YOHAAN 14:12 - Uduk New Teatament and OT Portions

¹² Ka jiŋ gana/, ka jiŋ gana/ aha/ ona um gwo mo ki a’di jin gamki aha/ gwo is mo tani midi mii mii si’da/ kun miika/ mo, dhali mii kun can ki gwansan mo tani mina a’di imii mo haali/ aha/ yana ya Ababa mo be.

YOHAAN 14:12 Iomraidhean Croise

MAṮṮA 21:21

Dhala Yesus ki thoḵ uni gwo mo ki: Ka jiŋ gana/ aha/ ona um gwo mo ki: Waḵki/ um mini ta gi moŋgam gwo is mo dhali ’koki shi/ bwa ’kup̱ mo tani um mini ’koki mii jasi a’di jin miikunu mo gom cwamp̱u/ yan mo. Hili waḵki/ um mini owa dhan wosha turga/ yansan gwo mo ki: Dhalki a’di gunu mo dhali biṯ mo e bwam ḵumma/ yi’de/ mo tani, a’di minu mii mo be.

MARKUS 11:13

Dhali a’di mishki’da p̱u/ ’pena dhana/ mo jin lu/u’d mo. A’di ki ya mo mmop̱ar e mo waḵki/ a’di midi ’taki gam maman ’peni a’di mo. Ki a’di p̱u’dki’di a’di mo tani a’di diki gam toŋ kamu/ mo hili jasi ’cemen gana/ mo haali/ a’di diki ta yil ma p̱u/ mmodho’th mo be.

MARKUS 16:17

Dhali jamas mii gwansan mini baṯẖ uni gwansan kun gam gwo is mo: Ki gway pem mo tani uni mini ura ruma ’cesh ka pije/ mo dhali uni mini wal ’twa/ ki ’twan thisa tiya mo be.

YOHAAN 14:28

Um ciḵki gwo mo jin oka/ ki: Aha/ yana ya mo dhali aha/ mina idoḵu/ i um mo. Waḵki/ um eni aha/ mo tani um mina bwa ’taki ’kuny mo haali/ aha/ yana Ababa mo, haala Baba a’di eḵki’d mmobol aha/ e mo be.

YOHAAN 16:7

Bahili aha/ ṯorkina um gwoŋ gana/ mo. A’di ta shi/ miim ’boro’d bum mo jin miga/ ya mo haali/ waḵki/ aha/ dinaki ya mo tani Amanmalas midi diki yayu/ i um mo. Hili waḵki/ aha/ yana mo tani aha/ mina hashki a’di i um mo be.

YOHAAN 4:37

E mii yan mo tani gwo jin onu mo gama gam ki gwoŋ gana/ mo jin o gwo mo ki: Wathin ṯal ’de/ ki si to mo dhali jaŋ kamu/ ki ’ciṯẖ to mo be.

YOHAAN 5:20

Haali/ Ababa a’di enki Ya/m piti mo dhali ṯor a’di aris to ’baar mo a’di jin miikina a’di ki is piti mo. Dhali adhan mii kun can kun boli gwansan e mo tani mina a’di iṯor a’di i e mo ki um mini mer mo be.

YOHAAN 7:33

Dhali yan’ko’d Yesus ki o uni gwo mo ki: Aha/ mina di e um ari’ceenne/ mo dhali yan’ko’d aha/ mina ya e a’di jin hashki aha/ mo be.

YOHAAN 7:39

Dhali gwo yansan jin okina a’di mo tani okina a’di gom Shi/in mo, jin mina a’di c̱i gom uni gwansan kun gamki a’di gwo is mo kun muruni bu’th a’di mo be. Haali/ Shi/in a’di dinuki c̱iyu/ naskina/ mo haala Yesus naskina/ dinuki kar cam piti eya tente/ mo be.

MII GUN MIINU MO 10:46

Haali/ uni ciḵ uni mmo/o gwo ki ’twan tiya dhali maŋa Arumgimis mo. Ŋ’ko’d mo tani aBuṯerus thoḵ gwo mo ki:

MII GUN MIINU MO 16:18

Dhali yan miikina a’di ka cim ka ris mo. Hila Buulus mmodiṯa bwa a’di mo tani ṯu’kki’d mo dhali owa rum gwo mo ki: Aha/ ḵana /e gwo ki gway ma Yesus Ḵrisṯẖos mo mmoyayu/ ka pije/ ’peni a’di mo. Dhali a’di piki’d ka pije/ mo ki mo yansan mo.

