/ ma Arumgimis pem mo, a’di jin ta Pa Urushaliim jin ta jin this mo jin midi p̱u’dku/ ka ’cesh mo ’peni Arumgimis pem mo ’peni momis mo, dhali gway this pem gana/ mo be.

GWO JIN ’CEENU MO 3:21

A’di jin midi p̱i mii e mo tani aha/ mina c̱i a’di ’ban mo jin mina a’di c̱a’b nyaḵki aha/ ka ḵursi ma maliḵ pem mo, me’d aha/ ki is pem mo mmop̱ikika/ mii e mo dhali aha/ c̱a’bkina nyaḵka Babam pem eya ḵursim piti mo be.