YOHAAN 13:5 - Uduk New Teatament and OT Portions

⁵ Dhali yan’ko’d a’di ki wol yi’de/ e bwam ma sahan mo dhali ṯel mii ’pen mo mmolam imanciḵ a’di gwo sho’k mo dhali shumuṯ uni sho’k ki burrinye/ gi imanmiiya ṯu’c jin hitha a’di e empa’d mo be.

YOHAAN 13:5 Iomraidhean Croise

ṮAKWIIN 18:4

Dhalki ari yi’de/ ha’bkunu mo mo ma dhali lami sho’k bum mo ma dhali siyi is bum mo eya lany cwa mo

ṮAKWIIN 19:2

Dhali a’di oki gwo mo ki: Itap̱am pema, aha/ doṯkina um mo. Ṯuki mo ma ’peni bway bum mo e gu’b gi c̱iŋkinam bum mo dhali ’baari mon’thiny mo dhali lami sho’k bum mo. Yan’ko’d um mini mish cu mis mo ki jahanne/ mon’thamo/ mo dhali ii ki bway bum mo. Uni oki gwo mo ki: Yisa. Am mina i’baar mon’thiny mo e bway tur mo.

ṮAKWIIN 43:24

Dhali wathi/ suski ’kwani bway gu’b ma Yuusup̱ mo dhali c̱i uni yi’de/ mo dhali ki uni lamki sho’k buni mo dhali ki a’di c̱iki thuluny buni to mmoshwa mo si’da/ tani

GWAY GI IDAWUU’D 51:2

Lami aha/ ’pena taŋkara/ ’peni miinthus pem mo, dhali dheleli aha/ mo ’peni miinthus pem mo.

LUUKA 7:38

Dhali a’di ki doshi bwamp̱o/ a’di isho’k piti mo. A’di ki ko mo. A’di ki ṯel mii ’pen mo mmoli/ a’di sho’k ki jabu’th em piti mo dhali a’di ki shumuṯ uni ka mur ’kup̱ ma yim mo dhali a’di ki p̱i sho’k piti ’twa/ mo dhali a’di ki ’kosh uni ka yina ’borga/ mo be.

LUUKA 7:44

Yan’ko’d a’di ki ṯu’k ’kup̱ ka ’bom mo dhali owa Simaan gwo mo ki: /e mishkina ’bom yansan mo ’taa? Aha/ cic̱kina gu’b pini mo tani dhali /e diki c̱i aha/ yi’deŋ kamu/ mo ki sule/ mo gom sho’k pem mo. Hila yim a’di ki li/ aha/ sho’k pem ki jabu’th em piti mo dhali shumuṯ uni ka mur ’kup̱ piti mo be.

YOHAAN 13:10

Yesus ki thoḵ a’di gwo mo ki: Adiyin jin up̱kunu mo tani midi mii diki mii ta gi mo jin minu lam a’di mo isi ciki/ jasi sho’k piti mo, hili a’di dhelelki’d ka ’kup̱ kulu/ mo be. Dhali um dhelelkin mo tani, hili yisa umi ’baar mowa.

YOHAAN 13:6

A’di p̱u’dki’da Simaan Buṯerus mo dhala Simaan Buṯerus ki o a’di gwo mo ki: Tap̱a, /e mini lam aha/ sho’k pem ’taa?

YOHAAN 13:8

Buṯerus ki thoḵ a’di gwo mo ki: /E mini diki lam aha/ sho’k pem ki sule/ sule/ mo ba/. Yesus ki thoḵ a’di gwo mo ki: Waḵki/ aha/ dinaki lam /e mo tani /e diki ta gi moŋkamu/ e aha/ mo be.

YOHAAN 19:34

Hila askara ’deŋ kamu/ su’kki a’di gwar ka mee mo dhali ki jahanne/ abas guski’d mo dhali yi’de/ mo be.

MII GUN MIINU MO 22:16

Dhali shwane/ ata c̱a’ba /e mmomii mo? Cuyi /e mis mo ma dhali miiyi is pini ki yi’de/ mo mmolam miinthus pini mo mmoyer gway piti mo.

KURINṮH̱UUS ’DE/ 6:11

Dhali kun tiya ta ku gi wakan e um mo. Hili um lamkunu mo, um dhukunu ki she/ ki dhelel dhelel mo, dhali um dhukunu mo ki mo ma ḵar/e mo ki gway gi Tap̱a Yesus Ḵrisṯẖos mo dhali ki gway gi Shi/in Dheleladhelel ma Arumgimis bana mo be.

EP̱ASUS 5:26

ki a’di midi dhagama yim mo ki mo jin dhelelkina a’di ayim mo ki gwo mo me’d mo jin lamu ki yi’de/ mo

ṮIMUṮH̱AWUUS ’DE/ 5:10

Dhala yim minu mii o gwo maŋ mo gom miim ’borga/ ma yim mo me’d jan ’de/ jin thip̱ki uc̱i mo mmoṯor mii jin minu ta gu’b piti ŋal mo, mmolam uni kun dhunu ki she/ ki dhelel dhelel sho’k mo, mmowoṯẖa/ woṯẖ mo gom uni kun ṯoju ’kus mo, dhali is ma yim jin kara a’di ka gayiin mo mmomii mii kun ’boron eya ris ’twaŋkal kuku/ mo.

IBRANIYIIN 10:22

dhalki ana ’disha mii is mo ka duŋ gana/ mo mmo’tu’d mo mmomish mo ki isa duŋ gana/ ki moŋgam gwo is mo, ka dum bana kun ḵukuskunu ana ki dhelel dhelel mo ’peni tonthus gi ’twa/ ma dum bana mo dhali buŋgwar is bana kun lamkunu ki yi’de/ jin c̱a’bki yidhiṯẖ yidhiṯẖ mo be.

YOHAAN ’DE/ 1:7

Hili waḵki/ ana iina mo e moŋkush mo tani me’d a’di jin di’d e moŋkush mo tani ana nyaḵa to mii ka rem ’kup̱ mo dhali abas ma Yesus jin ta Ya/m piti mo tani a’di pucumki ana aris miinthusi ’baar mo be.

YOHAAN ’DE/ 5:6

Dhali yan ta a’di jin p̱u’dki’d ki yi’de/ mo dhali ka bas mo jin ta’da Yesus Ḵrisṯẖos mo, yisa jasi ki yi’de/ ’teya, hili ki yi’de/ mo dhali ka bas mo be.

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,

GWO JIN ’CEENU MO 7:14

Aha/ ki o a’di gwo mo ki: Gana, /e a’di imishki uni mo be. Dhali a’di ki oyaa/ gwo mo ki: Uni gwansani, ita uni gun piyin mo ’pena dhan monṯo’c bwa mo. Uni lamki burrinyen tur buni mo dhali mii uni ki bany bany ka bas gi Ari Ḵa’bal mo.