YOHAAN 14:1 - Uduk New Teatament and OT Portions

¹ Dhalku/ ki dhu adum bum ki mur mo ma. Gami um gwo is eya Arumgimis mo dhali gami aha/ gwo is si’da/ mo.

YOHAAN 14:1 Iomraidhean Croise

GWAY GI IDAWUU’D 43:5

Katinta ibiṯu/ /e eya ’cesh mo, ayy aḵashiram pem mo, dhali atinta i/usha /e me’d kan e aha/ mo? Tayi ka ’teŋ kap̱e/ eya Arumgimis mo. Haali/ aha/ mina doḵ/e maŋ a’di mo, a’di jin ta’da manwoṯẖ pem dhali Arumgimis pem mo.

GWAY GI IDAWUU’D 77:10

Dhali aha/ ona gwo mo ki: A’di ta aha/ jin jwakaṯkunuwa du mo ki me’d gi a’di jin Caa e ki Ca aḵki mii e mo.

YOHAAN 11:33

Ka Yesus p̱arki’da yim e mo mmogwokina a’di mo tani dhali ’Kwani Yahuuda/ kun nyaḵki p̱u’d ka yim mo mmoko mo si’da/ tani a’di den ma du mo e shi/in piti mo dhali mur mo.

YOHAAN 12:27

Dhali shwane/ aḵashiram pem ṯocu bwa mo, dhali aha/ mina i/o kata mo? Ababa. /E ki woṯẖi aha/ ’peni mo yansan mowa? Yisa. Haali/ gom ’kup̱ mii yan mo tani aha/ p̱u’dkina mo e mo yansan mo be.

YOHAAN 12:44

Dhala Yesus cuuki’d kagahara dhali o gwo mo ki: A’diyin jin gamki aha/ gwo is mo tani diki gam aha/ gwo is jasi ’te/ mo, hili a’di gamki a’di jin hashki aha/ gwo is mo be.

YOHAAN 13:19

Aha/ ṯora um gwo shwane/ nṯwa/a/ mo ki mo diki bu’th mo mo, waḵki/ a’di ki bu’th mo mo tani um ki gam gwo is ki aha/ tana a’di mo be.

YOHAAN 16:24

Ntagi shwanesan mo tani um ’koki doṯ toŋ kamu/ ki gway pem mo. Doṯi mo ma dhali um mini bu’th to mo ki moŋ’kuny bwam bum minu ’tu’d mo be.

YOHAAN 16:3

Dhali uni mini mii mii yansan haali/ uni ’koki misha Baba mo walla aha/ mo be.

YOHAAN 16:6

Hili haali/ aha/ ṯorkina um gwo gwansan mo tani bwan diṯi’d ’tu’dki uma dum bum mo be.

YOHAAN 5:23

ma me’dyin si’da/ taḵkina uniya Baba mo. A’di jin diki taḵ Ya/ mo tani diki taḵa Baba mo a’di jin hashki a’di mo be.

YOHAAN 6:40

Haali/ a’di yansan ita bwa ma Babam pem mo, ki aris ’kwani ’baar mo ka ’deṯe/ ’deṯe/ kun p̱arki Ya/ e mo dhali gam gwo is e a’di mo tani mini ’taki ta gi moŋ’koki/e ki sule/ sule/ ya ye ’ba/ mo. Dhali aha/ mina ’de’k uni ka cim jiŋ ’ko’d mo be.

KURINṮH̱UUS SU/ 2:7

Wakan um mini ’taki mii dhal mii e i is mo mmoṯu’k mo mmodhal a’di amure/ miinthus piti ’pen mo dhali malas a’di mo, walla a’di minu kumki ’twa/a ’cesh mo ki bwa jin diṯadiṯ ki nyanye/ mo.

EP̱ASUS 1:15

Gom ’kup̱ gwo yan mo tani haali/ aha/ ciḵkina gwo mo gom moŋgam gwo is bum mo e Tap̱a Yesus mo dhali mo/en bum ’kup ki uni kun dhunu ki she/ ki dhelel dhelel mo tani

TASALUNIIKI SU/ 2:2

Dhalku/ ki ta uni gun mina isi la yiḵin ki jahanne/ mo eya du mo walla la dhal cuuwa/ me’d mo walla ki shi/in mo walla ki gwo mo, walla ki gwo jin ’kwarkunu mo mmo/o ki a’di ta jim bam mo mmoṯes gwo mo ka tee gi Tap̱a p̱u’dki’d mo.

BUṮERUS ’DE/ 1:21

E a’di mo tani um takin gi mo jin wunuwa Arumgimis jwa i is mo, a’di jin cuki a’di mis ’peni mowu mo, dhali c̱i a’di monyca mo, wakan ki moŋgam gwo is bum mo dhali mo ma ’teŋ kap̱em bum mo mini ’ko eya Arumgimis mo be.