MII GUN MIINU MO 19:12

Gom a’di ki mii yan kan mo tani a’di ’dona uni burrinyeny jiṯi/ mo walla burrinyen ṯu’c ’peni is piti e uni kun ’bathan mo dhali mom’ba’th iikin mo ’peni uni mo dhala rum thus kun nyo/on iikin ka pije/ mo be.

MII GUN MIINU MO 2:33

A’di mmokaru a’di ki ca e me’da bim poros ma Arumgimis mo tani dhali mmobutha a’di gwo ’peni Com jin onu is gom Shi/in Dheleladhelel mo tani a’di gac̱ki’da pije/ mo a’di yan jin misha um mo dhali jin ciḵa um si’da/ mo.

MII GUN MIINU MO 2:41

Yan’ko’d uni si’da/ kun bu’th gwom piti mo, uni miikunu ki yi’de/ mo dhali uni maru is ka cim yin mo ’kwani ka ris wari wana e ka alaap̱i kwara mo.

MII GUN MIINU MO 4:16

mmo/o gwo mo ki: Ana mina miiya ta ki ’kwani gwansan sa/? Haali/ ka jiŋ gana/ a’di ṯoru eya tente/ ibwam uni ’baar kun ’kon e Pa Urushaliim mo ki miimer jin misha ’kwani ’baar mo miikunu mo e uni mo dhali ana mola a’di waṯ mo be.

MII GUN MIINU MO 4:33

Dhali gwo gi mom’bi’th caaca mo tani imandhun ma Yesus ki she/ c̱i gwonṯor buni gom mompina Tap̱a Yesus ’peni mowu mo dhala ’the caaca c̱a’bki’da p̱o/ uni ’baar mo be.

MII GUN MIINU MO 4:4

Hili uni ’kon ka ris ’peni bwam uni kun ciḵ gwo mo uni kun gam gwo is mo dhali mondeŋ gi gwas warki’d ki mondeŋ jin wana e ka alaap̱i mudhe’d mo be.

MII GUN MIINU MO 5:15

To miikunu ki nyanye/ mo tani uni si’da/ ki ḵal kum ’bathan e bway mo dhali ’thi uni eya ci mo dhala birish si’da/ mo ka Buṯerus mmopena a’di uni mo tani aḵashiram piti midi ’taki wup̱a p̱o/ unin tiya ’peni bwam uni mo be.

MII GUN MIINU MO 6:7

Dhali gwo ma Arumgimis caki’d mo dhali mondeŋ gi imanciḵ gwo markunu is mo e Pa Urushaliim kagahara mo dhala waambuhany igasiis caaca haki gwo yansan e jin gamu is mo.

MII GUN MIINU MO 8:7

’Peni uni ka ris kun bu’th ma rum thus kun nyo/on mo tani arum thus pikin mo mmocuuna uni ki dhan ’twa/ kun caaca mo dhali uni tana ris kun muṯṯa/ is mo dhali kun ta ŋwol mo tani uni wac̱kunu mo be.

MII GUN MIINU MO 9:34

Dhala Buṯerus ki o a’di gwo mo ki: Iniyaasa, Yesus Ḵrisṯẖos wac̱ki /e mo. Cuyi mis mo dhali thosona cim pini mo ma. Dhali ise/ a’di cuki’d mo.

MII GUN MIINU MO 9:40

Hila Buṯerus thoṯẖki uni ’baar mo tani dhali a’di c̱a’bki’d ki jiŋ ’kup̱a’dup̱un mo dhali ’tho mo dhali mmoṯu’k ’kup̱ ki is piti mo tani a’di ki o gwo mo ki: Thabiiṯẖa, cuyi mis mo ma. Dhali a’di ḵa’dki em piti mo dhali ki a’di p̱arki’da Buṯerus e mo tani a’di cu mis mo.

RUUMIYA 15:19

Ki mom’bi’th gi jamas mii mo dhali momer dhali ki mom’bi’th gi Shi/in Dheleladhelel mo. Gom mii gi wakan ’peni Pa Urushaliim mo dhali ntagi mo is ’ko’d e Pa Illirikuun mo tani aha/ thimkina gwom ’borga/ ma Ḵrisṯẖos mmoc̱i mo be.